Мікалай Нілавіч Бурдэнка

Мікалай Нілавіч Бурдэнка (26 красавіка (8 мая) 1876, вёска Каменка, Ніжнеломаўскі павет, Пензенская губерня, Расійская Імперыя — 11 лістапада 1946, Масква, СССР) — рускі і савецкі хірург, заснавальнік расійскай нейрахірургіі. Выпускнік, пазней прафесар Юр’еўскага універсітэта. Ганаровы член Лонданскага каралеўскага таварыства хірургаў і Парыжскай акадэміі хірургіі.

Мікалай Нілавіч Бурдэнка
Николай Нилович Бурденко
Дата нараджэння	22 мая (3 чэрвеня) 1876
Месца нараджэння	Каменка, Ніжнеломаўскі павет[d], Пензенская губерня, Расійская імперыя
Дата смерці	11 лістапада 1946(1946-11-11) (70 гадоў)
Месца смерці	Масква, РСФСР, СССР
Месца пахавання	Новадзявочыя могілкі
Грамадзянства	Расійская імперыя  СССР
Род дзейнасці	нейрахірург, ваенны, пісьменнік-дакументаліст, хірург, палітык
Навуковая сфера	нейрахірургія
Месца працы	Тартускі ўніверсітэт Маскоўскі інстытут нейрахірургіі[d] МДУ
Навуковая ступень	доктар медыцынскіх навук і доктар навук
Навуковае званне	спіс правадзейных членаў АН СССР[d] прафесар прафесар акадэмік АН СССР[d]
Альма-матар	ТДУ Imperial Tomsk University[d] медыцынскі факультэт Юр’еўскага ўніверсітэта (1906)
Вядомыя вучні	Q109485124? і Серафіма Сямёнаўна Брусава
Вядомы як	савецкі хірург, заснавальнік расійскай нейрахірургіі
Партыя	КПСС
Член у	Расійская акадэмія навук Акадэмія навук СССР Усерасійскі цэнтральны выканаўчы камітэт Burdenko Commission[d]
Узнагароды	Медаль «За доблесную працу ў Вялікай Айчыннай вайне 1941-1945 гг.»
Медыяфайлы на Вікісховішчы

У якасці ўрача прымаў удзел у Першай сусветнай вайне, дзе выявіў сябе як буйны арганізатар медыцынскай службы рускай арміі. З 1937 — галоўны хірург-кансультант Савецкай Арміі. Арганізатар і першы прэзідэнт Акадэміі медыцынскіх навук СССР (з 1944). Навуковая і арганізацыйная дзейнасць Бурдэнка ахоплівае шэраг буйнейшых раздзелаў хірургіі і сумежных з ёй абласцей: распрацоўка пытанняў патагенезу і лячэння шоку; вывучэнне працэсаў у нервовай сістэме пры аперацыйным умяшанні і вострых траўмах; даследаванне мазгавых з’яў пры пухлінах і траўмах ЦНС; працы па ваенна-палявой хірургіі.

Метады аперацый, названыя імем Бурдэнкі

Вядомыя метады правядзення хірургічных аперацый, названыя імем Бурдэнкі:

Метад Бурдэнкі — закрыццё пашкоджання ў сценцы верхняга сагітальнага сінуса з выкарыстаннем лоскута з вонкавага лістка цвёрдай абалонкі галаўнога мозгу.

Васкулярызацыя печані па Бурдэнка — падшыванне вялікага сальніка да фібрознай абалонкі печані для паляпшэння яе кровазабеспячэння.

Аперацыя Бурдэнкі -

1. Пры пашкоджанні плечавага спляцення: накладанне анастамозу паміж дыяфрагмальным і скурна-цягліцавым або сярэднім нервам
2. Ампутацыя пашкоджанай анаэробнай інфекцыяй канечнасці без накладання жгута, з перавязкай сасудаў на месцы перасячэння косці і пакіданнем раны адкрытай.
3. Ампутацыя канечнасці c гемастазам сасудзістай сеткі нерваў (апрацоўкай куксы нерва 5 % растворам фармаліну ці 96 % спіртам) для папярэджання боляў.

Спасылкі

• На Вікісховішчы ёсць медыяфайлы па тэме Мікалай Нілавіч Бурдэнка