Уладзімір Васілевіч Булгакаў

Уладзімір Васілевіч Булгакаў (16 ліпеня 1937, Масква — 24 жніўня 2015) — беларускі дызайнер, мадэльер.

Уладзімір Васілевіч Булгакаў
Дата нараджэння	16 ліпеня 1937(1937-07-16)
Месца нараджэння	Масква, РСФСР, СССР
Дата смерці	24 жніўня 2015(2015-08-24) (78 гадоў)
Месца смерці	Мінск, Беларусь
Грамадзянства	СССР  Беларусь
Род дзейнасці	мадэльер-дызайнер
Месца працы	Белбыттэхпраект
Вучоба	Маскоўскі тэкстыльны інстытут[d] (1966)
Член у	Беларускі саюз дызайнераў
Узнагароды

Біяграфія

Нарадзіўся ў Маскве. У 1966 годзе скончыў Маскоўскі тэкстыльны інстытут. Вучыўся ў Р. І. Захаржэўскай, В. В. Пачыталава, А. І. Чарамных. З 1987 года член Беларускага саюза дызайнераў. З 1972 па 1995 гады галоўны мастацкі кіраўнік Беларускага цэнтра моды. З 1995 галоўны дызайнер інстытута «Белбыттэхпраект».

Творчасць

З 1967 года прымаў удзел у выстаўках, фестывалях, конкурсах у Расіі (Масква, 1967, 1969, 1973, 1977, 1978 — срэбраны медаль ВДНГ СССР), Балгарыі (Плоўдзіў, 1968), Японіі (Осака, 1970), Югаславіі (Заграб, 1972), Фінляндыі (Хельсінкі, 1972), Германіі (Дзюсельдорф, 1974, Лейпцыг, 1977), Індыі (Дэлі, 1976), Беларусі (Мінск, 1978, 1988), Францыі (Парыж, Леон, 1980), Канадзе (Манрэаль, 1980), Эстоніі (Талін, 1988, 1989 — першыя прэміі міжнароднага конкурса «Талінскія дні моды»). Ствараў калекцыі для Беларускага цэнтра моды, сцэнічныя касцюмы ансамбляў «Сябры», «Песняры», форму для ўдзельнікаў Алімпійскіх гульняў у Японіі «Нагана-98».

Узнагароды

• Ордэн Дружбы народаў
• Ганаровая грамата Вярхоўнага Савета БССР