Андрэй Міхайлавіч Самсон

Андрэй Міхайлавіч Самсо́н (30 кастрычніка 1932 — 18 студзеня 1997) — вучоны, фізік, доктар фізіка-матэматычных навук (1972), прафесар (1977).

Андрэй Міхайлавіч Самсон
Дата нараджэння	30 кастрычніка 1932(1932-10-30)
Месца нараджэння	Давыд-Гарадок, Столінскі павет, Палескае ваяводства, Польская Рэспубліка
Дата смерці	18 студзеня 1997(1997-01-18) (64 гады)
Грамадзянства	СССР  Беларусь
Род дзейнасці	навуковец
Навуковая сфера	фізіка
Месца працы	Інстытут фізікі імя Б. І. Сцяпанава НАН Беларусі
Навуковая ступень	доктар фізіка-матэматычных навук (1972) і член-карэспандэнт АН БССР
Навуковае званне	прафесар
Альма-матар	БДУ
Прэміі	прэмія Нацыянальнай акадэміі навук Беларусі (1997)

Біяграфія

Нарадзіўся ў Давыд-Гарадку (Столінскі раён, Брэсцкая вобласць, Беларусь). У 1955 годзе скончыў Беларускі дзяржаўны ўніверсітэт і працаваў у Інстытуце фізікі Акадэміі навук БССР, дзе ў 1973—1996 гадах займаў пасаду загадчыка лабараторыі.

Навуковая дзейнасць

Аўтар навуковых прац па лазернай фізіцы і оптыцы. Пачынальнік даследавання дынамікі генерацыі лазернага святла ў Беларусі. Распрацаваў тэарэтычныя метады разліку нестацыянарных рэжымаў лазераў і распаўсюджання лазернага выпраменьвання ў нелінейна-аптычных і рассейвальных асяроддзях.

Узнагароды

• Дзяржаўная прэмія БССР 1976 года (разам з Б. І. Сцяпанавым, А. С. Рубанавым і В. П. Грыбкоўскім.
• Прэмія Нацыянальнай акадэміі навук Беларусі 1997 года за цыкл прац «Рэгулярныя і хаатычныя структуры ў квантавай электроніцы і оптыцы» (разам з Л. А. Катомцавай і Н. А. Лойка).

Літаратура

• Савва В. А. Самсон Андрэй Міхайлавіч // Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн. : БелЭн, 2002. — Т. 14. — С. 141. — 10 000 экз. — ISBN 985-11-0035-8. — ISBN 985-11-0238-5 (т. 14).
• Учёный-физик Андрей Михайлович Самсон / Национальная академия наук Беларуси, Институт физики им. Б. И. Степанова, Общественное объединение «Туровское научно-просветительское общество»; [составитель Н. А. Саскевич] — Мн.: Позитив-центр, 2017. (руск.)

Спасылкі

• Андрэй Міхайлавіч Самсон на сайце анлайн-энцыклапедыі «Беларусь у асобах і падзеях»
• Лаўрэаты прэмій 1997 г. // НАНБ
• Ими гордится БГУ — Академики и члены-корреспонденты Архівавана 20 ліпеня 2021. (руск.)