Аляксандр Аляксеевіч Бельскі

Аляксандр Аляксеевіч Бе́льскі (нар. 4 снежня 1932, г. Барысаў) — беларускі архітэктар.

Аляксандр Аляксеевіч Бельскі
Дата нараджэння	4 снежня 1932(1932-12-04) (92 гады)
Месца нараджэння	Барысаў, БССР, СССР
Грамадзянства	Беларусь
Альма-матар	БПІ (1958)
Месца працы	Віцебскграмадзянпраект[d] Упраўленне архітэктуры і горадабудаўніцтва Гомельскага гарвыканкама[d] Камітэт па архітэктуры і будаўніцтве Гомельскага аблвыканкама[d]
Партыя	КПСС
Член у	Саюз архітэктараў СССР
Узнагароды

Біяграфія

Скончыў у 1958 годзе Беларускі політэхнічны інстытут. 3 1958 года працуе ў інстытуце «Віцебскграмадзянпраект» (архітэктар, кіраўнік групы, дырэктар, кіраўнік майстэрні, галоўны архітэктар інстытута, намеснік дырэктара па архітэктуры), у 1961—1962 гадах галоўны архітэктар Віцебска, у 1967—1974 гадах начальнік абласнога ўпраўлення па будаўніцтве і архітэктуры, з 1974 года — намеснік дырэктара па архітэктуры Віцебскграмадзянпраекта.

Творы

Забудова Цэнтральнай плошчы ў Наваполацку

Будынак Віцебскага абкама КПБ

Навучальна-лабараторны корпус Віцебскага медыцынскага інстытута

Асноўныя работы: у Наваполацку — забудова Цэнтральнай плошчы; у Віцебску — 90-кватэрны жылы дом з рэстаранам «Аўрора» (1970, у сааўтарстве), праекты забудовы і добраўпарадкавання Маскоўскага праспекта і плошчы Перамогі (1974, у сааўтарстве), будынак Дзіправадгаса (1976), навучальна-лабараторны корпус медыцынскага інстытута (1981, у сааўтарстве); помнік падпольшчыкам каля Смаленскага рынку (1967, скульптар А. Паўлючык), помнік ахвярам фашызму (1965), праекты дэталёвай планіроўкі цэнтраў і жылых раёнаў Віцебска (1973), Оршы (1967), Полацка (1965); праекты забудовы і добраўпарадкавання вул. Леніна ў Оршы, Маладзёжнай у Наваполацку; забудова в. Акцябрская саўгаса «Сялюты» (у сааўтарстве, прэмія Савета Міністраў СССР 1976), Дом культуры (1979).

Член Саюза архітэктараў СССР з 1961 года. Член КПСС з 1964 года. Пражывае ў г. Віцебску.

Узнагароды

Прэмія Савета Міністраў СССР (1976, у аўтарскім калектыве), узнагароджаны залатым і бронзавым медалямі ВДНГ СССР (1974, 1973).

Літаратура

• Бельскі Аляксандр Аляксеевіч // Архітэктура Беларусі: Энцыклапедычны даведнік / Беларус. Энцыкл.; Рэкал.: А. А. Воінаў і інш. — Мн.: БелЭн, 1993. — 620 с. — 10 000 экз. — ISBN 5-85700-078-5.
• Бельский Александр Алексеевич // Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др. — Мн.: Беларусь, 1991. — 262 с. — ISBN 5-338-00611-1. (руск.)