Аляксандр Паўлавіч Стагорскі

Аляксандр Паўлавіч Стаго́рскі (сапраўднае прозвішча — Пяцігорскі; руск.: Александр Павлович Стогорский; 26 лютага 1910 — 6 студзеня 1987) — савецкі віяланчэліст і музычны педагог. Прафесар (1961).

Аляксандр Паўлавіч Стагорскі
Дата нараджэння	13 (26) лютага 1910 ці 1910
Месца нараджэння	Екацярынаслаў, Кацярынаслаўская губерня, Расійская імперыя
Дата смерці	6 студзеня 1987(1987-01-06) ці 1987
Месца смерці	Масква, РСФСР, СССР
Краіна	Расійская імперыя  СССР
Альма-матар	Маскоўская дзяржаўная кансерваторыя імя П. І. Чайкоўскага
Месца працы	Маскоўская дзяржаўная кансерваторыя імя П. І. Чайкоўскага Маскоўская дзяржаўная акадэмічная філармонія[d] Уральская кансерваторыя імя М. П. Мусаргскага Ніжагародская дзяржаўная кансерваторыя імя М. І. Глінкі[d] Беларуская дзяржаўная акадэмія музыкі Расійская акадэмія музыкі імя Гнесіных[d]
Музычная дзейнасць
Педагог	Mark Ilyich Yampolsky[d]
Прафесіі	віяланчэліст, музычны педагог, кампазітар
Інструменты	віяланчэль

Біяграфія

Нарадзіўся ў горадзе Екацярынаслаў (сучасны Дніпро). У 1934 годзе скончыў Маскоўскую кансерваторыю па класу віяланчэлі М. І. Ямпольскага і ў 1936 годзе аспірантуру пад яго кіраўніцтвам. У 1934—1941 гадах быў салістам Маскоўскай філармоніі, і ў 1934—1948 гадах — салістам Гастрольбюро. У 1936—1941 гадах асістэнт (з 1941 года дацэнт) Маскоўскай кансерваторыі. У 1941—1943 гадах выкладаў ва Уральскай кансерваторыі, у 1946—1954 гадах — у Горкаўскай кансерваторыі, у 1954—1962 гадах — у Беларускай кансерваторыі. У 1963—1984 гадах прафесар Маскоўскага музычна-педагагічнага інстытута імя Гнесіных.

Творчасць

Шмат выступаў як саліст. Быў першым выканаўцам канцэртаў для віяланчэлі з аркестрам В. А. Залатарова, А. В. Масалова, А. В. Багатырова, якія прысвяцілі яму гэтыя творы. Рэдактар твораў М. Аладава, В. Залатарова, А. Багатырова і іншых кампазітараў. Аўтар выканальніцкіх і тэксталагічных твораў для віяланчэлі, у тым ліку твораў П. І. Чайкоўскага, І. С. Баха, Р. Шумана. Напісаў шэраг артыкулаў па праблемах методыкі ігры на віяланчэлі.

Лаўрэат 1-га Усесаюзнага конкурсу музыкантаў-выканаўцаў у Маскве (1937, 6-я прэмія).

Літаратура

• Шчарбакоў М. С. Стагорскі Аляксандр Паўлавіч // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 127. — 10 000 экз. — ISBN 985-11-0035-8. — ISBN 985-11-0251-2 (т. 15).
• Энцыклапедыя літаратуры і мастацтва Беларусі : у 5 т. — Мінск, 1987. — Т. 5. — 104.
• Музыкальная энциклопедия. / Под ред. Ю. В. Келдыша. — М.: Советская энциклопедия, Советский композитор, 1973—1982. (руск.)

Спасылкі

• Стагорскі (сапраўднае Пяцігорскі) Аляксандр Паўлавіч на сайце анлайн-энцыклапедыі «Беларусь у асобах і падзеях»
• Александр Стогорский // АНО «Издательство КОМПОЗИТОР» (руск.)