Ларыса Фёдараўна Мурашка

Ларыса Фёдараўна Мура́шка (нар. 17 мая 1951, Мінск) — беларускі кампазітар.

Ларыса Фёдараўна Мурашка
Дата нараджэння	17 мая 1951(1951-05-17) (72 гады)
Месца нараджэння	Мінск, БССР, СССР
Краіна	СССР  Беларусь
Альма-матар	Беларуская дзяржаўная кансерваторыя імя А. В. Луначарскага (1975)
Месца працы	Беларуская дзяржаўная акадэмія музыкі Рэпертуарна-рэдакцыйная калегія Упраўлення культпрасветустаноў Міністэрства культуры БССР[d]
Музычная дзейнасць
Педагог	Пётр Пятровіч Падкавыраў
Прафесіі	кампазітарка, выкладчыца ўніверсітэта
Грамадская дзейнасць
Член у	Беларускі саюз кампазітараў БСТД Саюз музычных дзеячаў Беларусі

Біяграфія

Скончыла ў 1975 годзе Беларускую кансерваторыю па класе П. Падкавырава. З 1977 года выкладае ў Беларускай акадэміі музыкі (з 1997 года дацэнт), у 1978—1988 гадах адначасова рэдактар рэпертуарна-рэдакцыйнай калегіі Міністэрства культуры Беларусі.

Член Беларускага саюза кампазітараў з 1979 года, член Беларускага саюза тэатральных дзеячаў з 1979 года, член Беларускага саюза музычных дзеячаў з 1991 года.

Творчасць

У яе творчасці пераважаюць камерна-інструментальныя і вакальныя жанры, музыка для дзяцей. Распрацоўвае розныя пласты нацыянальнага музычнага фальклору. Сярод твораў: кантата «Замчышча» на словы Я. Купалы, канцэрт для фартэпіяна з аркестрам (абодва 1975), «Званы Нямігі» для духавога аркестра (1995), санаты, сюіты, прэлюдыі і фугі для фартэпіяна, саната-імправізацыя ў трох медытацыях (1990) для цымбалаў; камерна-інструментальныя, у т.л. струнны квартэт (1979), «Драматычная паэма» для фагота і фартэпіяна (1993); цыкл «Жалейка» на словы Я. Купалы для хору a cappella, рамансы, песні, музыка да драматычных спектакляў.

Літаратура

• Слабодчыкава Т. Г. Мурашка Ларыса Фёдараўна // Беларуская энцыклапедыя: У 18 т. Т. 11: Мугір — Паліклініка / Рэдкал.: Г. П. Пашкоў і інш. — Мн. : БелЭн, 2000. — Т. 11. — 560 с. — 10 000 экз. — ISBN 985-11-0035-8. — ISBN 985-11-0188-5 (т. 11).