Альберт Васілевіч Някрасаў

Альберт Васілевіч Някрасаў (нар. 20 красавіка 1937, г. Красавіна, Валагодская вобласць, Расія — 22 верасня 1992) — беларускі мастак.

Альберт Васілевіч Някрасаў
Дата нараджэння	20 красавіка 1937(1937-04-20)
Месца нараджэння	Красавіна, Велікаусцюжскі раён, Паўночная вобласць, РСФСР, СССР
Дата смерці	22 верасня 1992(1992-09-22) (55 гадоў)
Грамадзянства	Беларусь
Род дзейнасці	мастак
Месца працы	Віцебскі дзяржаўны ўніверсітэт імя П. М. Машэрава Віцебскі дзяржаўны тэхналагічны ўніверсітэт
Жанр	манументальнае мастацтва і станковы жывапіс[d]
Вучоба	Ленінградскае вышэйшае мастацка-прамысловае вучылішча імя В. Мухінай (1965)
Член у	Саюз мастакоў БССР

Біяграфія

Скончыў Ленінградскае вышэйшае мастацка-прамысловае вучылішча імя В. Мухінай у 1965 годзе. Выкладаў з 1965 года ў Віцебскім педагагічным інстытуце (з 1977 — тэхналагічным).

Член Беларускага саюза мастакоў з 1972 года.

Творчасць

Творам уласцівы рамантычная ўзнёсласць, лаканізм і дэкаратыўная абагульненасць форм, матавасць жывапіснай фактуры, стрыманая гама колераў. Аўтар станковых кампазіцый «Дзяўчына з касой» (1969), «У восеньскім парку» (1971), «Раніца» (1974), «Дзеці» (1976), «Бацькоўскі край», «Хвіліна адпачынку» (абодва 1981), «Восень» (1982), «Першы снег» (1983), трыпціха «Зіма» (1982), серый акварэляў «Па родных мясцінах», «Лепельшчына», «Міжземнамор’е» (усе 1992), твораў манументальнага мастацтва: размалёўкі «Этапы вялікага шляху» (1967) у будынку ГПТВ-19 і «Чалавек і прырода» (1980) у вытворчым корпусе швейнай фабрыкі «Сцяг індустрыялізацыі» ў Віцебску, мазаіка «Дзяцінства» на будынку сярэдняй школы № 4 г. Наваполацк Віцебскай вобласці (1973) і інш.

Літаратура

• М. Л. Цыбульскі. Някрасаў Альберт Васілевіч // Беларуская энцыклапедыя: У 18 т. Т. 11: Мугір — Паліклініка / Рэдкал.: Г. П. Пашкоў і інш. — Мн. : БелЭн, 2000. — Т. 11. — 560 с. — 10 000 экз. — ISBN 985-11-0035-8. — ISBN 985-11-0188-5 (т. 11).

Спасылкі

• Альберт Васілевіч Някрасаў на сайце анлайн-энцыклапедыі «Беларусь у асобах і падзеях»