Канстанцін Васільевіч Гораў
Канстанцін Васільевіч Гораў (25 верасня 1904, в. Лінёва, Борскі раён, Ніжагародская (Горкаўская) вобласць[1] — 26 ліпеня 1988, Мінск) — беларускі савецкі вучоны ў галіне металазнаўства і тэрмічнай апрацоўкі металаў. Акадэмік АН БССР з 1938 годзе, прэзідэнт АН БССР у 1938—1947 гадах, заслужаны дзеяч навукі і тэхнікі БССР, аўтар больш за 130 навуковых прац, дэпутат Вярхоўнага Савета БССР (1938—1947)[2]. Першы прэзідэнт АН БССР, які памёр натуральнай смерцю[3].
| Канстанцін Васільевіч Гораў | |
|---|---|
| Дата нараджэння | 25 верасня 1904 |
| Месца нараджэння | |
| Дата смерці | 26 ліпеня 1988 (83 гады) |
| Месца смерці | |
| Месца пахавання | |
| Грамадзянства | |
| Род дзейнасці | навуковец |
| Навуковая сфера | металазнаўства[d] |
| Месца працы | |
| Навуковае званне | акадэмік АН БССР |
| Альма-матар | |
| Прэміі |
 |
| Узнагароды |
    |
Біяграфія
правіцьНарадзіўся ў сялянскай сям’і, вучыўся на рабфаку, у Маскоўскай горнай акадэміі, Маскоўскім інстытуце каляровых металаў і золата[2], дзе скончыў таксама аспірантуру. Вучыўся ў дактарантуры Інстытута неарганічнай хіміі АН СССР пад кіраўніцтвам А. А. Бочвара. У лютым 1938 года быў накіраваны ў АН БССР і ўжо ў сакавіку таго ж года стаў яе прэзідэнтам. У 1947 годзе пайшоў з посту Прэзідэнта, быў дырэктарам Фізіка-тэхнічнага інстытута гэтай ж Акадэміі ў 1947—1948, з 1949 старшы навуковы супрацоўнік, у 1950—1973 загадчык лабараторыяй металазнаўства там жа[2]. З 1976 года старэйшы навуковы супрацоўнік-кансультант Фізіка-тэхнічнага інстытута АН БССР[2].
У 1968—1987 гадах галоўны рэдактар навуковага журнала «Весці АН БССР[3] Серыя фізіка-тэхнічных навук».
Навуковая дзейнасць
правіцьПрацы па вывучэнні фазавых і структурных ператварэнняў і ўстанаўленні сувязі паміж структурай металаў і сплаваў. Вывучаў уплыў легіравальных элементаў і мадыфікавальных дадаткаў на працэс крышталізацыі і ўласцівасці высокатрывалага чыгуна з шарападобным графітам, а таксама ўплыў алюмінію, тытану, малібдэну, вальфраму і ванадыю на фазавы склад, структуру і ўласцівасці гарачатрывалых сплаваў на жалезнай і нікелевай асновах[2].
Бібліяграфія
правіць- Влияние характера структуры некоторых сплавов алюминия на их свойства при высокой температуре (совм. с П. А. Пархутиком) // Лёгкие сплавы. — М., 1958.
- Кинетика и механизм разупрочнения некоторых стареющих сплавов (совм. с Р. Л. Тофпенец). — В кн.: Кинетика и механизм кристаллизации. Мн., 1973
- Фазовые равновесия в сплавах Fe — C и Fe — C — Cr (совм. с Л. А. Шевчуком). — Весці АН БССР. Сер. фізіка-тэхнічных навук, 1976, № 2
Узнагароды
правіць- ордэн Кастрычніцкай Рэвалюцыі (03.01.1979)
- 3 ордэны Працоўнага Чырвонага Сцяга (28.02.1939; 20.07.1971; 18.09.1984)
- ордэн Дружбы народаў (18.09.1974)
- медалі
- Дзяржаўная прэмія Беларускай ССР
Зноскі
- ↑ Цяпер у межах вёскі Ямнава, гарадской акругі Бор, Ніжагародскай вобласці, Расія.
- ↑ а б в г д Горев Константин Васильевич // Биографический справочник. — Мн.: «Белорусская советская энциклопедия» имени Петруся Бровки, 1982. — Т. 5. — С. 162. — 737 с.
- ↑ а б Ахремчик Р. Президенты НАН Беларуси: история Академии в лицах // Наука и инновации. — 2014. — Т. 2. — № 132. — С. 8
Літаратура
правіць- Го́раў Канстанцін Васілевіч // Беларусь: энцыклапедычны даведнік / Рэдкал. Б. І. Сачанка (гал. рэд.) і інш.; Маст. М. В. Драко, А. М. Хількевіч. — Мн.: БелЭн, 1995. — С. 237. — 800 с. — 5 000 экз. — ISBN 985-11-0026-9.
Спасылкі
правіць- Біябібліяграфічны паказальнік у рэпазіторыі Цэнтральнай навуковай бібліятэкі імя Якуба Коласа НАН Беларусі
- Канстанцін Васільевіч Гораў у базе даных «История белорусской науки в лицах» Цэнтральнай навуковай бібліятэкі імя Якуба Коласа НАН Беларусі (руск.)
- Гораў Канстанцін Васільевіч на сайце анлайн-энцыклапедыі «Беларусь у асобах і падзеях»
- Памяці вучонага: ГОРАЎ Канстанцін Васільевіч 4-ы прэзідэнт НАН Беларусі // Сайт НАН Беларусі