Андрэй Анатолевіч Шчарбакоў
Андрэй Шчарбакоў (31 студзеня 1991, Віцебск — 17 снежня 2018) — беларускі футбаліст, брамнік.
 Андрэй Шчарбакоў | ||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Поўнае імя | Андрэй Анатолевіч Шчарбакоў | |||||||||||||||||||||
| Нарадзіўся |
31 студзеня 1991[1][2] |
|||||||||||||||||||||
| Памёр |
17 снежня 2018[3] (27 гадоў) |
|||||||||||||||||||||
| Пахаванне | ||||||||||||||||||||||
| Грамадзянства |
 Беларусь |
|||||||||||||||||||||
| Рост | 190 см | |||||||||||||||||||||
| Вага | 85 кг | |||||||||||||||||||||
| Пазіцыя | брамнік | |||||||||||||||||||||
| Клубная кар’ера[* 1] | ||||||||||||||||||||||
|
||||||||||||||||||||||
| Нацыянальная зборная[* 2] | ||||||||||||||||||||||
|
||||||||||||||||||||||
Клубная кар’ера правіць
Выхаванец віцебскага футбола, гуляў за дубль «Віцебска». У канцы 2010 года перайшоў у БАТЭ, дзе з’яўляўся рэзервовым брамнікам і гуляў у асноўным за дубль.
У лютым 2013 года вярнуўся ў «Віцебск» на правах арэнды[4] але ў жніўні 2013 года перайшоў у «Слуцк». Хутка стаў асноўным брамнікам «Слуцка» і дапамог гэтаму клубу перамагчы ў Першай лізе.
У студзені 2014 года зноў быў аддадзены ў арэнду, на гэты раз у «Белшыну»[5]. У першай палове сезона 2014 чаргаваўся на пазіцыі брамніка з Антонам Кавалеўскім, а ўлетку 2014 года, пасля прыходу ў каманду Дзмітрыя Гушчанкі, стаў другім брамнікам і перастаў з’яўляцца ў аснове.
У студзені 2015 года быў адпраўлены ў арэнду ў брэсцкае «Дынама»[6]. Але ў лютым у Брэсце з’явіўся былы брамнік мясцовага клуба Валерый Фамічоў, канкурэнцыю з якім Шчарбакоў не вытрымаў і пакінуў «Дынама»[7]. У сакавіку 2015 года, па заканчэнні кантракта з БАТЭ, зноў накіраваўся ў «Белшыну»[8]. У сезоне 2015 заставаўся другім брамнікам бабруйскага клуба пасля Барыса Панкратава.
У студзені 2016 года падпісаў кантракт з «Віцебскам»[9], дзе стаў другім брамнікам пасля Дзмітрыя Гушчанкі. Сезон 2018, як і папярэднія, пачынаў другім брамнікам, аднак 29 красавіка ў матчы супраць «Смалявічаў» Гушчанка атрымаў чырвоную картку і быў дыскваліфікаваны на пяць матчаў, у выніку Шчарбакоў заняў месца ў браме і здолеў замацавацца ў складзе, не саступіўшы месца ў складзе Гушчанку нават пасля адбыцця дыскаліфікацыі.
Міжнародная кар’ера правіць
Трапіў на Алімпійскія гульні 2012 у Лондане, але ні разу не з’явіўся на полі. У 2011—2012 гадах быў асноўным брамнікам моладзевай зборнай Беларусі.
Гібель правіць
17 снежня 2018 года загінуў у ДТЗ на 543-м кіламетры аўтамабільнай дарогі М1[10]. Пахаваны ў Віцебску на могілках Нікраполле.
Дасягненні правіць
Чэмпіён Беларусі: 2011- Уладальнік Суперкубка Беларусі: 2011
- Пераможца Першай лігі чэмпіянату Беларусі: 2013
Крыніцы правіць
- ↑ Andrey Shcherbakov // Transfermarkt — 2000. Праверана 9 кастрычніка 2017.
- ↑ Andrei Scherbakov // As — Madrid: Grupo Prisa, 1967. — ISSN 1888-6671
- ↑ Andrey Shcharbakow // https://historygreatest.com/andrey-shcharbakow
- ↑ Вратарь БАТЭ Андрей Щербаков отдан в аренду в «Витебск» (руск.)(недаступная спасылка). sportpanorama.by (26 лютага 2013). Архівавана з першакрыніцы 3 сакавіка 2013.
- ↑ БАТЭ отдал Щербакова в аренду "Белшине" (руск.). football.by (21 студзеня 2014). Праверана 24 красавіка 2024.
- ↑ БАТЭ отдал Щербакова в аренду брестскому "Динамо" (руск.). football.by (13 студзеня 2015). Праверана 24 красавіка 2024.
- ↑ Щербаков и Ковалюк покинули расположение брестского «Динамо» (руск.). by.tribuna.com.
- ↑ Щербаков и Иванко на просмотре в «Белшине» (руск.)(недаступная спасылка). offside.by (3 сакавіка 2015). Архівавана з першакрыніцы 11 кастрычніка 2015.
- ↑ Андрей Щербаков пополнил ряды "Витебска" (руск.). football.by (15 студзеня 2016). Праверана 24 красавіка 2024.
- ↑ Голкипер "Витебска" Андрей Щербаков погиб в автокатастрофе (руск.). football.by (17 снежня 2018). Праверана 24 красавіка 2024.