Вікіпедыя

Павел Генадзевіч Часноўскі

беларускі футбаліст і трэнер
(Пасля перасылкі з Павел Часноўскі)
У Вікіпедыі ёсць артыкулы пра іншых людзей з прозвішчам Часноўскі.

Павел Часноўскі (нар. 4 сакавіка 1986, Мінск) — беларускі футбаліст (брамнік) і трэнер. У цяперашні час працуе трэнерам брамнікаў у клубе «Мінск».

Футбол
Павел Часноўскі
Поўнае імя Павел Генадзевіч Часноўскі
Нарадзіўся 4 сакавіка 1986(1986-03-04)[1][2] (38 гадоў)
Грамадзянства  Беларусь
Рост 193 см[3]
Вага 89 кг[3]
Пазіцыя брамнік
Інфармацыя пра клуб
Клуб Беларусь Мінск
Пасада трэнер брамнікаў
Клубная кар’ера[* 1]
2001 Беларусь Змена (Мінск) 12 (-44)
2002—2004 Беларусь БАТЭ (Барысаў) 0 (0)
2005—2007 Беларусь МТЗ-РІПА (Мінск) 0 (0)
2007—2009 Беларусь Віцебск 43 (-45)
2009—2010 Латвія Вэнтспілс 5 (-4)
2010 →  Латвія Транзіт (Вэнтспілс) 3 (-6)
2011 Беларусь БАТЭ (Барысаў) 4 (-2)
2012—2015 Беларусь Тарпеда-БелАЗ (Жодзіна) 81 (-86)
2016 Беларусь Гарадзея 30 (-39)
2017 Беларусь Мінск 29 (-39)
2018—2021 Беларусь Шахцёр (Салігорск) 15 (-12)
Нацыянальная зборная[* 2]
2002 Беларусь Беларусь (да 17) 3 (-8)
2004 Беларусь Беларусь (да 19) 4 (-6)
2005—2009 Беларусь Беларусь (да 21) 29 (-27)
Трэнерская кар’ера
2023 Беларусь Шахцёр (Салігорск) брамнікі
2024— Беларусь Мінск брамнікі
Узнагароды і медалі
Дзяржаўныя і ведамасныя ўзнагароды
  1. ↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 23 студзеня 2024.
  2. ↑ Колькасць гульняў і галоў за нацыянальную зборную ў афіцыйных матчах, адкарэктавана станам на 10 снежня 2017

Клубная кар’ера

правіць

Выхаванец мінскай «Змены», гуляў за дубль барысаўскага БАТЭ і мінскага МТЗ-РІПА, пасля перайшоў у «Віцебск», дзе стаў асноўным брамнікам. У 2009 годзе трапіў у латвійскі «Вэнтспілс», за які гуляў на групавым этапе Лігі Еўропы. Пасля вярнуўся ў Беларусь, стаў другім брамнікам барысаўскага БАТЭ.

У студзені 2012 года падпісаў кантракт з «Тарпеда-БелАЗ», дзе стаў асноўным брамнікам. У ліпені 2013 года атрымаў траўму, з-за якой выбыў да лістапада. У пачатку сезона 2014 асноўным брамнікам жодзінскага клуба быў Васіль Хамутоўскі, але ў жніўні 2014 года Часноўскі вярнуў сваё месца ў старце.

У студзені 2015 года падоўжыў кантракт з «Тарпеда-БелАЗ»[4]. У сезоне 2015 замацаваўся ў якасці асноўнага брамніка жодзінцаў. У студзені 2016 года пакінуў клуб[5].

Неўзабаве пасля зыходу з «Тарпеда-БелАЗ» падпісаў кантракт з дэбютантам беларускай Вышэйшай лігі — клубам «Гарадзея»[6]. У складзе «Гарадзеі» быў асноўным брамнікам, у сезоне 2016 правёў ад пачатку да канца ўсе 30 матчаў чэмпіянату. У студзені 2017 года па заканчэнні кантракта пакінуў «Гарадзею»[7] і неўзабаве стаў іграком «Мінска»[8], дзе таксама стаў першым брамнікам. У снежні 2017 года пакінуў сталічны клуб[9].

У пачтаку 2018 года далучыўся да салігорскага «Шахцёра» і ў лютым падпісаў кантракт[10]. Стаў другім брамнікам каманды пасля Андрэя Клімовіча, у сезоне 2018 згуляў у двух матчах чэмпіянату Беларусі і ў адным кубкавым. У студзені 2019 года падоўжыў кантракт з салігорскім клубам[11]. Са жніўня 2019 года, пасля пераходу Клімовіча ў расійскі «Арэнбург», стаў асноўным брамнікам салігорскай каманды. У кастрычніку 2019 года падоўжыў кантракт да канца 2021 года[12].

У сезоне 2020 быў другім брамнікам пасля Аляксандра Гутара. У 2021 годзе, пасля таго як клуб папоўніў Сяргей Чэрнік, быў выведзены з асноўнага складу, аднак застаўся ў «Шахцёры» ў складзе дубля. Па заканчэнні сезона 2021 завяршыў кар’еру.

Трэнерская кар’ера

правіць

Пасля завяршэння кар’еры стаў працаваць у салігорскім «Шахцёры» трэнерам брамнікаў юнацкіх каманд. У пачатку 2023 года стаў трэнерам брамнікаў у асноўнай камандзе салігарчан. У студзені 2024 года пакінуў «Шахцёр»[13] і хутка ўвайшоў у трэнерскі штаб «Мінска»[14].

У снежні 2023 года атрымаў трэнерскую ліцэнзію катэгорыі B[15].

Міжнародная кар’ера

правіць

Гуляў за моладзевыя зборныя Беларусі розных узростаў, быў асноўным брамнікам на моладзевым чэмпіянаце Еўропы 2009 у Швецыі.

Дасягненні

правіць

Крыніцы

правіць
  1. ↑ Pavel Chesnovskiy // Transfermarkt — 2000. Праверана 9 кастрычніка 2017.
  2. ↑ Pavel Chasnowski // FBref
  3. ↑ а б https://www.teams.by/-/player-191/
  4. ↑ "Торпедо-БелАЗ" продлил соглашения с четырьмя игроками (руск.). football.by (9 студзеня 2015). Праверана 23 студзеня 2024.
  5. ↑ Чесновский покинул «Торпедо-БелАЗ» (руск.). by.tribuna.com.
  6. ↑ Павел Чесновский стал игроком "Городеи" (руск.). football.by (25 студзеня 2016). Праверана 23 студзеня 2024.
  7. ↑ Павел Чесновский покинул "Городею" (руск.). football.by (6 студзеня 2017). Праверана 23 студзеня 2024.
  8. ↑ Павел Чесновский подписал контракт с "Минском" (руск.). football.by (11 студзеня 2017). Праверана 23 студзеня 2024.
  9. ↑ Омельянчук, Чесновский и Трубило покинули «Минск» (руск.). by.tribuna.com (28 снежня 2017). Праверана 23 студзеня 2024.
  10. ↑ "Шахтер" подписал экс-голкипера "Минска" (руск.). football.by (14 лютага 2018). Праверана 23 студзеня 2024.
  11. ↑ Чесновский продлил контракт с "Шахтером" (руск.). football.by (3 студзеня 2019). Праверана 23 студзеня 2024.
  12. ↑ "Шахтер" до конца 2021 года продлил контракт с Чесновским (руск.). football.by (21 кастрычніка 2019). Праверана 23 студзеня 2024.
  13. ↑ "Шахтер" лишился тренера вратарей (руск.). football.by (8 студзеня 2024). Праверана 23 студзеня 2024.
  14. ↑ Игорь Шитов, Павел Чесновский и Андрей Короткевич вошли в тренерский штаб "Минска" (руск.). football.by (9 студзеня 2024). Праверана 23 студзеня 2024.
  15. ↑ Александр Глеб, Владимир Бушма, Павел Рыбак и другие получили тренерскую лицензию "В" (руск.). football.by (14 снежня 2023). Праверана 8 лютага 2024.
Узята з "https://be.wikipedia.org/w/index.php?title=Павел_Генадзевіч_Часноўскі&oldid=4672826"