Алег Аляксандравіч Стаховіч

Алег Аляксандравіч Стахо́віч (нар. 21 студзеня 1934) — беларускі архітэктар. Лаўрэат Дзяржаўнай прэміі БССР (1970).

Алег Аляксандравіч Стаховіч
Дата нараджэння	21 студзеня 1934(1934-01-21) (90 гадоў)
Месца нараджэння	Мінскі раён, Беларусь
Грамадзянства	СССР  Беларусь
Бацька	Алесь Стаховіч
Альма-матар	БНТУ
Месца працы	Мастацкі фонд БССР
Прэміі

Біяграфія

Нарадзіўся ў былой вёсцы Горкі-Абчак (Мінскі раён Міскай вобласці). Сын пісьменніка Алеся Стаховіча. Скончыў у 1959 годзе Беларускі політэхнічны інстытут. Да 1990 года працаваў у Мастацкім фондзе БССР пры Беларускім саюзе мастакоў. Кіраўнік уласнай творчай майстэрні.

Творчасць

Асноўныя працы (у аўтарскім калектыве): Курган Славы Савецкай Арміі — вызваліцельніцы Беларусі (Дзяржаўная прэмія БССР 1970 года), галоўны ўваход у выглядзе зоркі ў мемарыяльны комплексе Брэсцкая крэпасць-герой. Аўтар архітэктурна-скульптурнай кампазіцыі «Гадзіннік» на тэрыторыі завода «Палімір» у горадзе Наваполацк Віцебскай вобласці, інтэр’ераў заводскага Палаца культуры (1980-я гады).

Літаратура

• Стахо́віч Алег Аляксандравіч // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 182. — 10 000 экз. — ISBN 985-11-0035-8. — ISBN 985-11-0251-2 (т. 15).
• Республика Беларусь : энциклопедия. [В 7 т.] Т. 7. — Минск, 2008.
• Минская область : энциклопедия. [В 2 т.] Т. 2. — Минск, 2007.