Аўгуст Лазаравіч Мілаванаў

Аўгуст Лазаравіч Мілава́наў (16 чэрвеня 1937(1937-06-16), Сталінград — 19 ліпеня 2019(2019-07-19), Мінск) — беларускі акцёр, тэатральны педагог. Народны артыст БССР (1989). Лаўрэат Дзяржаўнай прэміі БССР (1988)

Аўгуст Мілаванаў
руск.: Августин Лазаревич Милованов
Дата нараджэння	16 чэрвеня 1937(1937-06-16)
Месца нараджэння	Сталінград, Сталінградская вобласць, РСФСР, СССР
Дата смерці	19 ліпеня 2019(2019-07-19) (82 гады)
Месца смерці	Мінск, Беларусь
Грамадзянства	СССР  Беларусь
Адукацыя	Беларуская дзяржаўная акадэмія мастацтваў
Прафесія	акцёр, кінаакцёр, тэатральны педагог
Тэатр	Нацыянальны акадэмічны драматычны тэатр імя Якуба Коласа Нацыянальны акадэмічны тэатр імя Янкі Купалы Беларускі дзяржаўны тэатральна-мастацкі інстытут
Член у	Беларускі саюз кінематаграфістаў БСТД
Прэміі
Узнагароды
IMDb	ID 0590558

Біяграфія

У 1961 годзе скончыў акцёрскі факультэт Беларускага тэатральна-мастацкага інстытута па спецыяльнасці «Акцёр драматычнага тэатра і кіно» (курс народнага артыста БССР Д. А. Арлова).

Працаваў у Валгаградскім абласным тэатры імя Максіма Горкага, Беларускім дзяржаўным драматычным тэатры імя Якуба Коласа ў Віцебску. У 1962—2012 гадах — у Купалаўскім тэатры.

Акрамя работы ў тэатры А. Мілаванаў шмат здымаўся ў кіно, на тэлебачанні, займаўся рэжысёрскай практыкай у любіцельскіх тэатрах. З 1967 па 1987 год выкладаў у Беларускім тэатральна-мастацкім інстытуце (зараз Акадэмія мастацтваў) майстэрства акцёра.

Творчасць

Тэатральныя ролі

Сярод лепшых роляў Тата, Гаспадар («Зацюканы апостал», «Святая прастата» А. Макаёнка), Арэшкін («Крыніцы» паводле І. Шамякіна), Марцін Лютэр («Напісанае застаецца» А. Петрашкевіча), Нейгаўз («Канстанцін Заслонаў» А. Маўзона), Доктар Маер («Апошні шанц» В. Быкава), Осіп («Рэвізор» М. Гогаля), Кудраш («Навальніца» А. Астроўскага), Дэ Манлюкар («Лесвіца славы» Э. Скрыба), Зурыко («Я, бабуля, Іліко і Іларыён» Н. Думбадзэ і Р. Лордкіпанідзэ), Герастрат («Забыць Герастрата!» Р. Горына), Шындзін, Айзатулін («Мы, што ніжэй падпісаліся», «Пратакол аднаго пасяджэння» А. Гельмана), Еўдакімаў («Яшчэ раз пра каханне!» Э. Радзінскага), Міхай Груя («Святая святых» І. Друцэ), Гэлі Гэй («Што той салдат, што гэты» Б. Брэхта), Аляксандр Амількар («Месье Амількар, альбо Чалавек, які плаціць» І. Жаміяка), Макарэл («Зоркі вечныя» М. Бора), Ромул («Ромул Вялікі» Ф. Дзюрэнмата), Шчасліўцаў («Лес» А. Астроўскага), Арцэбіскуп («Князь Вітаўт» А. Дударава), фон Вальтэр («Каварства і любоў» Ф. Шылера), Тэўе («Памінальная малітва» Р. Горына).

Фільмаграфія

• 1970/1971/1972 — «Руіны страляюць...» — Алекс
• 1970 — Неспадзяванае каханне
• 1971 — Уся каралеўская раць
• 1972 — Зімародак — Ціхан Лакціёнавіч
• 1972 — Пасля кірмашу — Адольф Быкоўскі
• 1974 — Вясёлы калейдаскоп — Настаўнік Аляксей Васільевіч
• 1974 — Бронзавая птушка — Кандрат Сцяпанавіч, мастак-анархіст
• 1976 — Марынка, Янка і таямніцы каралеўскага замка — Канцлер
• 1976 — Спытай сябе
• 1980 — Дзяржаўная граніца. Фільм 1-ы: Мы наш, мы новый… — Мянжынскі
• 1980 — Шлюбная ноч
• 1981 — Людзі на балоце
• 1982 — Дзяржаўная граніца. Фільм 3-і: Усходні рубеж — Мянжынскі
• 1984 — Дзяржаўная граніца. Фільм 4-ы: Чырвоны пясок — Мянжынскі
• 1986 — Не забудзьце выключыць тэлевізар
• 1990 — Плач перапёлкі
• 1991 — Запіскі юнага ўрача
• 1991 — Сакрат — Фядон
• 1994 — Эпілог
• 1996 — З пекла ў пекла
• 2002 — Закон — Бомж
• 2002 — Каменская-2. Я памёр учора — мастак
• 2003 — Вакзал — Прафесар
• 2009 — Тэрарыстка Іванова — Бомж

Прызнанне і ўзнагароды

• Дзяржаўная прэмія БССР (1988) за ролю Вяршылы ў спектаклі «Мудрамер» М. Матукоўскага
• Народны артыст БССР (1989)

Літаратура

• Мілаванаў Аўгусцін Лазаравіч // Беларуская энцыклапедыя: У 18 т. Т. 10: Малайзія — Мугаджары / Рэдкал.: Г. П. Пашкоў і інш. — Мн. : БелЭн, 2000. — Т. 10. — С. 366. — 10 000 экз. — ISBN 985-11-0035-8. — ISBN 985-11-0169-9 (т. 10).
• Мілава́наў Аўгуст Лазаравіч // Беларусь: энцыклапедычны даведнік / Рэдкал. Б. І. Сачанка (гал. рэд.) і інш.; Маст. М. В. Драко, А. М. Хількевіч. — Мн.: БелЭн, 1995. — С. 482. — 800 с. — 5 000 экз. — ISBN 985-11-0026-9.
• Мілаванаў Аўгусцін Лазаравіч // Тэатральная Беларусь : энцыклапедыя : у 2 т. / пад агул. рэд. А. В. Сабалеўскага. — Мінск, 2003. — Т. 2. — С. 110—111.
• Аўгуст Мілаванаў // Хрэстаматыя па гісторыі беларускага тэатра і драматургіі / уклад., навук. рэд., уступ. арт. і камент. А. В. Сабалеўскага. — Мінск, 2005. — Т. 4. — С. 280—287. — Змест: [Біяграфія]. Сведчанні сучаснікаў / В. Навуменка, Т. Арлова.
• Сохарь, Ю. Август Милованов / Юрий Сохарь // Мастера искусств : размышления-эссе, очерки о режиссерах, актерах, художниках театра / Юрий Сохарь. Минск, 2005. С. 300—309.

Спасылкі

• Мілаванаў Аўгуст Лазаравіч // Тэатр імя Янкі Купалы
• Аўгуст Мілаванаў. Цытаты // Тэатр імя Янкі Купалы
• Да Юбілею Аўгуста Мілаванава Архівавана 13 лістапада 2013.
• 70 лет народному артисту Беларуси Августину Милованову (руск.) // БЕЛТА
• Августин Милованов // КИНО-ТЕАТР.РУ (руск.)