Міхаіл Рыгоравіч Сачак

Міхаіл Рыгоравіч Сачак (10 студзеня 1929, в. Варонічы, Слонімскі раён, Гродзенская вобласць — 16 кастрычніка 2020, Віцебск) — беларускі хірург, прафесар. Заслужаны дзеяч навукі Рэспублікі Беларусь.

Міхаіл Рыгоравіч Сачак
Дата нараджэння	10 студзеня 1929(1929-01-10)
Месца нараджэння	Варонічы, гміна Міжэвічы, Слонімскі павет, Навагрудскае ваяводства, Польская Рэспубліка
Дата смерці	16 кастрычніка 2020(2020-10-16) (91 год)
Месца смерці	Віцебск, Віцебская вобласць, Беларусь
Род дзейнасці	хірург
Месца працы	Віцебскі дзяржаўны медыцынскі ўніверсітэт
Альма-матар	Віцебскі медыцынскі інстытут (1955)
Навуковы кіраўнік	Lev Bogush[d]
Узнагароды	ганаровы грамадзянін горада Віцебска Выдатнік адукацыі СССР[d] Чалавек года Віцебшчыны[d] (2013)

Біяграфія

Нарадзіўся ў сялянскай сям’і. У 1955 годзе скончыў Віцебскі медыцынскі інстытут. У 1961 годзе працаваў галоўным урачом Лепельскага раёна. У 1963 годзе прызначаны галоўным хірургам Віцебскага абласнога аддзела аховы здароўя. У 1975 годзе абараніў доктарскую дысертацыю «Аднаўленне функцый лёгкага». У 1979 годзе стаў рэктарам Віцебскага дзяржаўнага медыцынскага інстытута. З 1996 года на пасадзе загадчыка кафедры.

Навуковая дзейнасць

Мае 9 вынаходстваў, 340 друкаваных прац.

Узнагароды і званні

Ордэн «Знак Пашаны», 3 Ганаровыя граматы Вярхоўнага Савета БССР. Медаль Пірагова, Выдатнік аховы здароўя, Выдатнік адукацыі і Вынаходнік СССР, Ганаровы грамадзянін Віцебска. Чалавек года Віцебшчыны — 2013.

Літаратура

• Сачак Міхаіл Рыгоравіч // Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн. : БелЭн, 2002. — Т. 14. — С. 218. — 10 000 экз. — ISBN 985-11-0035-8. — ISBN 985-11-0238-5 (т. 14).

Спасылкі

• Сачак Міхаіл Рыгоравіч на сайце анлайн-энцыклапедыі «Беларусь у асобах і падзеях»
• Гісторыя ВДМУ