Анатоль Канстанцінавіч Сульянаў

Анатоль Канстанцінавіч Сульянаў
Анатоль Канстанцінавіч Сульянаў
	руск.: Анатолий Константинович Сульянов
Асабістыя звесткі
Дата нараджэння	3 верасня 1927
Месца нараджэння	Аксіньіна[d], Галавінскі раён[d], Паўночная адміністрацыйная акруга, Масква, Маскоўская губерня, РСФСР, СССР;
Дата смерці	5 лютага 2021 (93 гады)
Грамадзянства	СССР; Беларусь;
Альма-матар	Ваенна-палітычная акадэмія імя У. І. Леніна[d] (1962);
Прафесійная дзейнасць
Род дзейнасці	пісьменнік, ваенны, airman
Узнагароды	;

Анатоль Канстанцінавіч Сулья́наў^[1] (руск.: Анатолий Константинович Сульянов) — пісьменнік, генерал-маёр авіяцыі (1978), ваенны лётчык 1 класа, які засвоіў 14 тыпаў самалётаў і правёў у небе больш за дзве тысячы гадзін. Двойчы узнагароджаны ордэнам Чырвонай Зоркі, медалямі, Ганаровай граматай Прэзідыума Вярхоўнага Савета БССР. Заслужаны работнік культуры БССР (1986).

Біяграфія

Анатоль Сульянаў нарадзіўся 3 верасня 1927 года вёсцы Аксіньіна^[1] Маскоўскай вобласці ў сям’і сялян. У дзяцінстве захапляўся палётамі, кнігамі і фільмамі пра лётчыкаў. У 1946 годзе скончыў Маскоўскую спецшколу ВПС, а ў 1950 годзе Тамбоўскае і Армавірскае авіяцыйныя вучылішча. У 1962 годзе скончыў ваенна-палітычную акадэмію імя У. І. Леніна ў Маскве. Першапачаткова служыў ваенным лётчыкам, а з 1951 года палітработнікам ва Узброеных Сілах СССР. Быў членам КПСС. З 1962 года праходзіў службу на Поўначы^[1]. З 1969 года на службе ў Галоўным палітычным упраўленні Савецкай Арміі^[1].

З 1976 года А. К. Сульянаў у Мінску, член Ваеннага савета арміі Проціпаветранай абароны, у 1980—1987 гадах — намеснік начальніка палітычнага ўпраўлення Беларускай ваеннай акругі^[1].

Літаратурная дзейнасць

Друкавацца Анатоль Сульянаў пачаў з 1957 года, калі яго першыя творы былі апублікаваны ў часопісе «Савецкі воін». Выступаў у якасці ваеннага карэспандэнта ў «Савецкай авіяцыі», куды ён прыносіў свае першыя нататкі. Таксама пісаў на старонках «Праўды», «Чырвонай зоркі» і «Камсамольскай праўды». У яго творах пераважаюць гісторыі з жыцця лётчыкаў, гісторыі аб небе і палётах.

Бібліяграфія

Раманы

1981 — Расколотое небо
1987 — Только одна ночь (1987, экранізавана)
1990 — Голубые снега
1991 — На критических углах. Кніга 1 (1991), кніга 2 (1992)
2001 — Арестовать в Кремле: Исторический роман
2002 — Маршал Жуков. Слава. Забвение. Бессмертие
Пушкин, Элиз Кутузова и Долли Фикельман
2014 — Берия. Арестовать в Кремле

Аповесці

1982 — Посеешь ветер (1994)
1985 — Хождение за седьмое небо (1985)

Апавяданні

Дед Сергей
Осколок
Листопад (1976)
Штопор
Месяц большого сердца

Крыніцы

↑ ^а ^б ^в ^г ^д БелЭн 2002.

Літаратура

Сулья́наў Анатоль Канстанцінавіч // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 264. — 10 000 экз. — ISBN 985-11-0035-8. — ISBN 985-11-0251-2 (т. 15).
Энцыклапедыя літаратуры і мастацтва Беларусі: У 5-і т. / Рэдкал.: І. П. Шамякін (гал. рэд.) і інш.. — Мн.: БелСЭ, 1987. — Т. 5. Скамарохі — Яшчур. — С. 189. — 703 с. — 10 000 экз.

Спасылкі

[FOOTNOTEБелЭн2002-1] а ^б ^в ^г ^д БелЭн 2002.

[1]