Задзвея

Задзвея
Краіна	Беларусь
Вобласць	Брэсцкая
Раён	Баранавіцкі
Сельсавет	Вольнаўскі
Каардынаты	53°18′28″ пн. ш. 26°17′05″ у. д.HGЯO
Насельніцтва	▼97 чал. (2019);
Часавы пояс	UTC+3
Тэлефонны код	+375 163
Паштовыя індэксы	225343
Аўтамабільны код	1
СААТА	1204807026
	Задзвея на Вікісховішчы

Задзве́я^[1] (трансліт.: Zadzvieja, руск.: Задвея) — вёска ў Баранавіцкім раёне Брэсцкай вобласці. Уваходзіць у склад Вольнаўскага сельсавета. Размешчана за 30 км на паўднёвы ўсход ад Баранавічаў, за 16 км ад чыгуначнай станцыі Пагарэльцы на лініі Баранавічы — Мінск, на рацэ Дзвеі.

Гісторыя

Вядома з XV стагоддзя як маёнтак у Новагародскім павеце, належаў Чамровічам, з 1464 года да 1471 года — Гаштольдам.

У XVII—XVIII стагоддзях маёнтак Задзвея — уласнасць шляхцічаў Макушынскіх і Чачотаў. Чачоты пабудавалі тут касцёл і палац (не захаваліся).

Касцёл, пачатак XX ст.

У 1909 годзе ў Жухавіцкай воласці Навагрудскага павета Мінскай губерні, дзейнічала царкоўна-прыходская школа.

З 1921 года ў складзе Польскай Рэспублікі, у Паланэцкай гміне Баранавіцкага павета Навагрудскага ваяводства. Побач з вёскай размяшчаўся фальварак Задзвея, у якім 11 дамоў, 41 жыхар.

На пачатку Другой сусветнай вайны, у 1939 годзе мясцовасць занята Чырвонай Арміяй і далучана да БССР. З 15 студзеня 1940 года ў Гарадзішчанскім раёне Баранавіцкай вобласці.

З канца чэрвеня 1941 года да ліпеня 1944 года вёска акупіравана нямецкімі войскамі. У ліпені 1944 годзе зноў занята Чырвонай Арміяй. На франтах 2-й сусветнай вайны загінула 28 вяскоўцаў.

З 8 студзеня 1954 года ў Гарадзішчанскім раёне Брэсцкай вобласці. Да 20 мая 1957 года ўваходзіла ў склад Паланечкаўскага сельсавета^[2], пасля — у склад Галынкаўскага сельсавета. З 25 снежня 1962 года ў Баранавіцкім раёне.

Інфраструктура

Магазін
Сярэдняя школа (з 1986 года працуе краязнаўчы музей)

Насельніцтва

1 двор, 32 жыхары (1909)
134 дамы, 778 жыхароў (1921)
961 жыхар (1959)
719 жыхароў (1970)
166 двароў, 265 жыхароў (1998)
131 гаспадарка, 237 жыхароў (2005)

Славутасці

Сядзіба Чачотаў

Сядзіба Чачотаў. Лядоўня
Сядзіба Чачотаў. Стайня
Флігель-кухня

Вядомыя асобы

Генадзь Іванавіч Козел (1930—2006) — беларускі паэт і настаўнік.
Іван Мікітавіч Серада (1879—1943) — дзяржаўны дзеяч, навуковец, педагог. Першы старшыня Рады Беларускай Народнай Рэспублікі.
Генадзь Аляксандравіч Фалей — беларускі мастак.

Зноскі

↑ Назвы населеных пунктаў Рэспублікі Беларусь: Брэсцкая вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2010.— 318 с. ISBN 978-985-458-198-9. (DJVU)
↑ Рашэнне выканкома Брэсцкага абласнога Савета дэпутатаў працоўных ад 20 мая 1957 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1957, № 5.

Літаратура

Гарады і вёскі Беларусі: Энцыклапедыя. Т. 3, кн. 1. Брэсцкая вобласць / рэдкал.: Г. П. Пашкоў (дырэктар) і інш. — Мн.: Беларуская Энцыклапедыя імя Петруся Броўкі, 2006. — 528 с.: іл. — 4 000 экз. — ISBN 985-11-0373-X.

Спасылкі

	Задзвея на Вікісховішчы

Задзвея на сайце Глобус Беларусі (руск.)

[1] Назвы населеных пунктаў Рэспублікі Беларусь: Брэсцкая вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2010.— 318 с. ISBN 978-985-458-198-9. (DJVU)

[2] Рашэнне выканкома Брэсцкага абласнога Савета дэпутатаў працоўных ад 20 мая 1957 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1957, № 5.

[1]

[2]