Алег Вітольдавіч Праляскоўскі

Алег Праляскоўскі
Алег Праляскоўскі
4-ы Міністр інфармацыі Беларусі
	4 снежня 2009 — 4 чэрвеня 2014
Прэзідэнт	Аляксандр Лукашэнка
Кіраўнік урада	Сяргей Сідорскі; Міхаіл Мясніковіч
Папярэднік	Уладзімір Русакевіч
Пераемнік	Лілія Ананіч
Нараджэнне	1 кастрычніка 1963 (59 гадоў); Загорск, Сергіева-Пасадскі раён[d], Маскоўская вобласць, РСФСР, СССР;
Член у	Белая Русь;
Адукацыя	Мінскае вышэйшае інжынернае зенітна-ракетнае вучылішча; юрыдычны факультэт БДУ;
Дзейнасць	ваенны
Месца працы	Беларускае тэлеграфнае агенцтва; Адміністрацыя прэзідэнта Рэспублікі Беларусь; Інфармацыйна-аналітычны цэнтр;

Але́г Віто́льдавіч Праляско́ўскі (нар. 1 кастрычніка 1963, Загорск (зараз Сергіеў Пасад), РСФСР), беларускі палітычны і дзяржаўны дзеяч, прапагандыст рэжыму Лукашэнкі^?!.

БіяграфіяПравіць

Працаваў загадчыкам аддзела ў Службе бяспекі Прэзідэнта Беларусі, генеральным дырэктарам БелТА, намеснікам кіраўніка Адміністрацыі прэзідэнта (2003—2007), памочнікам прэзідэнта — начальнікам Галоўнага ідэалагічнага ўпраўлення Адміністрацыі прэзідэнта (2007—2008), дырэктарам Інфармацыйна-аналітычнага цэнтра пры Адміністрацыі прэзідэнта (з 2008), міністр інфармацыі (з 2009).

Уваходзіць у кіраўніцтва грамадскага аб’яднання «Белая Русь»^[1].

У рамках міжнародных санкцыяў супраць рэжыму Лукашэнкі (бел. (тар.)) (бел. ў Беларусі пасля здушэння апазіцыі пасля прэзідэнцкіх выбараў 2010 года Алег Праляскоўскі стаў суб’ектам забароны на паездкі і замарожвання актываў Еўрапейскім Саюзам як частка спіса беларускіх чыноўнікаў, адказных за палітычныя рэпрэсіі, падтасоўку вынікаў галасавання і прапаганду^[2]. У сваім рашэнні Еўрапейскі савет назваў Праляскоўскага «адной з асноўных крыніц і галасоў дзяржаўнай прапаганды і ідэалагічнай падтрымкі рэжыму. Яго павысілі да пасады міністра, і з таго часу ён працягваў актыўна прапагандаваць і падтрымліваць дзеянні рэжыму ў адносінах да дэмакратычнай апазіцыі і грамадзянскай супольнасці»^[3].