Партызанскае злучэнне Слуцкай зоны

Партызанскае злучэнне Слуцкай зоны — было створана ў снежні 1942 года паводле ўказання начальніка Цэнтральнага штаба партызанскага руху і ЦК КП(б)Б Панцеляймона Кандратавіча Панамарэнкі Слуцкім міжрайкомам КП(б)Б на базе партызанскай брыгады імя К. Я. Варашылава. Дзейнічала на тэрыторыі Капыльскага, Уздзенскага, Грэскага, Слуцкага і Чырвонаслабодскага раёнаў.

Партызанскае злучэнне Слуцкай зоны
Гады існавання	1942—1943
Краіна	СССР Беларуская ССР
Падпарадкаванне	Беларускі штаб партызанскага руху
Уваходзіць у	Савецкі партызанскі рух у Беларусі
Тып	партызаны
Функцыя	змаганне з акупантамі
Колькасць	больш за 4000 партызан
Дыслакацыя	Капыльскі, Уздзенскі, Грэскі, Слуцкі, Чырвонаслабодскі раёны
Войны	Другая сусветная вайна Вялікая Айчынная вайна
Удзел у	Вялікая Айчынная вайна
Камандзіры
Вядомыя камандзіры	Піліп Піліпавіч Капуста (снежань 1942 — май 1943); Мікалай Анісімавіч Шастапалаў (май — жнівень 1943)

У жніўні 1943 года злучэнне было расфарміравана, больш за 700 партызан было перададзена для фарміравання Беластоцкага партызанскага злучэння, асноўныя сілы ўліліся ў Мінскае партызанскае злучэнне.

Склад

У злучэнне ўваходзілі:

• 27-я партызанская брыгада імя В. І. Чапаева;
• 225-я партызанская брыгада імя А. В. Суворава;
• 300-я партызанская брыгада імя К. Я. Варашылава.

Налічвала больш за 4 000 партызан.

Камандаванне

Камандзіры:

• Піліп Піліпавіч Капуста (снежань 1942 — май 1943);
• Мікалай Анісімавіч Шастапалаў (май — жнівень 1943),

начальнік штаба: П. З. Ігнашчанка.

Літаратура

• Беларусь у Вялікай Айчыннай вайне, 1941—1945: Энцыкл. / Рэдкал.: І. П. Шамякін (гал. рэд.) і інш. — Мн.: БелСЭ, 1990. — 680 с. — 20 000 экз. — ISBN 5-85700-012-2.