Усевалад Мікалаевіч Сцебурака
Усевалад Мікалаевіч Сцебурака (нар. 17 ліпеня 1981, Жлобін) — беларускі паэт, шоумен. Лаўрэат прэміі «Залаты апостраф» (2004) за лепшы дэбют.
| Усевалад Мікалаевіч Сцебурака | |
|---|---|
| Асабістыя звесткі | |
| Дата нараджэння | 17 ліпеня 1981 (42 гады) ці 1981 |
| Месца нараджэння | |
| Альма-матар | |
| Месца працы | |
| Прафесійная дзейнасць | |
| Род дзейнасці | паэт, празаік, шоўмен, тэлевядучы, пісьменнік, гісторык, выкладчык універсітэта |
| Мова твораў | беларуская |
| Грамадская дзейнасць | |
| Член у | |
| Прэміі | |
Біяграфія і адукацыя Правіць
Артыкулу нестае спасылак на крыніцы. |
Нарадзіўся ў сям’і дактароў Мікалая і Інэсы Сцебуракаў. Малодшы брат — Анатоль Сцебурака — беларускі гісторык, дацэнт БДУ.
У 1980-я гады сям’я Сцебуракаў жыла ў Амговічах Слуцкага раёна Мінскай вобласці і ў Жлобіне Гомельскай вобласці. У 1990 годзе сям’я пераехала ў Вілейку, дзе Усевалад атрымаў сярэднюю адукацыю ў гарадской гімназіі. Скончыў гістарычны факультэт БДПУ імя М. Танка ў 2003 годзе, аспірантуру па спецыяльнасці «Гісторыя Беларусі» БДТУ ў 2006 годзе. З 1998 года жыве ў Мінску. Жонка — Вера Сцебурака.
Праца Правіць
Артыкулу нестае спасылак на крыніцы. |
Працаваў на пасадзе навуковага супрацоўніка ў Дзяржаўным музеі тэатральнай і музычнай культуры Рэспублікі Беларусь. У 2003—2010 гадах выкладаў гістарычныя дысцыпліны ў БДТУ і БДПУ. З 2012 года працаваў у ГА «Саюз беларускіх пісьменнікаў» (ГА СБП). У 2012—2017 гадах на пасадзе памочніка старшыні, у 2017—2021 — намеснік старшыні ГА СБП[1].
Разам з кліпмейкерам Мацеем Сабуравым, бардам Яўгенам Барышнікавым, акцёрам Дзмітрыем Есяневічам, паэтам Віталём Рыжковым браў удзел у сатырычным праекце — «Хай так ТВ», што стаў пілотнай айчыннай версіяй папулярнага фармату Late night show. Праект быў заўважнай з’явай свайго часу.
Як шоумен вёў шматлікія культурныя мерапрыемствы, сярод якіх беларускія літаратурныя прэміі: «Дэбют» імя Максіма Багдановіча, «Лепшая паэтычная кніга года» імя Наталлі Арсенневай, «Вершы на асфальце» імя Міхася Стральцова, прэзентацыі культурніцкай кампаніі Будзьма беларусамі і іншых, а таксама як маршалак вёў іншыя святы беларускай грамады[2]. Разам з Народнай артысткай Рэспублікі Беларусь Зінаідай Бандарэнка вёў урачыстую частку вялікага святочнага канцэрту «БНР-100» у Мінску 25 сакавіка 2018 года[3].
Уваходзіў у Раду ГА СБП і Вялікую Раду Згуртавання беларусаў свету «Бацькаўшчына».
Творчасць Правіць
Пачаў друкавацца ў 1999 годзе на старонках «Нашай Нівы». Паэзія і проза з’яўлялася ў газетах і альманахах: «Рэгіянальнай газеце», «Родзічах», «ЛіМ», «Літаратурная Беларусь», часопісах «Куфэрак Віленшчыны», «Дзеяслоў», ARCHE, у перакладзе на польскую мову ў часопісе «Pobocza», проза перакладалася на ўкраінскую мову[4].
Лаўрэат прэміі «Залаты апостраф» часопіса «Дзеяслоў» у намінацыі «Лепшы дэбют» (2004). Прызёр Астравецкага паэтычнага слэму (2012)[5]. Удзельнік шматлікіх літаратурных фестываляў: «Бязмежжа» (Польшча), паэтычнага фестывалю памяці імя Міхася Стральцова, памяці Анатоля Сыса, памяці Ніны Мацяш «Бабіна лета» (Беларусь) і інш. Браў удзел у папулярных паэтычных праектах: «Начная чытанка», «Галасы паэтаў», «Чорна-белыя вершы»[6].
Першая кніга вершаў і малой прозы «Крушня»[7] выйшла ў бібліятэчцы часопіса «Дзеяслоў», другая — «Бег па самаадчуванні»[8] ў выдавецкай серыі «Кнігарня пісьменніка». Трэцяя кніга вершаў «Сны дарог» (Мінск, 2017 г.).
У 2022 г. выйшла кніга сямейнай гісторыі «Сцебуракаў лёс» (у суаўтарстве з Анатолем Сцебуракам).
Шэраг вершаў паэта сталі песнямі беларускіх музыкаў — мінскага гурта «S°unduk» (Сундук)[9], магілёўскага гурта «Zatoczka»[10].
Песні на словы У. Сцебуракі ёсць у рэпертуары барда Змітра Бартосіка: «Лістапад», «Рэха 1863-га года», «Дзяды».
Бібліяграфія Правіць
- «Крушня» (2007);
- «Бег па самаадчуванні» (2013)
- «Сны дарог» (2017)
- «Сцебуракаў лёс» (2022)
Зноскі
- ↑ Структура ГА «СБП» Архівавана 22 сакавіка 2019.
- ↑ Таццяна Гусева. 5 парадаў вясельнага маршалка // Салідарнасць
- ↑ Стала вядома, хто будзе вядучымі на Дзень Волі // Наша Ніва
- ↑ Як риба об лід. Антологія учасного білоруського оповідання. Київ, 2015.
- ↑ Астравецкі паэтычны слэм
- ↑ Чорна-белыя вершы. Усевалад Сцебурака
- ↑ Крушня на kamunikat.org
- ↑ Абранец лёсу, або «Бег па самаадчуванні» Усевалада Сцебуракі Архівавана 6 мая 2018.
- ↑ Сёння ня мой дзень
- ↑ ZATOCZKA «Kachańnie»
Літаратура Правіць
- Arnold McMillin Spring Shoots: Young Belarusian Poets in the Early Twenty-First Century. — Cambridge, 2015.