Леанід Пятровіч Смаляк

Леанід Пятровіч Смаля́к (8 чэрвеня 1923 — 28 сакавіка 1995) — вучоны ў галіне геабатанікі, доктар біялагічных навук (1968), прафесар (1979).

Леанід Пятровіч Смаляк
Дата нараджэння	8 чэрвеня 1923(1923-06-08)
Месца нараджэння	Асобіна, Гомельскі павет, Гомельская губерня, РСФСР, СССР
Дата смерці	28 сакавіка 1995(1995-03-28) (71 год)
Грамадзянства	СССР  Беларусь
Род дзейнасці	навуковец
Навуковая сфера	геабатаніка
Месца працы	Інстытут лесу НАНБ Інстытут эксперыментальнай батанікі імя В. Ф. Купрэвіча НАН Беларусі Беларускі тэхналагічны інстытут імя С. М. Кірава
Навуковая ступень	доктар біялагічных навук (1968) і кандыдат сельскагаспадарчых навук
Навуковае званне	прафесар
Альма-матар	Беларускі лесатэхнічны інстытут імя С. М. Кірава
Прэміі
Узнагароды

Біяграфія

Нарадзіўся ў вёсцы Асобіна Гомельскага павета Гомельскай губерні (зараз у Буда-Кашалёўскім раёне Гомельскай вобласці Беларусі). Удзельнік Вялікай Айчыннай вайны. Скончыў Беларускі лесатэхнічны інстытут у 1948 годзе. З 1950 года працаваў у Інстытуце лесу Акадэміі навук БССР, дзе ў 1956—1960 гадах займаў пасаду загадчыка аддзела гідралесамеліярацыі і глебазнаўства, у 1963—1971 гадах — намеснік дырэктара па навуковай рабоце. У 1971—1977 гадах Л. П. Смаляк на пасадзе загадчыка лабараторыі прадукцыйнасці і воднага рэжыму фітацэнозаў Інстытута эксперыментальнай батанікі імя В. Ф. Купрэвіча. З 1977 года працаваў загадчыкам кафедры дэндралогіі і фізіялогіі раслін Беларускага тэхналагічнага інстытута.

Навуковая дзейнасць

Аўтар прац па гідралесамеліярацыі, лясным балотазнаўстве, лесаводстве; экалогіі раслін.

Сярод апублікаванага:

• Влияние уровня грунтовых вод на потребление минеральных веществ сосной из почвы // Доклады АН БССР. — 1963. — Т. 7. — № 9.
• Эколого-физиологические основы мелиорации почв агрофитоценозов. / Л. П. Смоляк, В. Г. Реуцкий; АН БССР. Ин-т эксперим. ботаники им. В. Ф. Купревича. — Мн., 1974;
• Водное питание и продуктивность основных фитоценозов. — Мн., 1978;
• Дендрология: [Учеб. пособие для вузов по спец. 31.12 «Лесн. и садово-парковое хоз-во»] / Л. П. Смоляк, В. Г. Антипов, И. В. Гуняженко. — Мн.: Вышэйшая школа, 1990. — ISBN 5-339-00401-5

Узнагароды

• Ордэн Айчыннай вайны II ступені (1985)
• Медаль «За адвагу»
• Дзяржаўная прэмія БССР 1972 года

Літаратура

• Рэуцкі У. Р. Смаляк Леанід Пятровіч // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 47. — 10 000 экз. — ISBN 985-11-0035-8. — ISBN 985-11-0251-2 (т. 15).
• Смаляк Леанід Пятровіч // Памяць: Гіст. дакум. хроніка Буда-Кашалёўскага р-на. У 2 кн. Кн. 2-я. — Мн.: БЕЛТА, 2000. — С. 400.

Спасылкі

• Смаляк Леанід Пятровіч на сайце анлайн-энцыклапедыі «Беларусь у асобах і падзеях»
• Смоляк Леонид Петрович // Знаменитые люди Гомельщины (руск.)
• Память народа — электронный банк документов периода Великой Отечественной войны (руск.)
• Музейный комплекс «Дорога памяти» Архівавана 3 сакавіка 2022. (руск.)