Валянцін Пятровіч Грыцкевіч

Валянцін Пятровіч Грыцкевіч (30 сакавіка 1933, Мінск — 5 сакавіка 2013, Санкт-Пецярбург) — беларускі ўрач, гісторык, грамадскі дзеяч беларускага згуртавання ў Санкт-Пецярбургу. Кандыдат медыцынскіх навук (1963). Доктар культуралогіі (2003).

Валянцін Пятровіч Грыцкевіч
Дата нараджэння	30 сакавіка 1933(1933-03-30)
Месца нараджэння	Менск, БССР, СССР
Дата смерці	5 сакавіка 2013(2013-03-05) (79 гадоў)
Месца смерці	Санкт-Пецярбург, Расія
Месца пахавання	Усходнія могілкі
Грамадзянства	СССР  Беларусь
Род дзейнасці	навуковец
Навуковая сфера	медыцына і гісторыя
Месца працы	Ваенна-медыцынскі музей[d] Санкт-Пецярбургскі дзяржаўны інстытут культуры
Навуковая ступень	кандыдат медыцынскіх навук (1963) і доктар культуралогіі (2003)
Альма-матар	Мінскі дзяржаўны лінгвістычны ўніверсітэт БДМУ гістарычны факультэт БДУ
Член у	Саюз пісьменнікаў Беларусі Беларускае грамадска-культурнае таварыства (Санкт-Пецярбург) Саюз беларускіх пісьменнікаў ПЭН-клуб[d] Міжнародная асацыяцыя беларусістаў Рускае геаграфічнае таварыства ЗБС Бацькаўшчына Санкт-Пецярбургскае навуковае таварыства гісторыкаў медыцыны[d] Беларускае таварыства гісторыкаў медыцыны і фармацыі[d]
Цытаты ў Вікіцытатніку

Біяграфія

Нарадзіўся 30 сакавіка 1933 года ў Менску ў сям’і настаўніка і медыка. Скончыў у 1950 годзе сярэднюю школу ў Мінску, пасля ў 1955 годзе Інстытут замежных моў, у 1956 годзе Мінскі медыцынскі інстытут, у 1957 годзе гістарычны факультэт Беларускага дзяржаўнага ўніверсітэта.

У 1956—1957 гг. працаваў лекарам ва Узлянах Рудзенскага раёна Мінскай вобласці. У1957—1969 гг. — лекарам у Мінску, у 1969—1971 гг. — у Ленінградзе. У 1971—1995 гг. старшы навуковы супрацоўнік Ваенна-медыцынскага музея ў Ленінградзе. З 1980 г. выкладаў таксама гісторыю ў Ленінградскім універсітэце культуры, з 1988 г. дацэнт, потым прафесар кафедры музеязнаўства гэтага ж інстытута.

Памёр 5 сакавіка 2013 года ў Санкт-Пецярбургу. Пахаваны ў Мінску на Усходніх (Маскоўскіх) могілках.

Навуковая дзейнасць

Навуковыя даследаванні В. Грыцкевіча прысвечаны гісторыі беларускай медыцыны (кандыдацкая дысертацыя была абароненая ў 1963 г.) — кнігі «З факелам Гіпакрата», «Адысея наваградскай лекаркі: Саламея Русецкая», а таксама біяграфістыцы, у першую чаргу беларускай інтэлігенцыі ў замежжы — «Падарожжы нашых землякоў», «Дзесяць шляхоў з Вільні», «Нашы славутыя землякі», «Ад Нёмана да берагоў Ціхага акіяна», «Эдуард Пякарскі», у тым ліку біяграфістыцы медыкаў — «Успаміны і дзённікі ў фондах ваенна‑медыцынскага музея: Анатаваны каталог», «Ваенныя медыкі — кавалеры ордэна Славы трох ступеняў»; апісанням падарожжаў як гістарычнай крыніцы — «Шляхі вялі праз Беларусь». Працы ў галіне крыніцазнаўства, музеязнаўства і гісторыі турызму (доктарская дысертацыя на тэму «История музейного дела в мире: До конца XVIII в.» абаронена ў 2003 г.): «История туризма в древности», М.-СПб, 2005; «История музейного дела конца XVIII — начала ХХ вв.», СПб, 2007; «История и теория источниковедения», Мн.: БГУ, 2008 (у сааўтарстве).

Грамадская дзейнасць

В. Грыцкевіч — адзін з арганізатараў і неадменны старшыня Беларускага грамадска‑культурнага таварыства ў Пецярбургу (з 1989), член Саюза пісьменнікаў Беларусі, Міжнароднага ПЭН‑цэнтра, ганаровы член Міжнароднай асацыяцыі беларусістаў, член Рускага геаграфічнага таварыства, Пецярбургскага таварыства гісторыкаў медыцыны, замежны член Беларускага таварыства гісторыкаў медыцыны, член Вялікай Рады Згуртавання беларусаў свету «Бацькаўшчына».

Літаратура

• Беларуская энцыклапедыя: У 18 т. Т. 5: Гальцы — Дагон / Рэдкал.: Г. П. Пашкоў і інш. — Мн. : БелЭн, 1997. — Т. 5. — 576 с. — 10 000 экз. — ISBN 985-11-0035-8. — ISBN 985-11-0090-0 (т. 5).
• Грыцке́віч Валянцін Пятровіч // Беларусь: энцыклапедычны даведнік / Рэдкал. Б. І. Сачанка (гал. рэд.) і інш.; Маст. М. В. Драко, А. М. Хількевіч. — Мн.: БелЭн, 1995. — С. 254. — 800 с. — 5 000 экз. — ISBN 985-11-0026-9.

Спасылкі

• Грыцкевіч Валянцін Пятровіч на сайце анлайн-энцыклапедыі «Беларусь у асобах і падзеях»