Пётр Тышкевіч (ваявода менскі)

Пётр ТЫШКЕВІЧ (памёр у 1631?) — дзяржаўны дзеяч Вялікага Княства Літоўскага.

Пётр Тышкевіч
Piotr Tyszkiewicz
Герб «Ляліва»
8-ы Ваявода менскі 6 верасня 1618 — 1631
Папярэднік	Мікалай Крыштаф Сапега
Пераемнік	Бальтазар Стравінскі
10-ы Кашталян менскі 28 ліпеня 1611 — 6 верасня 1618
Папярэднік	Шчасны Галоўчынскі
Пераемнік	Аляксандр Слушка
Нараджэнне	30 лістапада 1571 Берасце, Берасцейскі павет, Берасцейскае ваяводства, Вялікае Княства Літоўскае, Рэч Паспалітая
Смерць	1631
Род	Тышкевічы
Бацька	Юрый Тышкевіч
Маці	Тэадора Валовіч
Жонка	Тэадора Галоўчынская
Дзеці	Казімір, Барбара, Марыяна, Соф'я, Крысціна, Кацярына
Дзейнасць	дзяржаўны дзеяч

28 ліпеня 1611 прызначаны кашталянам менскім, а 6 верасня 1618 - менскім ваяводам.

Пётр Тышкевіч з'яўляўся адным з фундатараў касцёла і кляштара дамініканцаў у Менску. У 1615 годзе ён купіў пляцоўку на рагу Высокага рынка на скрыжаванні вуліц Валоцкай і будучай Дамініканскай і пачаў будаваць для дамініканскага ордэна мураваны касцёл і двухпавярховы кляштар пры ім.

Сям'я

Паходзіў з лагойскай лініі роду Тышкевічаў, сын берасцейскага ваяводы Юрыя Тышкевіча і яго другой жонкі Тэадоры Валовіч, дачкі новагародскага кашталяна Рыгора Валовіча. Меў братоў Тэадора Фрыдэрыка, Марціна, Яна Яўстаха і Аляксандра

Ажаніўся з Рэгінай Галоўчынскай, дачкой менскага кашталяна Шчаснага Галоўчынскага. Пакінуў дзяцей:

• Казіміра (памёр у 1652), вялікага літоўскага падчашага;
• Барбару, жонку Дынавея;
• Марыяну, жонку смаленскага ваяводы Адама Мацея Саковіча;
• Соф'ю, жонку спачатку Аляксандра Калэнцкага, а потым князя Фёдара Друцкага-Горскага;
• Крысціну, жонку спачатку менскага стольніка Яна Жыжэмскага, а потым Гурскага;
• Кацярыну, жонку вялікага літоўскага маршалка Крыштафа Завішы.

Пасля смерці Пятра Тышкевіча яго жонка выйшла паўторна за віцебскага ваяводу Крыштафа Кішку.

Вонкавыя спасылкі

Генеалогія магнацкіх радоў Рэчы Паспалітай