Сен-Жон Перс

Сен-Жон Перс (фр.: Saint-John Perse; 31 мая 1887, Пуэнт-а-Пітр, Гвадэлупа — 20 верасня 1975, Праванс) — літаратурны псеўданім французскага паэта і дыпламата Алексіса Лежэ (або Сен-Лежэ) (фр.: Alexis Leger, фр.: Alexis Saint-Leger Leger), лаўрэата Нобелеўскай прэміі па літаратуры (1960).

Сен-Жон Перс
фр.: Saint-John Perse
Permanent secretary of the French Foreign Affairs Ministry[d] 1933 — 1940
Папярэднік	Philippe Berthelot[d]
Пераемнік	François Charles-Roux[d]
Нараджэнне	31 мая 1887(1887-05-31)[…] Пуэнт-а-Пітр[d], Гвадэлупа, Францыя
Смерць	20 верасня 1975(1975-09-20)[…] (88 гадоў) Ер[d], дэпартамент Вар, рэгіён Праванс — Альпы — Лазурны Бераг, Метраполія Францыі, Францыя
Месца пахавання	cemetery of Giens[d]
Імя пры нараджэнні	фр.: Marie René Auguste Alexis Léger
Маці	Renée Dormoy-Léger[d]
Жонка	Dorothy Russel[d]
Член у	Амерыканская акадэмія мастацтваў і навук Баварская акадэмія прыгожых мастацтваў[d]
Адукацыя	Універсітэт Бардо Lycée Louis-Barthou[d]
Месца працы	Гарвардскі ўніверсітэт
Аўтограф
Узнагароды	Grand prix national des Lettres[d] (1959)
Медыяфайлы на Вікісховішчы

Біяграфія

Нарадзіўся ў Французскай Гвадэлупе ў сям’і адваката Амаду Сен-Лежэ, якая пражываў на астравах яшчэ з 1815 года. У 1875 яны вярнуліся ў Францыю.

З 1911 Алексіс пачаў працаваць у міністэрстве замежных спраў. У 1916—1921 — сакратар французскага пасольства ў Пекіне. У 1921 Лежэ удзельнічаў у Вашынгтонскай канферэнцыі, дзе на таленавітага дыпламата звярнуў увагу кіраўнік французскай дэлегацыі Арыстыд Брыян, прызначыў яго сваім памочнікам. У Парыжы Лежэ круціўся ў літаратурных колах Андрэ Жыда і Поля Валеры.

У 1924 Лежэ ўпершыню выкарыстаў літаратурны псеўданім «Сен-Жон Перс», складзены з імёнаў апостала Іаана і рымскага паэта I стагоддзя Персія. У 1933—1940 займаў пост генеральнага сакратара французскага МЗС. Удзельнічаў у Мюнхенскай канферэнцыі, дзе выказваўся супраць саступак Германіі. У 1940 звольнены са сваёй пасады і эміграваў у ЗША.

Урад Вішы пазбавіў яго французскага грамадзянства. У Злучаных штатах Лежэ працаваў у бібліятэцы Кангрэсу, і застаўся ў Амерыцы нават пасля завяршэння Другой сусветнай вайны, перыядычна вяртаючыся на кароткі час на радзіму. Памёр на сваёй віле ў Правансе.

На беларускую мову асобныя творы Перса пераклалі Андрэй Хадановіч (у зб. «Разам з пылам»), Любоў Філімонава.

Літаратура

• Сен-Жон Перс // Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн. : БелЭн, 2002. — Т. 14. — С. 328. — 10 000 экз. — ISBN 985-11-0035-8. — ISBN 985-11-0238-5 (т. 14).