Сверзна
Све́рзна[1] — возера ў Беларусі, ва Ушацкім раёне Віцебскай вобласці. Знаходзіцца за 23 км на паўднёвы захад ад гарадскога пасёлка Ушачы, за 1,5 км на паўднёвы захад ад вёскі Навасёлкі на мяжы з Лепельскім раёнам, у басейне ракі Ушача.
| Сверзна | |
|---|---|
| Сверзна | |
| Морфаметрыя | |
| Вышыня над узроўнем мора | 154,7 м |
| Даўжыня | 1,7 км |
| Шырыня | 0,35 км |
| Плошча | 0,38 км² |
| Аб’ём | 0,00144 км³ |
| Даўжыня берагавой лініі | 4,48 км |
| Найбольшая глыбіня | 10,1 м |
| Сярэдняя глыбіня | 3,1 м |
| Гідралогія | |
| Салёнасць | да 0,25 ‰ |
| Празрыстасць | 2,6 м |
| Басейн | |
| Плошча вадазбору | 10 км² |
| Размяшчэнне | |
| Краіна |
 Беларусь |
  Сверзна |
|
|
|
|
 Сверзна |
|
 |
|
Плошча Сверзны складае 0,38 км². Найбольшая глыбіня 10,1 м, сярэдняя 3,1 м. Даўжыня возера 1,7 км, найбольшая шырыня — 0,35 км. Даўжыня берагавой лініі — 4,48 км. Аб’ём вады ў возеры складае 1,44 млн м³, плошча вадазбору возера — 10 км².
Катлавіна возера лагчыннага тыпу, выцягнутая з поўначы на поўдзень. Схілы катлавіны маюць вышыню 2—9 м, спадзістыя, пад лесам. На поўдні і паўднёвым усходзе вышыня схілаў складае 10—12 м. Берагавая лінія звілістая, утварае залівы. Берагі возера нізкія, вышынёй да 0,2 м, пясчаныя, пад хмызняком. Месцамі берагі павышаюцца да 0,5 м. На паўднёвым усходзе берагі зліваюцца з схіламі. У паўночнай і паўночна-заходняй частцы возера тарфяністая пойма вышынёй да 25 метраў. Літаральная і сублітаральная зоны стромкія. Дно возера да глыбіні 2 м пясчанае, глыбей выслана (да 3—3,5 м) апясчаненымі адкладамі і крэменязёмістым сапрапелем. Найбольшыя глыбіні знаходзяцца ў паўночнай частцы возера.
Возера эўтрофнае, слабапраточнае. Упадаюць ручаі, на паўночным захадзе злучана пратокай з ракой Ушача. Зарастае надводнай расліннасцю да глыбіні 1,5 м, шырыня паласы зарастання складае 15 м. Гарлачыкі і рдзесты пашыраны да глыбіні 3 м.
У возеры водзяцца шчупак, акунь, лешч, гусцяра, плотка, краснапёрка, лінь, карп і іншыя рыбы.
Зноскі
Літаратура правіць
- Блакітная кніга Беларусі : Энцыклапедыя / рэдкал.: Н. А. Дзісько і інш. — Мн.: БелЭн, 1994. — 415 с. — 10 000 экз. — ISBN 5-85700-133-1.
- Уласаў Б. П. Сверзна // Энцыклапедыя прыроды Беларусі. У 5-і т. Т. 4. Недалька — Стаўраліт / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1985. — 599 с., іл. — 10 000 экз.
- Сверзна // Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн. : БелЭн, 2002. — Т. 14. — С. 251. — 10 000 экз. — ISBN 985-11-0035-8. — ISBN 985-11-0238-5 (т. 14).
- Республика Беларусь. Атлас охотника и рыболова: Витебская область / Редактор Г. Г. Науменко. — Мн.: РУП «Белкартография», 2010. — С. 28. — 72 с. — 10 000 экз. — ISBN 978-985-508-136-5. (руск.)