Ігар Мікалаевіч Кавалевіч
Ігар Кавалевіч (нар. 3 лютага 1968, Іванава, Брэсцкая вобласць) — беларускі футбаліст (абаронца) і трэнер. У цяперашні час з’яўляецца галоўным трэнерам гродзенскага «Нёмана».
 Ігар Кавалевіч | ||||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
 | ||||||||||||||||||||||||||||||||||||||||
| Агульная інфармацыя | ||||||||||||||||||||||||||||||||||||||||
| Поўнае імя | Ігар Мікалаевіч Кавалевіч | |||||||||||||||||||||||||||||||||||||||
| Нарадзіўся |
3 лютага 1968[1] (55 гадоў) |
|||||||||||||||||||||||||||||||||||||||
| Грамадзянства |
 Беларусь |
|||||||||||||||||||||||||||||||||||||||
| Рост | 180 см | |||||||||||||||||||||||||||||||||||||||
| Вага | 75 кг | |||||||||||||||||||||||||||||||||||||||
| Пазіцыя | абаронца | |||||||||||||||||||||||||||||||||||||||
| Інфармацыя пра клуб | ||||||||||||||||||||||||||||||||||||||||
| Клуб |
 Нёман |
|||||||||||||||||||||||||||||||||||||||
| Пасада | галоўны трэнер | |||||||||||||||||||||||||||||||||||||||
| Клубная кар’ера[* 1] | ||||||||||||||||||||||||||||||||||||||||
|
||||||||||||||||||||||||||||||||||||||||
| Трэнерская кар’ера | ||||||||||||||||||||||||||||||||||||||||
|
||||||||||||||||||||||||||||||||||||||||
|
||||||||||||||||||||||||||||||||||||||||
.svg){kind=small}
Клубная кар’ера правіць
Выхаванец брэсцкага футбола, гуляў у розных беларускіх клубах і ў Расіі, у 2004 годзе правёў палову сезона ў Азербайджане. Лепшыя сезоны правёў у складзе «Белшыны», дзе стаў двойчы пераможцам Кубка Беларусі і срэбным прызёрам чэмпіянату. У 2005 скончыў кар’еру ў складзе мазырскай «Славіі».
Трэнерская кар’ера правіць
У верасні 2005 года прыйшоў у «Нафтан», дзе спачатку ўзначаліў дубль, у красавіку 2007 года стаў выканаўцам абавязкаў, а ў ліпені 2007 года — галоўным трэнерам наваполацкага клуба. Пры Кавалевічу «Нафтан» на працягу 2007—2011 гадоў не апускаўся ніжэй 7 месца ў табліцы, а ў 2009 годзе дасягнуў свайго найвышэйшага за гісторыю чацвёртага месца. У тым жа 2009 годзе «Нафтан» выйграў Кубак Беларусі.
У 2012 годзе Кавалевіч паўторна прывёў навапалачан да перамогі ў Кубку, пры гэтым сам трэнер у фінальным матчы быў выдалены на трыбуну[2]. У жніўні 2012, пасля шэрагу паражэнняў, Кавалевіч падаў заяву аб адстаўцы[3], але яна была адхілена кіраўніцтвам клуба[4]. У снежні 2012 года, аднак, пакінуў клуб[5].
У 2009 годзе стаў дадаткова трэнерам моладзевай зборнай Беларусі ў якасці асістэнта Георгія Кандрацьева. Потым разам з Кандрацьевым працягваў працу ў алімпійскай зборнай да 2012 года.
У верасні 2013 года быў прызначаны выканаўцам абавязкаў галоўнага трэнера моладзевай зборнай Беларусі пасля адстаўкі Аляксея Вяргеенкі[6]. У кастрычніку 2013 года на пасяджэнні БФФ быў зацвержаны галоўным трэнерам моладзевай зборнай[7].
У красавіку 2016 года, пасля адстаўкі Сяргея Саладоўнікава з пасады галоўнага трэнера гродзенскага «Нёмана», Ігар Кавалевіч стаў адным з асноўных кандыдатаў на вакантнае месца. У чэрвені 2016 года быў зацверджаны галоўным трэнерам «Нёмана», пры гэтым застаўся на працы ў моладзевай зборнай[8]. Пакінуў зборную ў лістападзе 2016 года па заканчэнні кантракта, які ў выніку не быў падоўжаны; у той жа час падпісаў новае пагадненне з гродзенцамі[9]. Па выніках сезона 2017 «Нёман» заняў шостае месца ў чэмпіянаце Беларусі. У кастрычніку 2017 года кантракт Кавалевіча з гродзенскім клубам быў падоўжаны яшчэ на год[10]. У сезонах 2018—2019 «Нёман» заставаўся ў сярэдзіне турнірнай табліцы. У снежні 2019 года падоўжыў кантракт з гродзенскім клубам на наступны сезон[11]. У 2020 годзе «Нёман» пасля няўдалага старту выдаў выдатную серыю і выйшаў у лідары чэмпіянату, доўгі час прэтэндаваў на медалі, але скончыў сезон пятым. Сезон 2021 «Нёман» правёў дрэнна, доўгі час знаходзіўся ўнізе табліцы, пазней здолеў узняцца і фінішаваў адзінаццатым.
У снежні 2021 года пагадненне Кавалевіча з гродзенскім клубам было падоўжана яшчэ на сезон[12]. У снежні 2022 года ў сёмы раз падоўжыў кантракт з «Нёманам»[13].
Дасягненні правіць
Ігравыя правіць
Срэбраны прызёр чэмпіянату Беларусі (2): 1997, 2002-
Бронзавы прызёр чэмпіянату Беларусі (2): 1992, 1998 - Уладальнік Кубка Беларусі (2): 1997, 1999
Срэбраны прызёр чэмпіянату Азербайджана: 2004
Трэнерскія правіць
- Уладальнік Кубка Беларусі (2): 2009, 2012
Палітычныя погляды правіць
Падпісаў адкрыты ліст спартыўных дзеячаў краіны, якія выступаюць за дзеючую ўладу Беларусі пасля жорсткіх падаўленняў народных пратэстаў у 2020 годзе[14][15].
Зноскі
- ↑ Igor Kovalevich // Transfermarkt — 2000. Праверана 9 кастрычніка 2017.
- ↑ Ковалевич был удален на трибуну в финале Кубка Беларуси(недаступная спасылка)
- ↑ Игорь Ковалевич: " В моей ситуации я просто обязан написать заявление об уходе. Спасибо всем"
- ↑ Игорь Ковалевич остался главным тренером "Нафтана"
- ↑ Футбол. Игорь Ковалевич не будет тренировать "Нафтан" в следующем сезоне
- ↑ U-21. Исполняющим обязанности главного тренера сборной назначен Игорь Ковалевич
- ↑ Игорь Ковалевич утвержден в качестве главного тренера молодежной сборной Беларуси
- ↑ Игорь Ковалевич возглавил гродненский "Неман"
- ↑ Футбол. "Неман" продлил контракт с Игорем Ковалевичем
- ↑ "Неман" на год продлил контракт с Игорем Ковалевичем
- ↑ "Неман" продлил соглашение с Ковалевичем
- ↑ "Неман" пролонгировал соглашение с Игорем Ковалевичем
- ↑ Футбол. Игорь Ковалевич в седьмой раз продлил контракт с "Неманом" (руск.)(недаступная спасылка). pressball.by (28 снежня 2022). Архівавана з першакрыніцы 30 снежня 2022. Праверана 30 снежня 2022.
- ↑ Стало известно, кто подписал открытое письмо спортсменов, выступающих за власть (руск.)(недаступная спасылка) (24 лістапада 2020). Архівавана з першакрыніцы 24 лістапада 2020. Праверана 24 лістапада 2020.
- ↑ Подписи. Праверана 8 снежня 2020.