Таварыства мастакоў-станкавістаў
Тавары́ства мастако́ў-станкаві́стаў[1], Таварыства станкавістаў (руск.: ОСТ, Общество станковистов, Общество художников-станковистов) — мастацкая групоўка, якая існавала ў Маскве ў 1925—1931 гадах.
| Таварыства мастакоў-станкавістаў | |
|---|---|
| Краіна | |
| Адміністрацыйны цэнтр | |
| Тып арганізацыі | асацыяцыя[d] |
| Заснаванне | |
| Дата заснавання | 1925 |
| Ліквідацыя | |
| Дата скасавання | 1931 |
.svg){kind=small}
Ядро таварыства склалася ў 1923—1924 гадах з выпускнікоў Вышэйшых мастацка-тэхнічных майстэрняў, галоўным чынам вучняў Д. П. Штэрэнберга і У. А. Фаворскага і моладзі, якая супрацоўнічала з Музеем жывапіснай культуры[2]. Арганізавана таварыства ў 1925 годзе, а яго статут зацверджаны ў 1929[3] годзе. Сярод членаў-заснавальніка былі Д. П. Штэйнберг (старшыня праўлення[2]), П. У. Вільямс, А. А. Дайнека, А. А. Лабас, Ю. І. Піменаў, К. А. Вялаў, Ю. А. Мяркулаў, Ю. П. Аненкаў і іншыя.
Таварыства дэкларавала прыхільнасць да «абсалютнага майстэрства ў галіне прадметнага станковага жывапісу, малюнка, скульптуры», адмову ад «адцягненасці і перасоўніцтва ў сюжэце», беспрадметнасці і канструктывізму, ставіла за мэту адлюстраванне ў творах тыповыя з’явы савецкай рэчаіснасці. Творы членаў таварыства прысвечаны пераважна індустрыялізацыі, жыццю савецкага горада, спорту, паветраплаванню і авіяцыі. Ім уласцівы лаканічнасць формы, дынаміка кампазіцыі, графічная дакладнасць малюнка.
Таварыства мастакоў-станкавістаў арганізавала 4 выстаўкі ў Маскве (1925, 1926, 1927, 1928), у якіх акрамя заснавальнікаў прымалі ўдзел Б. І. Волкаў, А. Д. Ганчароў, А. Р. Тышлер, М. М. Купрэянаў, С. А. Лучышкін, І. В. Клюн і іншыя мастакі. Таксама члены таварыства прымалі ўдзел у выставах «10 гадоў кастрычніка» (1927), «10 гадоў Рабоча-Сялянскай Чырвонай Арміі» (1928), «Жыццё і побыт дзяцей Савецкага Саюза» (1929)[2], Выстаўцы набыткаў Дзяржаўнай камісіі па набытках твораў выяўленчых мастацтваў за 1927—1928 (1928. Масква), Выстаўцы мастацкіх твораў да дзесяцігадовага юбілею Кастрычніцкай рэвалюцыі (1928, Масква)[4] і ў выставах савецкага мастацтва за мяжой (у гарадах Германіі, 1926—1928; у Нью-Ёрку і Вінтэртуры, абедзве 1929), выстаўцы «Графіка і кніжнае мастацтва ў СССР» (1929, Амстэрдам); XVII Міжнароднай выстаўцы мастацтваў (1930, Венецыя)[4].
У 1928 годзе намеціўся канфлікт двух груп мастакоў, якія рэзка разышліся ў разуменні стылю і зместу сучаснага мастацтва[4]. У 1928—1931 гадах размежаванне дзвюх груп унутры таварыства ўзмацнялася, яно канчаткова страціла адзіную платформу[4]. Апошнім агульным мерапрыемствам членаў Таварыства мастакоў-станкавістаў і «Изобригады» стала «Антыімперыялістычнага выстаўка, прысвечаная Міжнароднаму Чырвонаму дню», якая адбылася ў жніўні 1931 года ў Маскве[4][2]. Канчаткова Таварыства мастакоў-станкавістаў ліквідавана ў 1932 годзе[2].
Вядучыя мастакі Таварыства станкавістаў адыгралі пэўную ролю ў развіцці станковага і манументальнага жывапісу, кніжнай графікі, плаката, сцэнаграфіі.
Зноскі правіць
- ↑ БелЭн 2002.
- ↑ а б в г д Большая российская энциклопедия : [в 35 т.] / гл. ред. Ю. С. Осипов. — М. : Большая Российская энциклопедия, 2004—2017.
- ↑ ВСЭ 1974.
- ↑ а б в г д Михиенко Т. Н. ОСт (Общество станковистов) // Энциклопедия русского авангарда (руск.)
Літаратура правіць
- Тавары́ства мастако́ў-станкаві́стаў (ОСТ, Общество станковистов) // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 373. — 10 000 экз. — ISBN 985-11-0035-8. — ISBN 985-11-0251-2 (т. 15).
- Костин В. И. ОСТ (Общество станковистов) — Л., 1976. (руск.)
- О́бщество худо́жников-станкови́стов; ОСТ // Т. 18. Никко — Отолиты. — М. : Советская энциклопедия, 1974. — С. 250, 579. — (Большая советская энциклопедия : [в 30 т.] / гл. ред. А. М. Прохоров; 1969—1978). (руск.)
- О́бщество худо́жников-станкови́стов; ОСТ // Популярная художественная энциклопедия. Архитектура. Живопись. Скульптура. Графика. Декоративное искусство. В 2 т. / Под ред. Полевого В. М. Ред. кол.: В. Ф. Маркузон, Д. В. Сарабьянов, В. Д. Синюков (зам. гл. ред.) — М.: Издательство «Советская энциклопедия», 1986. — Книга II. М—Я, 1986. — С. 72, 88. — 432 с, ил., 32 л. ил. — 200 000 экз. (руск.)
- Лучишкин C. Общество станковистов // Творчество, 1966, № 1. (руск.)