Нешчарда (рака)
Не́шчарда — рака ў Беларусі, у Расонскім раёне Віцебскай вобласці, правы прыток ракі Дрыса.
| Нешчарда | |
|---|---|
| Характарыстыка | |
| Даўжыня | 21 км |
| Басейн | 346 км² |
| Вадацёк | |
| Выток | возера Нешчарда |
| • Месцазнаходжанне | за 1 км ад вёскі Парэчча |
| • Вышыня | 147 м |
| • Каардынаты | 55°52′08,58″ пн. ш. 29°01′49,23″ у. д.HGЯO |
| Вусце | рака Дрыса |
| • Месцазнаходжанне | за 1 км ад вёскі Прыхабы |
| • Каардынаты | 55°47′34,8″ пн. ш. 28°52′08,41″ у. д.HGЯO |
| Ухіл ракі | 1 м/км |
| Размяшчэнне | |
| Водная сістэма | Дрыса → Заходняя Дзвіна → Балтыйскае мора |
| Краіна | |
| Рэгіён | Віцебская вобласць |
| Раён | Расонскі раён |
   |
|
 выток вусце |
|
|
— выток, — вусце |
|
Назва
правіцьНазва ракі паходзіць ад назвы возера Нешчарда, з якога рака выцякае. Азёрная назва — балцкага паходжання.
Назву складаюць прыстаўка Ne- і корань skard-. З дапамогай прыстаўкі Ne- аформленыя назвы задзвінскіх азёраў Не́вежа, Няклея, Нядружна і інш. Яна ж у літоўскіх гідронімах тыпу Nestrėvis «Нецякучае (возера)» (ад strėvus «плыткі, цякучы»)[1].
Корань skard- у літоўскіх гідронімах тыпу Skardis, Skardžius, Skardelis, Skard-upis. Ад літоўскага skardis «круты схіл, бераг», skardyti «адсякаць, адразаць, аддзіраць»[2]. Далей да індаеўрапейскага *(s)ker-d-[3].
Гідраграфія
правіцьДаўжыня 21 км. Плошча вадазбору 346 км². Сярэдні нахіл воднай паверхні 1 м/км. Выцякае з возера Нешчарда за 1 км паўночны ўсход ад вёскі Парэчча, вусце за 1 км на поўнач ад вёскі Прыхабы. Цячэ па лясістай забалочанай мясцовасці. Асноўны прыток — рака Расонка (справа).
На вадазборы азёры займаюць да 9 % плошчы — Нешчарда, Валуйскае, Бродна, Вусце, Вярхоўна, Галіна, Глухое, Доўгае, Камарынец, Круглае, Расамачынскае, Свярынаўскае і інш.
Зноскі
Літаратура
правіць- Блакітны скарб Беларусі: энцыклапедыя / рэдкал.: Г. П. Пашкоў [і інш.]. — Мн., 2007.
- Нешчарда // Энцыклапедыя прыроды Беларусі. У 5-і т. Т. 4. Недалька — Стаўраліт / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1985. — 599 с., іл. — 10 000 экз.
- Республика Беларусь. Атлас охотника и рыболова: Витебская область / Редактор Г. Г. Науменко. — Мн.: РУП «Белкартография», 2010. — С. 12, 45. — 72 с. — 10 000 экз. — ISBN 978-985-508-136-5. (руск.)
- Северная Беларусь: Атлас автотуриста / Гл. ред. И. Чумак. — Мн.: Квадрограф, 2010. — С. 5. — 48 с. — 10&000 экз. — ISBN 978-985-6434-56-6. (руск.)