Віталь Аляксандравіч Данілаў

Віталь Аляксандравіч Дані́лаў (нар. 7 красавіка 1923, г. Кохма, Іванаўская вобласць — 28 мая 1993) — беларускі архітэктар. Муж архітэктара Аляксандры Данілавай.

Віталь Аляксандравіч Данілаў
Дата нараджэння	7 красавіка 1923(1923-04-07)
Месца нараджэння	Кохма, Шуйскі павет[d], Іванава-Вазнясенская губерня[d], РСФСР, СССР
Дата смерці	28 мая 1993(1993-05-28) (70 гадоў)
Грамадзянства	Беларусь
Жонка	Аляксандра Юр’еўна Данілава
Альма-матар	Кіеўскі інжынерна-будаўнічы інстытут (1951)
Месца працы	Віцебскграмадзянпраект[d]
Член у	Саюз архітэктараў СССР Беларускі саюз архітэктараў

Біяграфія

Скончыў у 1951 годзе Кіеўскі інжынерна-будаўнічы інстытут. З 1951 г. — архітэктар, галоўны архітэктар праектаў, майстэрні, інстытута, галоўны спецыяліст па архітэктуры тэхаддзела ў Віцебскграмадзянпраекце.

Член Саюза архітэктараў СССР з 1957 года. Пражываў у Віцебску.

Творчасць

Мемарыяльная дошка ў гонар стваральнікаў ансамблю вул. Кірава

Асноўныя работы: ансамбль вуліцы Кірава (1953—1958), галоўны корпус медыцынскага інстытута (1959), гасцініца «Віцебск», забудова Маскоўскага праспекта і плошчы Перамогі (1974—1983), тэхнікум сувязі, ансамбль плошчы 1000-годдзя Віцебска, жылыя дамы на перасячэнні Маскоўскага і Смаленскага праспектаў (1980), будынак прафсаюзных курсаў з інтэрнатам (1983; усе ў сааўт.).

Адзін з аўтараў праектаў дэталёвай планіроўкі ўсходняга прамысловага раёна (1962), цэнтральнага і паўднёвага раёнаў (1973), забудовы мікрараёнаў Поўдзень 1 (1969), Усход (1970), Поўдзень 3 і 4 (1973), генпланаў Віцебска (1966), Полацка і Наваполацка (1964), генплана і праектаў 1-й і 2-й чаргі забудовы Новалукомля (1962—1973) і інш.

Узнагароды

Узнагароджаны медалямі.

Літаратура

• Данілаў Віталь Аляксандравіч // Архітэктура Беларусі: Энцыклапедычны даведнік. — Мн.: БелЭн, 1993. — 620 с. — ISBN 5-85700-078-5.
• Данилов Виталий Александрович // Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др.. — Мн.: Беларусь, 1991. — 262 с. — ISBN 5-338-00611-1.