Марыянетачная дзяржава

Марыяне́тачная дзяржа́ва, або марыянеткавая дзяржава — ацэначнае паняцце для дзяржавы, якая праводзіць палітыку, у значнай ступені дыктаваную іншай дзяржавай, але застаецца намінальна незалежнай (суверэннай). Статус, ступень самастойнасці і паўнаты суверэнітэту дзяржаў, да якіх ужываюць паняцце «марыянеткавая дзяржава», можа быць вельмі розным. Міжнароднае права не прызнае акупаваныя марыянетачныя дзяржавы легітымнымі.

Адзін з прыкладаў марыянетачнай дзяржавы — Маньчжоў-Го, створаная Японіяй у 1932 годзе.