Віцебская вуліца (Мінск)

Віцебская
Мінск
Віцебская; Мінск
Агульная інфармацыя
Краіна	Беларусь
Горад	Мінск
Раён	Цэнтральны раён
Гістарычны раён	Ракаўскае прадмесце
Працягласць	170 м
Найбліжэйшыя; станцыі метро	Няміга (350 м)
Ранейшыя назвы	Няміга-Ракаўская вуліца; Нямігскі завулак
Паштовы індэкс	220004
	Медыяфайлы на Вікісховішчы

Вуліца Ві́цебская (раней Нямі́га-Ра́каўская вуліца, Нямі́гскі завулак) — вуліца ў Ракаўскім прадмесці, у Цэнтральным раёне Мінска.

РазмяшчэннеПравіць

Вуліца Віцебская знаходзіцца паміж вуліцамі Ракаўскай і Раманаўская Слабада. Арыентавана з паўночнага захаду на паўднёвы ўсход. Пачынаецца ад скрыжавання з вуліцай Ракаўскай. Даўжыня вуліцы складае каля 170 м.

ГісторыяПравіць

Гістарычна называлася Няміга-Ракаўскай вуліцай. Гэтая назва сустракаецца ад канца XVIII стагоддзя і паказвае геаграфічную лакалізацыю — паміж вуліцай Ракаўскай і вуліцай Нямігай. Таксама часта называлася Нямігскім завулкам^[1]^[2].

ЗабудоваПравіць

Захаваліся мураваныя будынкі № 10, 11, 21 і 21А, узведзеныя ў 19 ст., архітэктура якіх мае эклектычны характар^[3].

Цотны бокПравіць

Дом № 10

№ 10 — аднапавярховы прамавугольны ў плане будынак накрыты двухсхільным дахам. Тарцовыя сцены глухія. Галоўны фасад расчлянёны плоскімі прамавугольнымі нішамі, у верхняй частцы якіх размешчаны нішы авальнага абрысу. Аконныя праёмы лучковыя, частка з іх аздоблена шматслойнымі лучковымі сандрыкамі^[3]. — Гісторыка-культурная каштоўнасць Беларусі, шыфр 711Е000001шыфр 711Е000001

Няцотны бокПравіць

Дом № 11, першы будынак

№ 11 — складаецца з двух будынкаў, якія шчыльна прылягаюць адзін да аднаго. Першы ўяўляе сабой двухпавярховы атынкаваны чатырохвугольны ў плане будынак накрыты двухсхільным дахам, пад якім на галоўным фасадзе праходзіць карніз з сухарыкамі. Сцены прарэзаны лучковымі вокнамі без ліштваў. На другім паверсе размешчаны 2 балконы^[3].

Дом № 11, другі будынак

Другі ўяўляе сабой двухпавярховы нізкі атынкаваны прамавугольны ў плане будынак накрыты двухсхільньм дахам. Сцены расчлянёны лучковымі вокнамі без ліштваў^[3]. —

Гісторыка-культурная каштоўнасць Беларусі, шыфр 711Е000001шыфр 711Е000001

№ 21 — двухпавярховы прамавугольны ў плане будынак накрыты чатырохсхільным вальмавым дахам. Фасад рытмічна расчлянёны прамавугольнымі шырокімі вокнамі без ліштваў, аздоблены падаконнымі амаль квадратнымі плоскімі нішамі і сандрыкамі ў выглядзе фрагментаў пластычнага фрыза^[3]. — Гісторыка-культурная каштоўнасць Беларусі, шыфр 711Е000001шыфр 711Е000001

Дом № 21а

№ 21а — двухпавярховы будынак накрыты чатырохсхільным двухсхільным дахам — Гісторыка-культурная каштоўнасць Беларусі, шыфр 711Е000001шыфр 711Е000001

Зноскі

↑ Тапанімія вуліц і плошчаў Менска ў XIX — пачатку XX ст.
↑ Вуліцам Мінска вяртаюць гістарычныя назвы (нявызн.)(недаступная спасылка). Архівавана з першакрыніцы 14 чэрвеня 2021. Праверана 15 снежня 2016.
↑ ^а ^б ^в ^г ^д Збор помнікаў гісторыі і культуры Беларусі / АН БССР. Ін-т мастацтвазнаўства, этнаграфіі і фальклору; Рэд. кал.: С. В. Марцэлеў (гал. рэд.) і інш. — Мн.: БелСЭ, 1988. — Мінск. — 333 с.: іл. — ISBN 5-85700-006-8.

СпасылкіПравіць

На Вікісховішчы ёсць медыяфайлы па тэме Віцебская вуліца (Мінск)

[1] Тапанімія вуліц і плошчаў Менска ў XIX — пачатку XX ст.

[2] Вуліцам Мінска вяртаюць гістарычныя назвы (нявызн.)(недаступная спасылка). Архівавана з першакрыніцы 14 чэрвеня 2021. Праверана 15 снежня 2016.

[ЗП-3] а ^б ^в ^г ^д Збор помнікаў гісторыі і культуры Беларусі / АН БССР. Ін-т мастацтвазнаўства, этнаграфіі і фальклору; Рэд. кал.: С. В. Марцэлеў (гал. рэд.) і інш. — Мн.: БелСЭ, 1988. — Мінск. — 333 с.: іл. — ISBN 5-85700-006-8.

[1]

[2]

[3]