Аляксей Сяргеевіч Наско

беларускі футбаліст
(Пасля перасылкі з Аляксей Наско)

Аляксей Наско (нар. 15 жніўня 1996, Гродна) — беларускі футбаліст, паўабаронца казахстанскага клуба «Мактаарал» з Атакента (у арэндзе з барысаўскага БАТЭ).

Футбол
Аляксей Наско
Поўнае імя Аляксей Сяргеевіч Наско
Нарадзіўся 15 жніўня 1996(1996-08-15)[1] (26 гадоў)
Грамадзянства Flag of Belarus.svg Беларусь
Рост 188 см
Вага 82 кг[2]
Пазіцыя абаронца, паўабаронца
Інфармацыя пра клуб
Клуб Казахстан Мактаарал
Клубная кар’ера[* 1]
2012—2016 Беларусь Нёман (Гродна) 10 (0)
2016   Беларусь Смаргонь 12 (1)
2017—2019 Беларусь Энергетык-БДУ (Мінск) 54 (7)
2019—2020 Беларусь Дынама (Брэст) 0 (0)
2019—2020   Беларусь Энергетык-БДУ (Мінск) 30 (2)
2020 Беларусь Энергетык-БДУ (Мінск) 5 (0)
2021— Беларусь БАТЭ (Барысаў) 18 (0)
2021   Беларусь Тарпеда-БелАЗ (Жодзіна) 12 (0)
2022—   Казахстан Мактаарал (Атакент)
Нацыянальная зборная[* 2]
2017 Беларусь Беларусь (да 21) 1 (0)
  1. Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 19 ліпеня 2022.
  2. Колькасць гульняў і галоў за нацыянальную зборную ў афіцыйных матчах, адкарэктавана станам на 1 красавіка 2017

Клубная кар’ераПравіць

Выхаванец ДЮСШ «Белкард», з 2012 года стаў выступаць за дубль гродзенскага «Нёмана». У сезоне 2014 замацаваўся ў рэзервовай камандзе гродзенцаў.

Перад сезонам 2015 значная колькасць маладых ігракоў, у тым ліку і Наско, была пераведзена ў асноўны склад. 21 сакавіка 2015 года дэбютаваў у асноўнай камандзе «Нёмана» ў першым матчы чвэрцьфінала Кубка Беларусі супраць БАТЭ (0:1), выйшаўшы на замену ўжо ў кампенсаваны час. 30 мая 2015 года дэбютаваў у Вышэйшай лізе, выйшаўшы на замену на 68-й хвіліне матча з «Гранітам» (2:0).

У першай палове сезона 2016 выступаў у асноўным за дубль, за асноўны склад правёў 1 матч. У жніўні 2016 года быў аддадзены ў арэнду «Смаргоні»[3]. Па заканчэнні сезона 2016 вярнуўся ў Гродна[4], аднак сезон 2017 распачаў у складзе сталічнага «Энергетыка-БДУ». На наступны сезон стаў капітанам каманды і ў якасці трывалага іграка асновы дапамог ёй выйсці ў Вышэйшую лігу.

У лютым 2019 года падоўжыў кантракт з мінскім клубам[5]. У сезоне 2019 заставаўся асноўным іграком сталічнай каманды, толькі з чэрвеня перастаў з’яўляцца на полі з-за траўмы. У ліпені 2019 года падпісаў кантракт з брэсцкім «Дынама», аднак застаўся ў «Энергетыку-БДУ» на правах арэнды да канца сезона[6]. У верасні аднавіўся ад траўмы і вярнуў месца ў стартавым складзе. У снежні 2019 года вярнуўся з арэнды ў «Дынама»[7], але неўзабаве зноў далучыўся да «Энергетыка-БДУ»[8]. У верасні 2020 года, разарваўшы пагадненне з дынамаўцамі, стаў іграком сталічнага клуба на трывалай аснове[9]. Хутка падпісаў кантракт з барысаўскім БАТЭ, які пачаў дзейнічаць з 1 студзеня 2021 года[10].

У складзе барысаўчан звычайна выхадзіў на замену. У ліпені 2021 года быў аддадзены ў арэнду ў «Тарпеда-БелАЗ»[11], дзе гуляў пераважна ў стартавым складзе. Па заканчэнні арэнды ў студзені 2022 года вярнуўся ў БАТЭ[12].

У ліпені 2022 года на правах арэнды далучыўся да казахстанскага «Мактаарала»[13].

Міжнародная кар’ераПравіць

26 сакавіка 2017 года дэбютаваў у моладзевай зборнай Беларусі, выйшаўшы ў стартавым складзе таварыскага матча супраць Латвіі (3:4).

ДасягненніПравіць

Статыстыка выступленняўПравіць

Сезон Дывізіён Клуб Краіна Матчы Галы
2012 дубль Нёман   5 0
2013 дубль Нёман   18 1
2014 дубль Нёман   23 0
2015 Д1 Нёман   9 0
2016 (1) Д1 Нёман   1 0
2016 (2) Д2 Смаргонь   12 1
2017 Д2 Энергетык-БДУ   16 0
2018 Д2 Энергетык-БДУ   27 7
2019 Д1 Энергетык-БДУ   18 1
2020 Д1 Энергетык-БДУ   28 1
2021 (1) Д1 БАТЭ   11 0
2021 (2) Д1 Тарпеда-БелАЗ   12 0
2022 (1) Д1 БАТЭ   7 0

Зноскі

СпасылкіПравіць