Аляксандр Адамавіч Грахоўскі

Аляксандр Адамавіч Грахоўскі
Аляксандр Адамавіч Грахоўскі
	28 кастрычніка 1989 — 22 ліпеня 1991
Папярэднік	Аляксей Камай
Пераемнік	Уладзімір Шаплыка
Старшыня Гомельскага абласнога выканаўчага камітэта
	1 красавіка 1985 — кастрычнік 1989
Кіраўнік урада	Уладзімір Бровікаў; Міхаіл Кавалёў
Папярэднік	Аляксей Камай
Пераемнік	Мікалай Вайцянкоў
Нараджэнне	6 сакавіка 1938; Дубрава, Кароткавіцкі сельсавет, Жлобінскі раён, Гомельская вобласць, БССР, СССР;
Смерць	22 ліпеня 1991 (53 гады); Гомель, Гомельская вобласць, БССР, СССР;
Месца пахавання	Усходнія могілкі;
Жонка	Людміла Іванаўна Грахоўская
Партыя	КПСС (1962)
Член у	ЦК КПСС;
Адукацыя	Беларуская сельскагаспадарчая акадэмія (завочна, 1968); Акадэмія грамадскіх навук пры ЦК КПСС (1981)

Аляксан́др Ада́мавіч Грахо́ўскі (6 сакавіка 1938, в. Дубрава^[1], Гомельская вобласць, Беларуская ССР — 22 ліпеня 1991, г. Гомель) — беларускі савецкі партыйны і дзяржаўны дзеяч, першы сакратар Гомельскага абкама КП Беларусі (1989—91), старшыня Гомельскага аблвыканкама (1985—89).

Біяграфія

У 1968 годзе завочна скончыў Беларускую сельскагаспадарчую акадэмію (інжынер-механік сельскай гаспадаркі), у 1981 годзе — Акадэмію грамадскіх навук пры ЦК КПСС.

1959—1960 гг. — механік калгаса «Савецкая Беларусь» Калінкавіцкага раёна Гомельскай вобласці,
1960—1961 гг. — механік па сельскагаспадарчым машынам саўгаса «Галевічы» Калінкавіцкага раёна Гомельскай вобласці,
1961 г. — загадчык рамонтнай майстэрні,
1961—1964 гг. — галоўны інжынер саўгаса «Дудзічы» Калінкавіцкага раёна Гомельскай вобласці,
1964—1965 гг. — галоўны інжынер саўгаса «Калінкавіцкі»,
1965—1968 гг. — кіраўнік Ельскім раённым аб’яднаннем «Сельгастэхніка»,
1970—1971 гг. — другі сакратар Буда-Кашалёўскага райкама Гомельскай вобласці,
1971—1974 гг. — старшыня Буда-Кашалёўскага райвыканкама,
1974—1979 гг. — намеснік міністра сельскай гаспадаркі Беларускай ССР,
1979—1981 гг. — слухач Акадэміі грамадскіх навук пры ЦК КПСС,
1981—1983 гг. — намеснік старшыні Дзяржаўнага камітэта Беларускай ССР па вытворча-тэхнічнаму забеспячэнню сельскай гаспадаркі,
чэрвень—снежань 1983 г. — намеснік міністра сельскай гаспадаркі Беларускай ССР — старшыня рэспубліканскага вытворча-навуковага обхъединения па аграхімічным абслугоўванні сельскай гаспадаркі «Белселгасхімія»,
1983—1985 гг. — першы намеснік старшыні Гомельскага аблвыканкама — старшыня савета аграпрамысловага аб’яднання,
1985—1989 гг. — старшыня Гомельскага аблвыканкама,

З 1989 г. — першы сакратар Гомельскага абкама. З 1990 г. — старшыня Гомельскага аблсавета.

Член ЦК КПСС (1990—1991). Народны дэпутат СССР ад Рэчыцкага нацыянальна-тэрытарыяльнай выбарчай акругі № 88 Беларускай ССР.

Чарнобыльская катастрофа

Аляксандр Грахоўскі на другі дзень пасля катастрофы накіраваўся ў горад Прыпяць для высвятлення сапраўдных абставінаў таго, што здарылася. Вярнуўшыся з Украіны, старшыня аблвыканкама пад асабістую адказнасць распарадзіўся эвакуіраваць з бліжэйшых да станцыі вёсак цяжарных жанчын і дзяцей. Іх вывозілі ў санаторыі і піянерскія лагеры вобласці.

30 красавіка Грахоўскі правёў закрытае пасяджэнне выканкама, пасля якога былі дадзены першыя выразныя рэкамендацыі раёнам 30-кіламетровай зоны: абмежаваць знаходжанне дзяцей па-за памяшканняў, правесці герметызацыю калодзежаў, перавесці малочныя статкі на стойлавае ўтрыманне, забяспечыць іх кармамі з чыстых раёнаў і шэраг іншых^[2].

Узнагароды і званні

Ушанаванне памяці

У Хойніках адна з вуліц носіць імя Аляксандра Грахоўскага, усталяваны мемарыяльныя дошкі ў гарадах Гомель (на будынку Гомельскага дзяржаўнага медыцынскага ўніверсітэта) і Хойнікі.

Зноскі

↑ Біяграфія
↑ Возвращенное имя(руск.) // Народная газета. — 26.04.2006.

Літаратура

Государственная власть СССР. Высшие органы власти и управления и их руководители. 1923—1991 гг. Историко-биографический справочник / Сост. В. И. Ивкин. — М.: «Российская политическая энциклопедия» (РОССПЭН)

Спасылкі

Он единственный, кто решился пойти вразрез с указанием "ждать распоряжений сверху" и начал эвакуацию раньше(руск.) // Гомельская правда. — 25.04.2015.

[1] Біяграфія

[2] Возвращенное имя(руск.) // Народная газета. — 26.04.2006.

[1]

[2]