Аляксандр Міхайлавіч Герасіменка

Аляксандр Герасіменка
Аляксандр Герасіменка
Надзвычайны і Паўнамоцны Пасол Рэспублікі Беларусь у Латвійскай Рэспубліцы
	13 красавіка 2006 — 10 верасня 2013
Прэзідэнт	Аляксандр Лукашэнка
Кіраўнік урада	Сяргей Сідорскі
Папярэднік	Вадзім Ламкоў
Пераемнік	Марына Даўгаполава
Надзвычайны і Паўнамоцны Пасол Рэспублікі Беларусь у Рэспубліцы Балгарыя
	16 жніўня 1995 — 11 верасня 2000
Прэзідэнт	Аляксандр Лукашэнка
Пераемнік	Аляксандр Пятроў
Старшыня выканаўчага камітэта Мінска
	1991 — 1994
Папярэднік	Міхаіл Марыніч
Пераемнік	Уладзімір Ярмошын
Нараджэнне	15 студзеня 1946; Узда, Уздзенскі раён, Мінская вобласць, БССР, СССР;
Смерць	2 жніўня 2017 (71 год); Мінск, Беларусь;
Партыя	КПСС;
Адукацыя	машынабудаўнічы факультэт БНТУ;
	Медыяфайлы на Вікісховішчы

Алякса́ндр Міха́йлавіч Герасіме́нка (нар. 15 студзеня 1946, Узда, Мінская вобласць — 2 жніўня 2017) — беларускі палітык і дыпламат.

Біяграфія

Скончыў машынабудаўнічы факультэт Беларускага політэхнічнага інстытута, інжынер-механік (1969); завочнае аддзяленне Мінскай вышэйшай партыйнай школы КПБ, выкладчык грамадскіх дысцыплін (1986).

Працаваў вытворчым майстрам на Беларускім аўтазаводзе ў г. Жодзіна (1969—1970), інжынерам, старшым інжынерам на Мінскім трактарным заводзе (1970—1973), старшым інжынерам на ваенным заводзе ў войсках Савецкай Арміі (ГДР, 1973—1975), вядучым інжынерам, загадчыкам сектара знешніх эканамічных сувязяў Мінскага праектна-канструктарскага тэхналагічнага інстытута Міністэрства трактарнага і сельскагаспадарчага машынабудавання СССР (1975—1977), намеснікам старшыні, старшынёй Партызанскага райвыканкама г. Мінска, першым сакратаром Партызанскага райкама КПБ г. Мінска (1977—1990), другім сакратаром Мінскага гаркама КПБ (студзень — май 1990).

У 1990—1995 гадах быў старшынёй Мінскага гарадскога савета народных дэпутатаў і старшынёй выканаўчага камітэта горада Мінска. Быў членам канстытуцыйнай камісіі Вярхоўнага Савета БССР і Рэспублікі Беларусь 12-га склікання^[1].

Дыпламатычная дзейнасць

16 жніўня 1995 года быў прызначаны Надзвычайным і Паўнамоцным Паслом Рэспублікі Беларусь у Рэспубліцы Балгарыя, а таксама Грэчаскай Рэспубліцы па сумяшчальніцтве^[2], у сувязі з чым скончыўся яго мандат дэпутата Вярхоўнага Савета Рэспублікі Беларусь 12-га склікання^[3]. На пасадах пасла заставаўся да 11 верасня 2000 года, калі быў адстаўлены і адначасова прызначаны намеснікам Міністра замежных спраў Рэспублікі Беларусь^[4].

13 красавіка 2006 года прызначаны быў Надзвычайным і Паўнамоцным Паслом Рэспублікі Беларусь у Латвійскай Рэспубліцы^[5].

10 верасня 2013 года быў вызвалены з пасады Надзвычайнага і Паўнамоцнага Пасла Рэспублікі Беларусь у Латвійскай Рэспубліцы^[6].

Памёр 2 жніўня 2017 года^[7].

Зноскі

Спасылкі

Кто есть кто в Республике Беларусь(недаступная спасылка) (руск.)

[1] Постановление Верховного Совета Республики Беларусь от 20 июля 1990 г. № 166-XII «Об избрании Конституционной комиссии» Архівавана 27 сакавіка 2018. (руск.)

[2] Указ Президента Республики Беларусь от 16 августа 1995 г. № 303 «О назначении Чрезвычайного и Полномочного Посла Республики Беларусь в Республике Болгарии Герасименко А. М. Чрезвычайным и Полномочным Послом Республики Беларусь в Греческой Республике по совместительству» Архівавана 2 чэрвеня 2012.

[3] Постановление Верховного Совета Республики Беларусь от 10 апреля 1995 г. № 3696-XII «О досрочном прекращении полномочий депутата Верховного Совета Республики Беларусь Герасименко А. М.» Архівавана 23 жніўня 2011. (руск.)

[4] Указ Президента Республики Беларусь от 11 сентября 2000 г. № 495 «О назначении А. М. Герасименко заместителем Министра иностранных дел Республики Беларусь» Архівавана 29 мая 2012. (руск.)

[5] Указ Президента Республики Беларусь от 13 апреля 2006 г. № 233 «О назначении А. М. Герасименко Чрезвычайным и Полномочным Послом Республики Беларусь в Латвийской Республике»(недаступная спасылка) (руск.)

[6] Указ Президента Республики Беларусь от 10 сентября 2013 г. № 408 «Об освобождении от должности А. М. Герасименко»(недаступная спасылка) (руск.)

[7] «Працоўнай мовай у яго была беларуская»: памёр былы мэр Мінска Аляксандр Герасіменка

[1]

[2]

[3]

[4]

[5]

[6]

[7]