Іван Іванавіч Пірожнік

Іван Іванавіч Пірожнік (2 студзеня 1952, пас. Міжрэчча, Клічаўскі раён, Магілёўская вобласць) — беларускі географ, прафесар, доктар геаграфічных навук, дэкан геаграфічнага факультэта БДУ. Загадчык кафедрай эканамічнай геаграфіі замежных краін (з 2002).

Іван Іванавіч Пірожнік
Дата нараджэння	2 студзеня 1952(1952-01-02) (70 гадоў)
Месца нараджэння	Клічаўскі раён, Бабруйская вобласць, БССР, СССР
Грамадзянства	Расія  Беларусь
Род дзейнасці	географ
Месца працы	геаграфічны факультэт БДУ
Навуковая ступень	доктар геаграфічных навук
Альма-матар	геаграфічны факультэт БДУ
Узнагароды	Ганаровая грамата Нацыянальнага сходу Рэспублікі Беларусь (2001)

Навучанне

У 1973 годзе скончыў геафак БДУ, потым аспірантуру на кафедры эканамічнай геаграфіі замежных краін.

Навуковая дзейнасць

У 1976 годзе абараніў кандыдацкую дысертацыю на тэму «Эканоміка-геаграфічныя праблемы фарміравання тэрытарыльных рэкрэацыйных сістэм і рэкрэацыйнага раянавання ў буйным эканамічным раёне (на прыкладзе Беларускай ССР)».

У 1993 годзе на паседжанні навуковага савета факультэта біялогіі і навук пра Зямлю Ягелонскага ўніверсітэта (Кракаў, Польшча) абараніў доктарскую дысертацыю на тэму «Сацыяльна-геаграфічныя тэндэнцыі развіцця і тэрытарыяльнай арганізацыі турысцкага абслугоўвання (на прыкладзе СССР у 1976—1990 гг.)».

Навуковае званне прафесара прысвоена ў 1997 г. Таксама з’яўляецца прафесарам Люблянскага і Кракаўскага ўніверсітэтаў.

Узнагароды

Ганаровая грамата Нацыянальнага сходу Рэспублікі Беларусь (2001), нагрудны знак Міністэрства адукацыі Рэспублікі Беларусь «Выдатнік адукацыі» (2009), прэмія імя А. Н. Сеўчанкі БДУ (2003).

Літаратура

• Геополитика в современном мире : учебное пособие для вузов / И. И. Пирожник. — Минск, 2008.
• География мирового океана : пособие для студентов вузов / И. И. Пирожник, Г. Я. Рылюк, Я. К. Еловичева. — Минск, 2007.
• Пірожнік Іван Іванавіч // Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 2001. — Т. 12: Палікрат — Праметэй. — С. 382. — 576 с. — 10 000 экз. — ISBN 985-11-0198-2 (т. 12), ISBN 985-11-0035-8.
• Пирожник Иван Иванович // Республика Беларусь : энциклопедия : [в 7 т.]. — Минск, 2008. — Т. 6. — С. 79.
• Пірожнік Іван Іванавіч // Прафесары і дактары навук Беларускага дзяржаўнага ўніверсітэта, 1921—2001. — Минск, 2001. — С. 222—223.

Спасылкі

• Пірожнік Іван Іванавіч на сайце анлайн-энцыклапедыі «Беларусь у асобах і падзеях»