Руховічы

Рухо́вічы (трансліт.: Ruchovičy, руск.: Руховичи) — вёска ў Кобрынскім раёне Брэсцкай вобласці. Уваходзіць у склад Дзівінскага сельсавета. Размешчана за 14 км на паўднёвы ўсход ад горада і чыгуначнай станцыі Кобрын, 59 км ад Брэста. На аўтадарозе Кобрын — Дзівін. 80 гаспадарак, 198 жыхароў (2005).

Вёска Руховічы Краіна Беларусь Вобласць Брэсцкая Раён Кобрынскі Сельсавет Дзівінскі Каардынаты 52°05′27″ пн. ш. 24°26′33″ у. д. Першая згадка 1563 Колькасць двароў 80 Насельніцтва 198 чалавек (2005) Часавы пояс UTC+3 Тэлефонны код +375 1642 Паштовы індэкс 225875 Аўтамабільны код 1 Руховічы на карце Беларусі ±

Гісторыя

У 1563 годзе Руховічы — сяло ў Кобрынскай эканоміі ВКЛ, 11 валок зямлі.

У 1597 годзе сяло Сялецкага войтаўства той жа эканоміі.

У 1747 годзе Руховічы — маёнтак у Кобрынскім ключы аднайменнай эканоміі, межаваў з маёнткам Луцкага езуіцкага калегіума Балоты.

Пасля 3-га падзелу Рэчы Паспалітай (1795) у складзе Расійскай імперыі, у Кобрынскім павеце, з 1801 года ў Гродзенскай губерні. Вёска Руховічы пазначана на карце 1886 года.

У 1897 годзе вёска ў Блоцкай (Балоцкай) воласці, 59 двароў, 395 жыхароў, 1649 дзесяцін зямлі (на 1890), працаваў хлебазапасны магазін.

У 1905 годзе — 512 жыхароў.

У 1911 годзе — 446 жыхароў.

З 1921 года ў складзе міжваеннай Польшчы, у Блоцкай (Балоцкай) гміне Кобрынскага павета Палескага ваяводства, у вёсцы налічвалася 77 дамоў, 398 жыхароў. У 1930-я гады мелася школа.

У 1939 годзе далучана да Беларускай ССР. З 15 студзеня 1940 года ў Дзівінскім раёне Брэсцкай вобласці. З 12 кастрычніка 1940 да 30 кастрычніка 1959 года ў Хабовіцкім сельсавеце.

У 1940 годзе вёска, 106 двароў, 452 жыхары, дзейнічала пачатковая школа.

У Вялікую Айчынную вайну акупавана нямецка-фашысцкімі захопнікамі з чэрвеня 1941 года да ліпеня 1944 года.

У 1950 годзе 35 гаспадарак аб’ядналіся ў калгас імя Жданава (старшыня Ю. Лазарчук).

З 8 жніўня 1959 года ў Кобрынскім раёне.

Паводле перапісу 1959 года Руховічы налічвалі 314 жыхароў, у 1970 годзе — 451 жыхар (на тэрыторыі Кісялёвіцкага сельсавета).

У 1973 годзе вёска перададзена з Кіселявецкага сельсавета ў склад Дзівінскага сельсавета.

У 1999 годзе ў вёсцы налічвалася 96 гаспадарак, 225 жыхароў, у складзе калгаса імя Кутузава (з 2004 года СВК «Кутузаўскі»; цэнтр — вёска Хабовічы).

Інфраструктура

Працуюць крама, клуб.

Вядомыя выхадцы

У Руховічах нарадзіўся і жыў мясцовы паэт Васіль Лазарчук (02.03.1912 — 05.07.1996).

Літаратура

• Памяць: Гісторыка-дакументальная хроніка Кобрынскага раёна // рэд. Г. П. Пашкоў. — Мн.: БЕЛТА, 2002. — 624 с. ISBN 985-6302-44-7

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх
• Руховічы на карце Дзівінскага сельсавета