Трумэн Капотэ

Трумэн Гарсія Капотэ (англ.: Truman Garcia Capote, імя пры нараджэнні — Трумэн Стрэкфус Персанс, англ.: Truman Streckfus Persons; 30 верасня 1924, Новы Арлеан — 25 жніўня 1984, Лос-Анджэлес, ЗША) — амерыканскі раманіст, драматург тэатра і кіно, акцёр; многія яго апавяданні, раманы, п’есы і дакументальныя творы прызнаны літаратурнай класікай, уключаючы аповесць «Сняданне ў Тыфані» (1958).

Трумэн Капотэ
англ.: Truman Capote
Асабістыя звесткі
Імя пры нараджэнні	англ.: Truman Streckfus Persons
Дата нараджэння	30 верасня 1924(1924-09-30)[…]
Месца нараджэння	Новы Арлеан, Арлеан, Луізіяна, ЗША
Дата смерці	25 жніўня 1984(1984-08-25)[…] (59 гадоў)
Месца смерці	Лос-Анджэлес, ЗША
Пахаванне	Вествудскія могілкі[d]
Грамадзянства	ЗША
Альма-матар	Greenwich High School[d] Школа Дуэйта[d]
Прафесійная дзейнасць
Род дзейнасці	сцэнарыст, раманіст, пісьменнік, драматург, аўтабіёграф, акцёр, журналіст
Гады творчасці	1943 — 1982
Жанр	Паўднёвая готыка
Мова твораў	англійская
Грамадская дзейнасць
Член у	Амерыканская акадэмія мастацтваў і літаратуры[d] Баварская акадэмія прыгожых мастацтваў[d]
Прэміі	прэмія О. Генры[d] (1948)
Подпіс
Медыяфайлы на Вікісховішчы
Цытаты ў Вікіцытатніку

Дэбютаваў раманам «Іншыя галасы, іншыя пакоі» (1948). Адзінота і чалавек, мара і рэальнасць амерыканскага жыцця, злачыннасць грамадства — асноўныя тэмы яго твораў (зборнік апавяданняў «Дрэва ночы», 1949; аповесці «Лугавая арфа», 1953; «Сняданне ў Тыфані», 1958; «Самаробныя дамавінкі», 1980; дакументальны раман «Звычайнае забойства», 1965). Аўтар аўтабіяграфічных апавяданняў (зборнік «Музыка для хамелеонаў», 1980), эсэ, нарысаў, дарожных нататак. У творах выкарыстоўваў гатычныя матывы, гратэск і фантасмагорыю, яны адметныя лірызмам, высокім стылістычным майстэрствам і камерным псіхалагізмам.

Літаратура

• Беларуская энцыклапедыя: У 18 т. Т. 8: Канто — Кулі / Рэдкал.: Г. П. Пашкоў і інш. — Мн. : БелЭн, 1999. — Т. 8. — 576 с. — 10 000 экз. — ISBN 985-11-0035-8. — ISBN 985-11-0144-3 (т. 8).