Капліца з драўлянай скульптурай (Гальшаны)

Каталіцкая капліца ў аграгарадку Гальшаны

Капліца з драўлянай скульптурай  — прыдарожная капліца ў аграгарадку Гальшанах Ашмянскага раёна Гродзенскай вобласці. Знаходзіцца ў паўднёва-ўсходняй частцы паселішча, па дарозе ад касцёла да рэшткаў замка.

Славутасць
Капліца з драўлянай скульптурай
Гальшаны. Прыдарожная капліца.jpg
54°15′12,90″ пн. ш. 26°01′11″ у. д.HGЯO
Краіна Беларусь
Аграгарадок Гальшаны
Канфесія Каталіцтва
Епархія Гродзенская дыяцэзія
Дэканат Ашмянскі
Архітэктурны стыль неакласіцызм
Дата пабудовы 1897 год
Статус Ахоўная шыльда гісторыка-культурнай каштоўнасці Рэспублікі Беларусь. Гісторыка-культурная каштоўнасць Беларусі, шыфр 412Г000065шыфр 412Г000065
Стан дзейнічае

ГісторыяПравіць

Пабудавана ў XVIII стагоддзі[1] (па іншых звестках — 1897 годзе[2]) з цэглы. У 2007 годзе была занесена ў Дзяржаўны спіс гісторыка-культурных каштоўнасцей Рэспублікі Беларусь як аб’ект гісторыка-культурнай спадчыны рэспубліканскага значэння.

АрхітэктураПравіць

З’яўляецца помнікам архітэктуры неакласіцызму. Вырашана трох’яруснай чатырохграннай вежай пад шатровым пакрыццём з крыжам. Сцены атынкаваныя. Ярусы падзелены прафіляванымі карнізамі. Грані першага і верхняга яруса аформлены нішамі, сярэдні ярус мае скразныя арачныя праёмы. Унутры яго ўстаноўлена драўляная скульптура Ісуса Хрыста[2].

Зноскі

  1. Дзяржаўны спіс гісторыка-культурных каштоўнасцей Рэспублікі Беларусь: [Даведнік] / Склад. В. Я. Абламскі, І. М. Чарняўскі, Ю. А. Барысюк. — Мн.: БЕЛТА, 2009. — 684 с. — ISBN 978-985-6828-35-8.
  2. 2,0 2,1 Каталіцкія храмы Беларусі: Энцыкл. даведнік / А. М. Кулагін; фатограф А. Л. Дыбоўскі. — 2-е выд.. — Мн.: БелЭн, 2008. — 488 с. — ISBN 978-985-11-0395-5.

ЛітаратураПравіць