Зубачы

Зубачы́ (трансліт.: Zubačy, руск.: Зубачи) — вёска ў Бярозаўскім раёне Брэсцкай вобласці. Уваходзіць у склад Сялецкага сельсавета. Размешчана за 21 км ад Бярозы, за 18 км ад чыгуначнай станцыі Бяроза-Картузская.

Вёска Зубачы Краіна Беларусь Вобласць Брэсцкая Раён Бярозаўскі Сельсавет Сялецкі Каардынаты 52°37′02″ пн. ш. 24°46′39″ у. д. Насельніцтва ▼20 чал. (2019) Часавы пояс UTC+3 Тэлефонны код +375 1643 Аўтамабільны код 1 СААТА 1208854036 Зубачы на карце Беларусі ±

Гісторыя

У 1864 годзе — вёска ў Сашыцкай воласці Пружанскага павета Гродзенскай губерні. У канцы XIX ст. — у Сялецкай воласці. Паводле перапісу 1897 года дзейнічаў хлебазапасны магазін.

У 1915 годзе акупіраваны германскімі войскамі, з 1919 года да ліпеня 1920 года і з жніўня 1920 года — войскамі Польшчы. У ліпені 1920 года ўстаноўлена савецкая ўлада. З 1921 года — у складзе Польшчы, у 1924 годзе ў Сялецкай гміне Пружанскага павета Палескага ваяводства, 25 будынкаў.

З 1939 года ў БССР, з 1940 года вёска ў Сашыцкім сельсавеце.

У 1941—1944 гг. акупіравана нямецка-фашысцкімі захопнікамі. Акупанты загубілі 6 жыхароў вёскі, на франтах загінулі 9 воінаў-землякоў. Часці 152-й стралковай дывізіі 28-й арміі 1-га Беларускага фронту 13 ліпеня 1944 года выйшлі да р. Ясельда ў раёне вёсак Зубачы, Сашыца, Сялец, пры фарсіраванні ракі разгарэўся ўпарты бой. 15 ліпеня 1944 года воіны дывізіі выбілі гітлераўцаў з пазіцый і вызвалілі шэраг населеных пунктаў Бярозаўскага раёна. На ўшанаванне памяці савецкіх воінаў, якія загінулі ў гэтых баях, насыпаны 15-метровы Курган Славы і ўстаноўлена пліта з памятным надпісам.

З 16 ліпеня 1954 года вёска ў Сялецкім сельсавеце.

Планіроўка

Планіровачна складаецца з кароткай вуліцы, арыентаванай з паўночнага захаду на паўднёвы ўсход, да якой у цэнтры прымыкаюць 2 завулкі (з паўднёвага захаду і ўсходу).

Насельніцтва

• XIX стагоддзе:
  • 1897 — 30 двароў, 119 жыхароў.
• XX стагоддзе:
  • 1905 — 165 жыхароў.
  • 1924 — 122 жыхары.
  • 1940 — 46 двароў, 275 жыхароў.
  • 1959 — 57 гаспадарак, 200 жыхароў.
  • 1970 — 223 жыхары.
• XXI стагоддзе:
  • 2005 — 23 двары, 40 жыхароў.

Славутасці

• Курган Славы (1967) —  Гісторыка-культурная каштоўнасць Беларусі, шыфр 113Д000142

Вядомыя асобы

• Пётр Уладзіміравіч Свентахоўскі (1939—2006) — беларускі мастак.

Літаратура

• Гарады і вёскі Беларусі: Энцыклапедыя. Т. 3, кн. 1. Брэсцкая вобласць / рэдкал.: Г. П. Пашкоў (дырэктар) і інш. — Мн.: Беларуская Энцыклапедыя імя Петруся Броўкі, 2006. — 528 с.: іл. — 4 000 экз. — ISBN 985-11-0373-X.

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх