Катастрофа двух Мі-24 у Рутшуру (2017)

27 студзеня 2017 года блізу горада Рутшуру правінцыі Паўночнае Ківу пацярпелі крушэнні два баявых верталёта Мі-24 ВПС ДРК. Экіпаж першага складаўся з грузінскіх наймітаў. На другім былі беларускія ваенныя спецыялісты. Разам з імі ляцелі яшчэ трое кангалезскіх вайскоўцаў.

Крушэнне двух Мі-24 блізу Рутшуру
Агульныя звесткі
Дата 27 студзеня 2017
Характар збітыя ЗРК «Страла» (асноўная версія)
Месца Дэмакратычная Рэспубліка Конга Рутшуру
Параненыя 8
Паветранае судна
Мадэль Мі-24
Авіякампанія Congo Air force roundel.svg Ваенна-паветраныя сілы Дэмакратычнай Рэспублікі Конга
Экіпаж Беларусь: 3 (+ Дэмакратычная Рэспубліка Конга 2)
Грузія: 2 (+ Дэмакратычная Рэспубліка Конга 1)
Выжылых 8

ВерталётыПравіць

Адзін з верталётаў, якія разбіліся пад Рутшуру, меў бартавы нумар 9Т-HM-11 (серыйны № 3532421420315), другі — 9T-HM12 (серыйны № 3532421420271). Абодва належалі ВПС ДРК[1].

ЭкіпажыПравіць

Двое грамадзян Грузіі раней служылі ў ваенна-паветраных сілах сваёй краіны, але страцілі месца працы ў сувязі са скарачэннямі. Пасля гэтага яны з’ехалі ў Дэмакратычную Рэспубліку Конга, дзе знайшлі вакантныя месцы ва ўзброеных сілах[2]. Грамадзяне Беларусі, згодна з анлайн-выданнем «Политринг», якія складалі другі экіпаж, з’яўляліся ваеннымі спецыялістамі, накіраванымі ў краіну для падтрымкі і падрыхтоўкі кангалезскіх вайскоўцаў[3]. Аднак як паведамілі ў праграме Навіны «24 гадзіны» на СТБ, ян дзейнічалі як прыватныя асобы[4]. У беларусаў на борце было двое кангалезцаў, у грузінаў — адзін[5].

КатастрофаПравіць

27 студзеня абодва верталёта праводзілі патруляванне ў раёне горада Рутшуру. Мэтай іх місіі было вызначыць межы тэрыторыі, занятай паўстанцамі з руху M23, што адстойвае інтарэсы народнасці тутсі[5]. Як паведамлялася, яны былі збітыя з пераносных ЗРК «Страла» баевікамі. Аднак па дадзеных Defence.ru са спасылкай на бельгійскае агенцтва Belga, пры выкананні разведвальнага палёту, адзін з верталётаў зачыпіў лопасцямі апорнай шрубы верхавіны дрэў у раёне гары Мікена на вышыні каля 500 метраў і пацярпеў крушэнне. Другі верталёт, страціўшы візуальны кантакт з першай машынай, прыняў меры да яе пошуку, але таксама разбіўся[6]. Некатарыя крыніцы сцвярджалі, што прычынай катастрофы маглі стаць дрэнныя ўмовы надвор’я[7]. Першапачаткова гаварылася і аб тэхнічных непаладках[8].

Увесь беларускі экіпаж быў шпіталізаваны ў адну з медустаноў горада Гома[8]. Іх знайшла пара верталётаў Denel AH-2 Rooivalk з ПАР, якая выконвала патруляванне ў рамках міратворчай місіі ААН у Конга (MONUSCO). Міратворцы і даставілі пацярпелых у бальніцу[1]. Туды ж адправіўся грузінскі пілот. Яго напарнік некаторы час лічыўся зніклым без вестак, паколькі дажджы абцяжарвалі пошукі. Пазней высветлілася, што ён трапіў у палон да баевікоў, якія прызначылі за яго выкуп у мільён долараў[9]. Між тым, лідары паўстанцаў сцвярджалі, што не аб’яўлялі за палоннага выкуп. 18 чэрвеня захоплены лётчык загінуў падчас бою паміж байцамі групоўкі і ўрадавымі войскамі[10].

Вайскоўцы ДР Конга, якія ляцелі з беларусамі, выжылі. Той, што быў з грузінскім экіпажам, трапіў у палон да баевікоў і пазней забіты[5].

Паведамленні аб расійскіх вайскоўцахПравіць

31 студзеня генерал арміі ДРК Леон Мушале (фр.: Léon Mushale) заявіў, што падчас крушэння загінулі двое расійскіх вайскоўцаў. Яшчэ адзін расійскі лётчык знаходзіцца ў палоне ў паўстанцаў. Пасольства Расіі ў ДРК не пацвердзіла паведамленні аб гібелі расійскіх лётчыкаў пры крушэнні верталётаў. Па дадзеных дыпмісіі, грамадзян Расіі сярод членаў экіпажа не было[11].

Гл. таксамаПравіць

Зноскі

  1. 1,0 1,1 AircargoNews.ru
  2. ДР Конго был сбит вертолет Ми-24 с грузинским экипажем // Bazm.info, 30 января 2017
  3. Беларусь поставляет в Конго военную технику - СМИ // Белорусский Политринг, 13 мая 2018
  4. Жизни троих белорусов, пострадавших при крушении МИ-24 в Конго, ничего не угрожает Архівавана 29 верасня 2021. // СТВ, 1 февраля 2017.
  5. 5,0 5,1 5,2 [1]
  6. В Конго разбились 2 вертолёта с белорусским и грузинским экипажами // Военное обозрение, 31 января 2017
  7. На борту Ми-24, разбившегося в Конго, были трое белорусов // Белновости, 1 января 2017
  8. 8,0 8,1 Российское посольство в Конго: На борту упавшего вертолета был белорусский экипаж // 21.by, 1 февраля 2017 Архівавана 15 снежня 2019.
  9. Мятежники в Конго пленили грузинского пилота и требуют $1 млн
  10. Повстанцы в ДР Конго подтвердили гибель плененного ими гражданина Грузии // Интерфакс, 19 июня 2017
  11. В ДР Конго заявили о гибели двух российских пилотов при крушении вертолетов // РИА Новости // 31 января 2017