Усевалад Міхайлавіч Сікорскі

Усевалад Міхайлавіч Сікорскі (10 кастрычніка 1923, вёска Хутар, Чэрвеньскі раён — 22 снежня 1981) — беларускі савецкі гісторык і грамадскі дзеяч. Член-карэспандэнт Акадэміі навук БССР (1972), доктар філасофскіх навук (1967), прафесар (1967). Заслужаны дзеяч навукі БССР (1971). Падчас Вялікай Айчыннай вайны ў 1943—1944 гадах — камісар партызанскага злучэння. Рэктар Беларускага дзяржаўнага ўніверсітэта ў перыяд з 1972 па 1978 год.

Усевалад Міхайлавіч Сікорскі
Дата нараджэння	10 кастрычніка 1923(1923-10-10)
Месца нараджэння	Хутар, Хутарскі сельсавет, Чэрвеньскі раён, Беларусь
Дата смерці	22 снежня 1981(1981-12-22) (58 гадоў)
Месца пахавання	Усходнія могілкі
Грамадзянства	БССР
Род дзейнасці	навуковец
Навуковая сфера	гісторыя
Месца працы	Беларускі дзяржаўны музей гісторыі Вялікай Айчыннай вайны Звязда Праўда БДУ
Навуковая ступень	доктар філасофскіх навук (1967)
Навуковае званне	прафесар член-карэспандэнт АН БССР
Альма-матар	Рэспубліканская партыйная школа пры ЦК КП(б)Б (1948) БДУ (1949)
Узнагароды

Біяграфія

Нарадзіўся 10 кастрычніка 1923 года ў вёсцы Хутар Чэрвеньскага раёна ў сям’і Міхаіла Іванавіча (нар. 1893) і Яўгеніі Канстаўцінаўны Сікорскіх. Бацька працаваў дырэктарам Хутарской ПСШ. Ён быў арыштаваны 18 верасня 1937 і асуджаны 19 лістапада 1937 «тройкай» за антысавецкую дзейнасць.

Усевалад Сікорскі з 1944 г. быў супрацоўнікам Беларускага дзяржаўнага музея гісторыі Вялікай Айчыннай вайны. Скончыў Рэспубліканскую партшколу ў 1948 г., Беларускі дзяржаўны ўніверсітэт (БДУ) у 1949 годзе. Працаваў у газеце «Звязда», карэспандэнтам газеты «Праўда» ў БССР. У 1953—1972 гадах выкладчык, дацэнт, прафесар, загадчык кафедры гісторыі КПСС у БДУ. З 1972 па 1978 год рэктар БДУ. У 1978—1981 гадах загадчык кафедры гісторыі КПСС. Дэпутат Вярхоўнага Савета БССР з 1975 па 1980 год.

Навуковая дзейнасць

Аўтар больш за 190 навуковых прац. У. М. Сікорскаму належаць працы па праблемах міжнароднага камуністычнага руху, гісторыі КПСС. З’яўляецца адным з аўтарам «Курса лекцый па гісторыі КПСС» (ч. 1—2, 1971).
Сярод твораў У. М. Сікорскага:

• Мировой революционный процесс и современный социал-реформизм (1965);
• КПСС на этапе развитого социализма (1975);
• Партия класса, партия народа (1980)

і іншыя.

Узнагароды

У. М. Сікорскі ўзнагароджаны ордэнам Айчыннай вайны I ступені (1949), Працоўнага Чырвонага Сцяга (1967, 1976), медалямі.

Сям’я

У шлюбе з Надзеяй Паўлаўнай Сікорскай меў дачу Святлану Сікорскую, якая працуе касметолагам у Расіі.

Літаратура

• Коршук У. К. Сікорскі Усевалад Міхайлавіч // Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн. : БелЭн, 2002. — Т. 14. — С. 374. — 10 000 экз. — ISBN 985-11-0035-8. — ISBN 985-11-0238-5 (т. 14).

Спасылкі

• Сікорскі Усевалад Міхайлавіч, доктар філасофскіх навук на сайце анлайн-энцыклапедыі «Беларусь у асобах і падзеях»
• Усевалад Міхайлавіч Сікорскі // Сайт БДУ
• Усевалад Міхайлавіч Сікорскі ў базе даных «История белорусской науки в лицах» Цэнтральнай навуковай бібліятэкі імя Якуба Коласа НАН Беларусі (руск.)