Мікалай Сцяпанавіч Пятроў

Мікалай Сцяпанавіч Пятро́ў (нар. 16 ліпеня 1937, вёска Адамаўка, Горацкі раён, Магілёўская вобласць) — беларускі фізік-тэарэтык. Доктар фізіка-матэматычных навук (1986), прафесар (1989).

Мікалай Сцяпанавіч Пятроў
Дата нараджэння	16 ліпеня 1937(1937-07-16) (87 гадоў)
Месца нараджэння	Горацкі раён, БССР, СССР
Грамадзянства	СССР  Беларусь
Род дзейнасці	навуковец
Навуковая сфера	тэарэтычная фізіка
Месца працы	Навукова-практычны цэнтр НАН Беларусі па матэрыялазнаўстве Інстытут фізікі імя Б. І. Сцяпанава НАН Беларусі БНТУ
Навуковая ступень	доктар фізіка-матэматычных навук (1986)
Навуковае званне	прафесар
Альма-матар	БДУ
Прэміі
Узнагароды

Біяграфія

Скончыў Беларускі дзяржаўны ўніверсітэт у 1959 годзе. У 1962—1975 гадах працаваў у Інстытуце фізікі Акадэміі навук БССР, у 1975—1987 гадах — у Інстытуце фізікі цвёрдага цела і паўправаднікоў. З 1987 года намеснік дырэктара Міжгаліновага інстытута павышэння кваліфікацыі пры Беларускім політэхнічным інстытуце (Інстытут павышэння кваліфікацыі і перападрыхтоўкі кадраў па новых накірунках развіцця тэхнікі, тэхналогіі і эканомікі Беларускага нацыянальнага тэхнічнага ўніверсітэта), потым — загадчык аддзела.

Навуковая дзейнасць

Аўтар больш за ста навуковых артыкулаў, сямі аўтарскіх пасведчанняў на вынаходствы Навуковыя працы па оптыцы і лазернай фізіцы (манаімпульсныя лазеры і лазеры хваляводнага тыпу. Выявіў (разам з Ф.І. Фёдаравым) новы від электрамагнітных хваль. Прадказаў эфект узмацнення святла пры поўным адбіцці ад інверсных асяроддзяў і з'яву гістэрэзіснага адбіцця святла (аптычнай бістабільнасці). Лаўрэат Дзяржаўнай прэміі Беларусі (1990).

Асноўныя публікацыі

• Новый вид плоских электромагнитных волн в поглощающих кристаллах (разам з Ф.І.Фёдаравым)// Оптика и спектроскопия. – 1963. – Т. 15. – Вып. 6.
• Отражение света от усиливающих и нелинейных сред. – Мн., 1988 (разам з Б.Бойка).

Літаратура

• Пятроў Мікалай Сцяпанавіч // Беларуская энцыклапедыя: У 18 т. Т. 13: Праміле — Рэлаксін / Рэдкал.: Г. П. Пашкоў і інш. — Мн. : БелЭн, 2001. — Т. 13. — С. 169. — 10 000 экз. — ISBN 985-11-0035-8. — ISBN 985-11-0216-4 (т. 13).

Спасылкі

• Пятроў Мікалай Сцяпанавіч Архівавана 4 лістапада 2018. // Сайт Магілёўскай абласной бібліятэкі імя У. І. Леніна