Андрэй Віктаравіч Скорабагацька

(Пасля перасылкі з Андрэй Скорабагацька)

Андрэй Скорабагацька (нар. 19 ліпеня 1968, Запарожжа, УССР) — былы беларускі футбаліст (гуляў на пазіцыях паўабаронцы і нападніка), а потым трэнер. У цяперашні час з’яўляецца галоўным трэнерам юнацкай зборнай Беларусі.

Футбол
Андрэй Скорабагацька
Поўнае імя Андрэй Віктаравіч Скорабагацька
Нарадзіўся 19 ліпеня 1968(1968-07-19) (53 гады)
Грамадзянства Сцяг Беларусі Беларусь
Рост 174 см
Вага 80 кг
Пазіцыя паўабаронца, нападнік
Інфармацыя пра каманду
Каманда Сцяг Беларусі Беларусь (да 17)
Пасада галоўны трэнер
Клубная кар’ера[* 1]
1986—1995 Сцяг СССР/Сцяг Беларусі (1991-1995) Дняпро (Магілёў) 297 (76)
1996 Сцяг Беларусі МПКЦ (Мазыр) 26 (8)
1997 Сцяг Беларусі Трансмаш (Магілёў) 11 (2)
1998—1999 Сцяг Беларусі Тарпеда-Кадзіна (Магілёў) 34 (7)
1999 Сцяг Беларусі Гомель 6 (0)
2000—2004 Сцяг Беларусі Тарпеда-Кадзіна (Магілёў)
Трэнерская кар’ера
2004—2006 Сцяг Беларусі Тарпеда-Кадзіна (Магілёў)
2006—2007 Сцяг Беларусі Камунальнік (Слонім)
2008 Сцяг Беларусі Дняпро (Магілёў) трэнер
2008—2011 Сцяг Беларусі Дняпро (Магілёў)
2012—2013 Сцяг Беларусі Мінск трэнер
2013—2014 Сцяг Беларусі Мінск
2014—2016 Сцяг Беларусі Беларусь (да 21) трэнер
2016—2017 Сцяг Беларусі Мінск трэнер
2018 Сцяг Беларусі Белшына (Бабруйск) трэнер
2019— Сцяг Беларусі Беларусь (да 17)
  1. Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў.

Кар’ера футбалістаПравіць

Выхаванец СДЮШАР горада Запарожжа. З 1986 года доўгі час гуляў за магілёўскі «Дняпро», у складзе якога стаў найлепшым бамбардзірам першага чэмпіянату незалежнай Беларусі ў 1992 годзе. У 1996 годзе разам з мазырскім МПКЦ перамог у Кубку Беларусі і ў чэмпіянаце Беларусі. Пазней вярнуўся ў Магілёў, дзе і завяршыў кар’еру іграка ў 2004 годзе ў складзе «Тарпеда-Кадзіна».

Кар’ера трэнераПравіць

У 2004 годзе ўзначаліў «Тарпеда-Кадзіна», пасля спынення існавання гэтага клуба стаў трэнерам слонімскага «Камунальніка». У 2008 годзе вярнуўся ў якасці асістэнта ў «Дняпро», які ўзначаліў 8 жніўня таго ж года. Прывёў магілёўскі клуб да бронзавых медалёў чэмпіянату 2009, а ў наступным годзе — да раўнда плей-оф Лігі Еўропы. У жніўні 2011 года быў вызвалены ад пасады галоўнага трэнера магілёўскага клуба[1].

У снежні 2012 года стаў старшым трэнерам клуба «Мінск»[2]. У кастрычніку 2013, пасля звальнення Вадзіма Скрыпчанкі, быў прызначаны выканаўцам абавязкаў галоўнага трэнера[3]. У якасці выканаўцы абавязкаў давёў клуб да канца сезону.

Пасля заканчэння сезону, у снежні 2013 года, быў зацверджаны галоўным трэнерам «Мінска». У чэрвені 2014 года быў адпраўлены ў адстаўку з-за незадавальняючых вынікаў[4], але застаўся ў мінскім клубе ў якасці куратара юнацкага футбола. У снежні 2014 года дадаткова стаў трэнерам у штабе моладзевай зборнай Беларусі[5], дзе заставаўся да лістапада 2016 года, калі пакінуў каманду разам з Ігарам Кавалевічам.

У студзені 2016 года вярнуўся ў «Мінск», стаўшы асістэнтам новага галоўнага трэнера Георгія Кандрацьева[6]. У снежні 2017 года ўслед за Кандрацьевым пакінуў сталічны клуб[7].

У студзені 2018 года ўвайшоў у трэнерскі штаб Кандрацьева ў бабруйскай «Белшыне»[8]. У кастрычніку 2018 года разам з Кандрацьевым пакінуў бабруйскі клуб[9].

У лютым 2019 года быў прызначаны галоўным трэнерам юнацкай зборнай Беларусі, складзенай з футбалістаў 2003 года нараджэння[10].

У студзені 2015 года атрымаў трэнерскую ліцэнзію катэгорыі PRO[11].

Палітычныя поглядыПравіць

Падпісаў адкрыты ліст спартыўных дзеячаў краіны, якія выступаюць за дзеючую ўладу Беларусі пасля жорсткіх падаўленняў народных пратэстаў у 2020 годзе[12][13].

ДасягненніПравіць

ІгравыяПравіць

ТрэнерскіяПравіць

Зноскі

  1. Футбол. Чемпионат Беларуси. Андрей Скоробогатько покинул «Днепр»
  2. Андрей Скоробогатько пополнил тренерский штаб «Минска»
  3. Вадим Скрипченко расстался с «Минском» и продолжит карьеру в России
  4. «Минск» отправил в отставку главного тренера Андрея Скоробогатько и его помощников
  5. Андрей Скоробогатько вошел в тренерский штаб «молодежки»
  6. Скоробогатько и Потапов вошли в тренерский штаб Кондратьева в «Минске»
  7. Александр Лухвич: "Многих дублеров собираемся перевести в основной состав «Минска»
  8. Георгий Кондратьев официально возглавил «Белшину»
  9. Кондратьев покинул пост главного тренера «Белшины»
  10. http://football.by/news/123058.html
  11. Ермакович, Гольмак, Солодовников, Пышник и еще 15 белорусских специалистов сдали экзамен на категорию PRO
  12. Стало известно, кто подписал открытое письмо спортсменов, выступающих за власть (руск.)  (24 лістапада 2020). Праверана 24 лістапада 2020.
  13. Подписи. Праверана 8 снежня 2020.