Уладзімір Сяргеевіч Каравай
Уладзі́мір Сярге́евіч Карава́й (нар. 10 мая 1936, в. Міцкевічы, Вілейскі павет, Віленскае ваяводства, Польская Рэспубліка) — беларускі правазнавец і палітык. Міністр юстыцыі БССР (1986—1988). Член Савета Рэспублікі Нацыянальнага сходу Рэспублікі Беларусь першага склікання (1997—2000). Заслужаны юрыст Рэспублікі Беларусь.
| Уладзімір Сяргеевіч Каравай | |||||||
|---|---|---|---|---|---|---|---|
|
|||||||
| Кіраўнік урада | Уладзімір Бровікаў Міхаіл Кавалёў |
||||||
| Папярэднік | Аляксандр Здановіч | ||||||
| Пераемнік | Валянцін Сукала | ||||||
| Нараджэнне |
10 мая 1936 (87 гадоў) |
||||||
| Партыя | |||||||
| Адукацыя | |||||||
| Дзейнасць | правазнавец | ||||||
| Узнагароды |
  |
||||||
.svg){kind=small}
Біяграфія правіць
Нарадзіўся 10 мая 1936 года ў в. Міцкевічы Вілейскага павета Віленскага ваяводства (цяпер — Смаргонскі раён Гродзенскай вобласці)[1].
Працоўную дзейнасць пачаў у 1954 годзе інструктарам Смаргонскага раённага камітэта ЛКСМБ. У 1955—1959 гадах служыў у Ваенна-марскім флоце. Пасля звальнення ў запас паступіў на юрыдычны факультэт Беларускага дзяржаўнага ўніверсітэта.
Пасля заканчэння ўніверсітэта ў 1964 годзе абраны народным суддзёй народнага суда Гомельскага раёна, у 1965 годзе — народным суддзёй народнага суда Веткаўскага раёна, у 1965 годзе — членам Гомельскага абласнога суда.
Са жніўня 1969 года па 1973 год працаваў інструктарам Гомельскага абкама КПБ. З сакавіка 1973 года па сакавік 1978 года працаваў намеснікам старшыні Гомельскага абласнога суда па крымінальных справах. З сакавіка 1978 года — старшыня Гомельскага абласнога суда.
Працаваў дэпутатам Гомельскага абласнога Савета народных дэпутатаў, членам рэвізійнай камісіі і прапагандыстам Гомельскага абкама КПБ, членам бюро першаснай партыйнай арганізацыі, выкладчыкам Універсітэта марксізму-ленінізму пры Гомельскім абкаме КПБ.
25 снежня 1986 года прызначаны Міністрам юстыцыі БССР[2]. 19 лістапада 1988 года абраны Старшынёй Вярхоўнага Суда БССР, знаходзіўся на гэтай пасадзе да сыходу ў адстаўку 4 студзеня 1997 года[3].
З 10 студзеня 1997 года[4] па 2000 год — член Савета Рэспублікі Нацыянальнага сходу Рэспублікі Беларусь першага склікання (па прэзідэнцкай квоце). З’яўляўся старшынёй Пастаяннай камісіі Савета Рэспублікі па заканадаўстве і дзяржаўным будаўніцтве.
Узнагароды правіць
Зноскі
- ↑ Министры. Министерство юстиции Республики Беларусь Архівавана 11 снежня 2021.
- ↑ Указ Прэзідыума Вярхоўнага Савета БССР ад 25 снежня 1986 года
- ↑ Указ Прэзідэнта Рэспублікі Беларусь ад 4 студзеня 1997 года
- ↑ Указ Президента Республики Беларусь от 10 января 1997 года № 25 «О назначении Н. И. Дементея, Т. Н. Дудко, Н. Н. Еременко, В. С. Каравая членами Совета Республики Беларусь Национального собрания Республики Беларусь»
- ↑ Указ Прэзідыума Вярхоўнага Савета БССР ад 8 мая 1986 года
- ↑ Указ Прэзідэнта Рэспублікі Беларусь ад 9 снежня 1996 года
Літаратура правіць
- Парламент — Нацыянальны сход Рэспублікі Беларусь. — Мн., 1997.
- Каравай Уладзімір Сяргеевіч // Беларусь: энцыклапедычны даведнік / Рэдкал. Б. І. Сачанка (гал. рэд.) і інш.; Маст. М. В. Драко, А. М. Хількевіч. — Мн.: БелЭн, 1995. — С. 371. — 800 с. — 5 000 экз. — ISBN 985-11-0026-9.
Спасылкі правіць
- Каравай Уладзімір Сяргеевіч на сайце анлайн-энцыклапедыі «Беларусь у асобах і падзеях»