Іван Мікітавіч Туфтаў

Іван Мікітавіч Ту́фтаў (24 снежня 1912 — 21 ліпеня 1974) — удзельнік Вялікай Айчыннай вайны, Герой Савецкага Саюза (1944).

Іван Мікітавіч Туфтаў
Дата нараджэння	24 снежня 1912(1912-12-24)
Месца нараджэння	Гарадзінец, Горскі сельсавет, Лепельскі раён, Беларусь
Дата смерці	21 ліпеня 1974(1974-07-21) (61 год)
Месца смерці	пасёлак Акцябрскі, Краснадарскі край
Грамадзянства	СССР
Прыналежнасць	СССР
Гады службы	1941—1945
Званне	чырвонаармеец
Бітвы/войны	Вялікая Айчынная вайна
Узнагароды і званні	Ордэн Славы

І. М. Туфтаў нарадзіўся ў вёсцы Гарадзінец (зараз у Лепельскім раёне Віцебскай вобласці). Пасля грамадзянскай вайны разам з сям'ёй пераехаў у Краснаярскі край. Жыў у вёсцы Шарыпаўка, працаваў у калгасе.

Падчас Вялікай Айчыннай вайны на фронце з жніўня 1941 г. Удзельнічаў у Смаленскай бітве, абарончых баях на Доне, Сталінградскай бітве, Корсунь-Шаўчэнкаўскай, Уманска-Баташанскай и Яска-Кішынёўской аперацыях, баях за Будапешт у 1944 г, каля возера Балатон (Венгрыя) у 1945 г. і інш.
Кулямётчык мотастралковага батальёна 45-й механізаванай брыгады 5-га механізаванага корпуса 6-й танкавай арміі 2-га Украінскага фронту радавы І. Туфтаў вызначыўся ў сакавіку 1944 г. пры фарсіраванні рэк Паўднёвы Буг у Вінніцкай вобласці (Украіна) і Днестр каля горада Магілёў-Падольскі.

Пасля дэмабілізацыі жыў і працаваў у Краснадарскім краі.

Узнагароды

• Медаль «Залатая Зорка» (№ 4301) Героя Савецкага Саюза
• Ордэн Леніна
• Ордэн Чырвонай Зоркі
• Ордэн Славы 3 ступені
• медалі.

Літаратура

• Туфтаў Іван Мікітавіч // Беларуская энцыклапедыя: У 18 т. Т. 16: Трыпалі — Хвіліна / Рэдкал.: Г. П. Пашкоў і інш. — Мн. : БелЭн, 2003. — Т. 16. — С. 64. — 10 000 экз. — ISBN 985-11-0035-8. — ISBN 985-11-0263-6 (т. 16).

Спасылкі

• Іван Мікітавіч Туфтаў на сайце «Героі краіны»
• Туфтов Иван Никитович(недаступная спасылка) (руск.)