Уладзімір Усеваладавіч Чурыла

Уладзімір Усеваладавіч Чуры́ла (16 снежня 1950, Масква) — беларускі мастак.

Уладзімір Усеваладавіч Чурыла
Дата нараджэння	16 снежня 1950(1950-12-16) (72 гады)
Месца нараджэння	Масква, РСФСР, СССР
Род дзейнасці	мастак
Жанр	манументальна-дэкаратыўнае мастацтва[d]
Вучоба	Беларускі дзяржаўны тэатральна-мастацкі інстытут (1976)
Уплыў	Сяргей Пятровіч Каткоў, Алег Уладзіміравіч Хадыка і Лія Авейсаўна Каджар
Член у	Беларускі саюз мастакоў

Біяграфія

Скончыў у 1965 годзе мастацкую студыю пры Палацы піянераў і школьнікаў, у 1976 годзе — Беларускі тэатральна-мастацкі інстытут. Вучыўся ў С. Каткова, А. Хадыкі, Л. Каджар, А. Семілетава. Удзельнік мастацкіх выставак з 1976 года.

Член Беларускага саюза мастакоў з 1984 года.

Жыве ў г. Мінску.

Творчасць

Працуе ў манументальна-дэкаратыўным мастацтве, мастацкім праектаванні, станковым жывапісе. Аўтар мастацкага афармлення станцый Мінскага метрапалітэна «Акадэмія навук» (1979—1984), «Плошча Я. Коласа» (1980—1981), «Пушкінская» (1997); Палаца культуры завода «Оптык» у г. Ліда Гродзенскай вобласці (1985), Нацыянальнага цэнтра творчасці дзяцей і моладзі (1990—1996), залаў прыёмаў Дома ўрада Беларусі (1993—1998), рэзідэнцыі пасла Турцыі (1999), салона «Пасольства прыгажосці» (2001) у Мінску; жывапісных кампазіцый «Нацюрморт з хурмой», «Пеўні» (абедзве 2000), серыі «Палескія замалёўкі» (2002) і інш.

Літаратура

• Л. Ф. Салавей. Чурыла Уладзімір Усеваладавіч // Беларуская энцыклапедыя: У 18 т. Т. 17: Хвінявічы — Шчытні / Рэдкал.: Г. П. Пашкоў і інш. — Мн. : БелЭн, 2003. — Т. 17. — 512 с. — 10 000 экз. — ISBN 985-11-0035-8. — ISBN 985-11-0279-2 (т. 17).
• Чурыла Уладзімір Усеваладавіч // Беларускі саюз мастакоў: энцыклапедычны даведнік / складальнік Б. А. Крэпак. — Мінск, 1998.