ФК Паперпрам Гомель
«Паперпрам» — беларускі футбольны клуб з горада Гомель, заснаваны ў 2016 годзе. У цяперашні час выступае ў Першай лізе чэмпіянату Беларусі.
| Паперпрам Гомель | ||||
|---|---|---|---|---|
 | ||||
| Заснаваны | 2016 | |||
| Горад | Гомель, Беларусь | |||
| Стадыён |
«Гомсельмаш» Умяшчальнасць: 3000 |
|||
| Дырэктар | Кірыл Яшчанка | |||
| Галоўны трэнер | Аляксей Краўчанка | |||
| Чэмпіянат | Першая ліга | |||
| 2023 | 13 месца | |||
| ||||
Гісторыя правіць
Каманда была заснавана ў 2016 годзе і спачатку выступала ў міні-футболе. У 2017 годзе «Паперпрам» заявіўся на чэмпіянат Гомеля і з першай спробы атрымаў у ім перамогу[1].
У канцы 2017 года стала вядома пра намер клуба заявіцца ў Другую лігу чэмпіянату Беларусі, і ў студзені 2018 года «Паперпрам» афіцыйна адправіў дакументы для ўдзелу[2]. У Другой лізе клуб стаў аўтсайдарам і ў сезоне 2018 заняў апошняе 15-е месца, атрымаўшы толькі дзве перамогі (у тым ліку адну тэхнічную) і двойчы згуляўшы ўнічыю.
У студзені 2019 года стала вядома, што новы сезон каманда пачне ў чэмпіянаце Гомельскай вобласці[3]. У сезоне 2020 «Паперпрам» вярнуўся на рэспубліканскі ўзровень[4].
У пачатку 2021 года «Паперпрам» абвясціў аб пераходзе на прафесійны ўзровень, запрасіў вопытных футбалістаў, многія з якіх выступалі ў Вышэйшай лізе. Каманда ставіла мэтай змагацца за выхад у Першую лігу, здолела выйсці ў плэй-оф Другой лігі, але саступіла там на стадыі 1/8 фіналу. Тым не меней, з-за адмовы некаторых клубаў «Паперпрам» працягваў прэтэндаваць на павышэнне, аднак у студзені 2022 года АБФФ паміж «Паперпрамам» і «Маладзечна» абрала для ўдзелу ў Першай лізе маладзечанскі клуб[5]. У лютым 2022 года, пасля таго як «Крумкачы» адмовіліся ад удзелу ў Першай лізе ў сезоне 2022, гомельскі клуб атрымаў прапанову далучыцца да Першай лігі, але вырашыў застацца ў Другой лізе[6].
У сезоне 2022, добра ўзмаціўшыся, клуб працягваў намагацца выйсці ў Першую лігу. Аднак, атрымаўшы ўпэўненую перамогу ў гомельскім дывізіёне Другой лігі, «Паперпрам» выбыў з далейшай барацьбы ўжо на стадыі 1/8 фіналу, саступіўшы па суме двух матчаў мінскім «Крумкачам». Тым не менш, АБФФ разглядала магчымасць павышэння каманды ў выпадку адмовы іншых патэнцыйных удзельнікаў Першай лігі. 16 лютага 2023 года «Паперпрам» быў дапушчаны да ліцэнзавання для ўдзелу ў Першай лізе[7], а 10 сакавіка разам з іншымі клубамі атрымаў ліцэнзію, такім чынам афіцыйна далучыўшыся да Першай лігі ў сезоне 2023[8]. Дэбютны сезон у Першай лізе прынёс камандзе 13-е месца з 17.
Дасягненні правіць
- Чэмпіён першынства горада турніру «Белая Русь» па міні-футболе 2016
- Чэмпіён горада Гомеля па футболе 2017
Цяперашні склад правіць
Станам на красавік 2024 года[9].
|
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
Трэнерскі штаб правіць
Аляксей Краўчанка (нар. 1985) — галоўны трэнер- Максім Каешка (нар. 1993) — трэнер
Статыстыка выступленняў правіць
Чэмпіянат і Кубак Беларусі правіць
| Сезон | Ліга | М | Г | В | Н | П | Галы | Ачкі | Кубак | Заўвагі |
|---|---|---|---|---|---|---|---|---|---|---|
| 2018 | Другая (Д3) | 15 | 28 | 2 | 2 | 24 | 20–96 | 8 | 1/64 фіналу | |
| 2019 | Чэмпіянат Гомельскай вобласці (Д4)[10] | 3 | 12 | 6 | 3 | 3 | 36–25 | 21 | ||
| 2020 | Другая — Група B (Д3) | 8 | 20 | 7 | 3 | 10 | 29–51 | 24 | 1/32 фіналу | |
| Матчы за 15 месца | 16 | 2 | 0 | 1 | 1 | 2–3 | ||||
| 2021 | Другая — Гомельскі дывізіён (Д3) | 2 | 14 | 11 | 2 | 1 | 41–5 | 35 | 1/128 фіналу | |
| Другая — плэй-оф (Д3) | 9-16 | 2 | 0 | 0 | 2 | 1–7 | ||||
| 2022 | Другая — Гомельскі дывізіён (Д3) | 1 | 18 | 17 | 0 | 1 | 165–11 | 51 | 1/32 фіналу | |
| Другая — плэй-оф (Д3) | 9-16 | 2 | 0 | 1 | 1 | 0–1 | Атрыманне месца ў Першай лізе | |||
| 2023 | Першая (Д2) | 13 | 32 | 10 | 8 | 14 | 45–62 | 38 | 1/16 фіналу |
Галоўныя трэнеры правіць
- Кірыл Яшчанка (2016—2021)
- Аляксей Краўчанка (з 2021)
Крыніцы правіць
- ↑ ФК «Бумпром»: что из себя представляет гомельский новичок второй лиги (руск.). Паблік «Вторая лига» на vk.com (26 студзеня 2018). Праверана 1 снежня 2023.
- ↑ "Бумпром" отправил документы для участия во второй лиге (руск.). football.by (10 студзеня 2018). Праверана 1 снежня 2023.
- ↑ "Бумпром" в 2019 году не сыграет во второй лиге (руск.). football.by (22 студзеня 2019). Праверана 1 снежня 2023.
- ↑ Утвержден формат проведения чемпионата страны во второй лиге (руск.). football.by (6 красавіка 2020). Праверана 1 снежня 2023.
- ↑ Что такое "Бумпром"? И почему федерация выбрала не его, а "Молодечно"? (руск.). football.by (15 студзеня 2022). Праверана 1 снежня 2023.
- ↑ "Бумпром" отказался идти в первую лигу (руск.). football.by (4 лютага 2022). Праверана 1 снежня 2023.
- ↑ "Бумпром" допущен к лицензированию для участников первой лиги (руск.). football.by (16 лютага 2023). Праверана 1 снежня 2023.
- ↑ Футбол. "Нива", "Жодино-Южное", "Макслайн", "Бумпром" и еще 13 клубов получили лицензии первой лиги (руск.)(недаступная спасылка). pressball.by (10 сакавіка 2023). Архівавана з першакрыніцы 25 сакавіка 2023. Праверана 25 сакавіка 2023.
- ↑ От "Энергетика-БГУ" и "Белшины" до дублей. Заявки команд первой лиги (сезон-2024) (руск.). football.by (5 красавіка 2024). Праверана 9 красавіка 2024.
- ↑ Чемпионат Гомельской области 2019 (руск.). football.by. Праверана 1 снежня 2023.
Спасылкі правіць
- Профіль на сайце globalsportsarchive.com (англ.)
- Профіль на сайце wildstat.ru (руск.)