Ізяслаў Яраславіч

Ізяслаў Яраславіч, у хрышчэнні Дзмітрый (1024 — 3 кастрычніка 1078) — князь тураўскі і вялікі князь кіеўскі.

Ізяслаў Яраславіч
вялікі князь кіеўскі 20 лютага 1054 — 1068
Папярэднік	Яраслаў Уладзіміравіч
Пераемнік	Усяслаў Брачыславіч
вялікі князь кіеўскі 1069 — 1073
Папярэднік	Усяслаў Брачыславіч
Пераемнік	Святаслаў Яраславіч
вялікі князь кіеўскі 1077 — 3 кастрычніка 1078
Папярэднік	Усевалад Яраславіч
Пераемнік	Усевалад Яраславіч
Нараджэнне	1024 Ноўгарад, Наўгародская зямля, Кіеўская Русь
Смерць	3 кастрычніка 1078 Няжаціна ніва[d], Чарнігаўскае княства
Месца пахавання	Дзесяцінная царква[d]
Род	Рурыкавічы
Бацька	Яраслаў Уладзіміравіч
Маці	Інгігерда
Жонка	Гертруда Польская
Дзеці	Яраполк Ізяславіч, Святаполк Ізяславіч і Мсціслаў Ізяславіч
Дзейнасць	палітык
Медыяфайлы на Вікісховішчы

Біяграфія

Старэйшы сын Яраслава Мудрага. Княжыў у Тураве, напэўна, з 1042 года, у 1052 годзе атрымаў і сталец у Ноўгарадзе.

Пасля смерці бацькі (1054) стаў вялікім князем кіеўскім. У 1058 годзе здзейсніў паход на вярхоўі Акі і перамог голядзь. У 1067 годзе з братамі Святаславам і Усеваладам ваяваў супраць полацкага князя Усяслава Брачыславіча, удзельнічаў у бітве на Нямізе. Падчас перамоў каля Ршы падступна захапіў Усяслава ў палон і пасадзіў у цямніцу ў Кіеў. У выніку народнага паўстання ў 1068 годзе Ізяслаў Яраславіч сагнаны са стальца.

У 1069 годзе з дапамогай польскага караля Баляслава вярнуўся ў Кіеў, потым прагнаў Усяслава і з Полацка, пасадзіў там свайго сына Мсціслава Ізяславіча, а потым Святаполка Ізяславіча. У 1073 годзе вымушаны пакінуць Кіеў, у 1077 годзе зноў заняў кіеўскі сталец. У Тураў на княжанне паслаў сына Яраполка Ізяславіча. Загінуў у міжусобнай вайне пад Чарнігавам.

Адзін са складальнікаў «Рускай праўды». Віслыя свінцовыя пячаткі Ізяслава Яраславіча выяўлены пры археалагічных раскопках у Ваўкавыску, Тураве, Брэсце.

Гл. таксама

• Пячатка Ізяслава Яраславіча

Літаратура

• Штыхаў Г. Ізяслаў Яраславіч // БЭ ў 18 т. Т. 7. Мн., 1998.