Сокал-каршачок

Со́кал-каршачо́к, каршачок (Falco subbuteo; нар. назвы: аралок, карагольчык, кабец) — невялікая драпежная птушка сямейства Сакаліныя (Falconidae).

Сокал-каршачок
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Другаснаротыя Тып:  Хордавыя Падтып:  Пазваночныя Інфратып:  Сківічнаротыя Надклас:  Чацвераногія Клас:  Птушкі Падклас:  Нованёбныя Атрад:  Сокалападобныя Сямейства:  Сакаліныя Падсямейства:  Falconinae Трыба:  Falconini Род:  Falco Від:  Сокал-каршачок
Міжнародная навуковая назва
Falco subbuteo Linnaeus, 1758
Ахоўны статус
Выклікаюць найменшыя асцярогі IUCN 3.1 Least Concern : / 22696460
Сістэматыка на Віківідах Выявы на Вікісховішчы ITIS   175654 NCBI   344233 EOL   1049172 FW   369307

Гэты від занесены ў Чырвоную кнігу Беларусі і ахоўваецца законам. IV катэгорыя (NT)

Апісанне

Даўжыня да 36 см, маса да 280 г. Самкі буйнейшыя за самцоў. Апярэнне на спіне буравата-чорнае з шызым адценнем. Грудзі і брушка светла-вохрыстае з буйнымі цёмнымі стракацінамі. Падхвосе і галёнкі рыжыя. Кольцы вакол вачэй і ногі жоўтага колеру.

Арэал і біялогія

Жыве на шырокай тэрыторыі Еўразіі і ў Паўночнай Афрыцы (акрамя тундраў і пустынь). Насяляе лясы і лесастэпы. Аддае перавагу светлым лясам у спалучэнні з адкрытымі ландшафтамі. Гняздуецца на высокіх дрэвах. На большай частцы арэала пералётная птушка, зімуе ў Афрыцы і трапічнай Азіі. Сілкуецца насякомымі і дробнымі птушкамі, якіх ловіць на ляту. Адкладвае да 4, зрэдку да 6 яек.

На тэрыторыі Беларусі малалікі, пералётны від, занесены ў Чырвоную кнігу.

Літаратура

• Самусенка Э. Р. Сокал-каршачок, каршачок // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 78. — 10 000 экз. — ISBN 985-11-0035-8. — ISBN 985-11-0251-2 (т. 15).