Адам Міхал Ракіцкі (польск.: Adam Michał Rokicki; каля 174028 сакавіка 1779) — дзяржаўны дзеяч Вялікага Княства Літоўскага, кашталян менскі (17771779).

Адам Міхал Ракіцкі
POL COA Rawicz.svg
Герб «Равіч»
Кашталян менскі
1777 — 1779
Папярэднік Ян Пётр Юдзіцкі
Пераемнік Адам Хмара
Нараджэнне 1740
Вялікае Княства Літоўскае
Смерць 28 сакавіка 1779(1779-03-28)
Вялікае Княства Літоўскае
Род Ракіцкія
Бацька Франц Антоні Ракіцкі
Маці Марыяна Дэрксгоф
Жонка Марыяна Аскерка
Дзеці Людвік
Рафал Алаіз
Ізабела
Веравызнанне каталік

БіяграфіяПравіць

Належаў да каталіцкага шляхецкага роду Ракіцкіх герба «Равіч» з Ашмянскага павета. Быў сынам Марыяны Дэрксгоф і ашмянскага стражніка (1732—1739), ашмянскага скарбніка (1739—1741), ашмянскага канюшага (1741—1749), ашмянскага войскага (1749—1759) і рэгента малой пячаткі Літоўскага Трыбунала (1757—1759) Франца Антонія Ракіцкага (памёр у 1759), уласніка значнага маёнтка Брагін (купленага ў княгіні Альжбеты Замойскай у 1754 за 550 000 злотых) і лідара групоўкі Чартарыйскіх у Рэчыцкім павеце.

Рэгент ВКЛ (згадваецца ў 1765), ротмістр пяцігорскай харугвы ВКЛ (1772—1776), палкоўнік пяцігорскі ВКЛ (1776—1777), кашталян менскі ў 17771779. 17 кастрычніка 1777 быў абраны маршалкам Літоўскага Трыбунала, дэпутат Літоўскага Трыбунала ў 1778 годзе.

Сям’яПравіць

Быў жанаты з Марыянай (Марыяй Юзафінай) Аскеркай, дачкой мазырскага маршалка Рафала Алаіза Аскеркі герба «Мурдэліа зменены» і князёўны Станіславы Тэрэзы, дачкой віцебскага ваяводы Марцыяна Міхала Агінскага. Меў з ёй двух сыноў: Людвіка і Алаіза Рафала, а таксама дачку Ізабелу (пайшла за Ігнацыя Аскерку, рэчыцкага падстаросту). Валодаў па бацьку значным маёнткам Брагін (Брагінскае графства і Ялчанскі ключ) у Кіеўскім ваяводстве.

Пасля смерці мужа Марыяна з Аскеркаў Ракіцкая выйшла ў другі раз за ўпіцкага кашталяна Міхала Страшэвіча (1750—1818) і мела ад яго двух дачок — Тэрэзу (выйшла за Яна Шукшту) і Аляксандру (выйшла за Міхала Корвін-Касакоўскага).

Зноскі

ЛітаратураПравіць

  • Uruski, S. Rodzina. Herbarz szlachty polskiej, T. 1-15 — Warszawa 1904—1938.
  • Анішчанка, Я.К. Збор твораў : у 6 т. / Я.К. Анішчанка. – Мінск : Хурсік, 2004–2010. – Т. 6: Ураднікі беларускіх земляў ВКЛ у перш. палове XVIII ст.: спісы на рус. мове. – 2010. – 392 с.
  • Мацук, А.У. Барацьба магнацкіх груповак у ВКЛ (1717–1764) / А.У. Мацук. – Мінск : Медысонт, 2010. – 640 с.