Георгій Андрэевіч Маркоўскі

Гео́ргій Андрэ́евіч Марко́ўскі (14 сакавіка 1937, в. Восава Бярэзінскага раёна Мінскай вобласці) — 6 лістапада 2016) — беларускі дзяржаўны дзеяч, міністр лясной гаспадаркі Беларусі ў 1985—1994 гадах.

Георгій Андрэевіч Маркоўскі
Міністр лясной гаспадаркі Беларусі 17 ліпеня 1990 — 10 жніўня 1994
Кіраўнік урада	Вячаслаў Кебіч
Папярэднік	пасада заснаваная
Пераемнік	Валянцін Зорын
Міністр лясной гаспадаркі БССР кастрычнік 1985 — 17 ліпеня 1990
Кіраўнік урада	Уладзімір Бровікаў Міхаіл Кавалёў
Папярэднік	Сяргей Маісеенка
Пераемнік	пасада скасаваная
Нараджэнне	14 сакавіка 1937(1937-03-14) Бярэзінскі раён, БССР, СССР
Смерць	6 лістапада 2016(2016-11-06) (79 гадоў)
Адукацыя	Беларускі лесатэхнічны інстытут імя С. М. Кірава (1959) Акадэмія грамадскіх навук пры ЦК КПСС (1979)
Узнагароды

Біяграфія

Пасля заканчэння Пагосцкай школы ў 1954 годзе паступіў у Беларускі лесатэхнічны інстытут імя С. М. Кірава. Па размеркаванню быў накіраваны на працу старэйшым майстарам ў Івацэвіцкі хімлясгас. У чэрвені 1960 года ён узначаліў Бранягорскае лясніцтва гэтага ж лясгаса, а ў снежні 1965 года быў прызначаны дырэктарам Столінскага лясгаса.

У жніўні 1971 года быў прызначаны начальнікам аддзела капітальнага будаўніцтва Столінскага раённага Савета дэпутатаў працоўных і адначасова намеснікам старшыні выканкама, з чэрвеня 1975 па жнівень 1977 года — старшынёй Столінскага райвыканкама. Пасля заканчэння Акадэміі грамадскіх навук пры ЦК КПСС у 1979 годзе Г. А. Маркоўскі быў абраны першым сакратаром Столінскага райкама партыі. На гэтай пасадзе ён працаваў да ліпеня 1984 года, а пасля ўзначаліў упраўленне лясной гаспадаркі Брэсцкага аблвыканкама.

У чэрвені 1985 года Георгій Маркоўскі прызначаецца намеснікам міністра лясной гаспадаркі БССР, у верасні гэтага ж года Указам Прэзідыума Вярхоўнага Савета Беларускай ССР — міністрам лясной гаспадаркі БССР.

Быў зняты з пасады 10 жніўня 1994 года.

Узнагароды

• Ордэн Дружбы народаў
• Медаль «У азнаменаванне 100-годдзя з дня нараджэння Уладзіміра Ільіча Леніна»

Спасылкі

• Георгий Андреевич МАРКОВСКИЙ // Они руководили отраслью. Архівавана 15 чэрвеня 2018.
• 6 ноября, незадолго до своего 80-летнего юбилея, ушел из жизни Георгий Андреевич ­МАРКОВСКИЙ — министр лесного хозяйства нашей страны в 1985—1994-е годы (руск.)(недаступная спасылка). Белорусская лесная газета (10 лістапада 2016). Архівавана з першакрыніцы 20 верасня 2018. Праверана 28 лютага 2019.
• Аляксандр Піскуноў. Люди помнят (руск.)(недаступная спасылка). Белорусская лесная газета (16 сакавіка 2017). Архівавана з першакрыніцы 20 верасня 2018. Праверана 28 лютага 2019.