Адкрыць галоўнае меню

ФК Смалявічы

беларускі футбольны клуб

«Смалявічы»беларускі футбольны клуб з горада Смалявічы, заснаваны ў 2009 годзе. У цяперашні час выступае ў Першай лізе чэмпіянату Беларусі.

Смалявічы
Лагатып
Поўная назва ТАА «Футбольны клуб „Смалявічы“»
Заснаваны 2009
Горад Смалявічы, Беларусь
Стадыён «Азёрны»
Умяшчальнасць: 1600
Дырэктар Сяргей Міхайлаў
Галоўны трэнер Аляксандр Бразевіч
Чэмпіянат Першая ліга
2018 15 месца ў Вышэйшай лізе
Сайт Афіцыйны сайт
Форма
Асноўная
форма
Форма
Гасцявая
форма

ГісторыяПравіць

У 1996—1997 клуб са Смалявічаў пад назвай «Крышталь» гуляў у Трэцяй лізе чэмпіянату Беларусі.

«Вігвам» (2009 — 2011)Правіць

У 2009 быў створаны клуб «Вігвам» (назва ад фірмы-спонсара). Першы сезон клуб правёў у чэмпіянаце Мінскай вобласці, а на наступны год заявіўся ў Другую лігу. Але тады клуб поспехаў не меў, знаходзячыся пераважна ў ніжняй частцы табліцы.

Улетку 2011 клуб быў перайменаваны ў «Смалявічы», а галоўным трэнерам клуба стаў Юрый Пунтус, нядаўна звольнены з брэсцкага «Дынама». На той момант каманда займала апошняе месца ў Другой лізе. Клуб здолеў выправіць сітуацыю, скончыўшы сезон на 12 месцы з 16.

Сезон 2012Правіць

У сезоне 2012 клуб, які атрымаў новую назву «Смалявічы-СТІ» (ад новага спонсара, фірмы СарматТэрмаІнжынірынг), стаў галоўным фаварытам Другой лігі. Узмацніўшыся перспектыўнімі маладымі ігракамі, «Смалявічы-СТІ» упэўнена ішлі да сваёй мэты — выхаду ў Першую лігу.

У кастрычніку 2012 каманда правяла першы матч на новым стадыёне «Азёрны». Атрымаўшы перамогу над «Асіповічамі» (2:0), «Смалявічы-СТІ» датэрмінова аформілі выхад у Першую лігу.

Сезон 2013Правіць

У сезоне 2013 «Смалявічы-СТІ» дэбютавалі ў Першай лізе. Каманда працягвала выступаць маладымі ігракамі, толькі ўзмацнілася вопытным Алегам Страхановічам, які працаваў пад кіраўніцтвам Юрыя Пунтуса ў БАТЭ і МТЗ-РІПА.

Асаблівых поспехаў клуб са Смалявічаў не меў, чаргуючы перамогі з паражэннямі, і ў выніку апынуўся ў сярэдзіне турнірнай табліцы.

У кастрычніку 2013, пасля разгромнага паражэння да светлагорскага «Хіміка» (1:6), Юрый Пунтус падаў у адстаўку з пасады галоўнага трэнера[1]. Выканаўцам абавязкаў галоўнага трэнера стаў Альберт Рыбак, які да гэтага быў трэнерам брамнікаў.

Хутка пасля Пунтуса каманду пакінуў і адзін з лідэраў Алег Страхановіч. Каманда скончыла сезон на 8 месцы.

Сезон 2014Правіць

Пасля заканчэння сезону, у снежні 2013, Альберт Рыбак быў прызначаны галоўным трэнерам[2]. Каманда здолела захаваць большую частку ігракоў, хоць некаторыя ўслед за Юрыем Пунтусам перайшлі ў мазырскую «Славію».

Першую палову сезону 2014 каманда ішла ў сярэдзіне табліцы. У жніўні 2014 «Смалявічы-СТІ» сталі навязваць барацьбу за трэцяе месца, якое давала права на стыкавыя матчы за месца ў Вышэйшай лізе. Але пасля трох паражэнняў запар у верасні 2014 каманда зноў апынулася ў сярэдзіне табліцы, з-за чаго быў звольнены галоўны трэнер Альберт Рыбак[3]. Новы трэнер, Дзмітрый Навіцкі, які раней узначальваў «Мінск-2», не здолеў выправіць сітуацыю. Атрымаўшы паражэнні ў пяці апошніх турах, «Смалявічы-СТІ» занялі выніковае дзясятае месца.

Сезон 2015Правіць

У сезоне 2015 значна абнавіўся склад каманды — больш чым напалову. Сезон пачаўся няўдала — пасля шэрагу паражэнняў каманда апынулася ў канцы табліцы. Нягледзячы на тое, што сітуацыя пазней пачала выпраўляцца, у жніўні 2015 года галоўны трэнер Дзмітрый Навіцкі быў звольнены[4]. Неўзабаве новым трэнерам быў прызначаны Аляксандр Бразевіч[5], вядомы па працы ў такіх клубах, як «Смаргонь», «Тарпеда-БелАЗ» і «Рэчыца-2014». Бразевіч здолеў падняць каманду з 10-га на 7-е месца, якое стала найлепшым у гісторыі клуба. Па заканчэнні сезону ў лістападзе 2015 года спецыяліст пакінуў Смалявічы[6].

Сезон 2016Правіць

У пачатку сезону 2016 года «Смалявічы-СТІ» падпісалі дамову з барысаўскім БАТЭ[7], тым самым сталі фарм-клубам барысаўчан. Галоўным трэнерам стаў былы трэнер дубля БАТЭ Віталь Рагожкін. Пачатак сезону атрымаўся для каманды не вельмі ўдалым, і ў чэрвені Рагожкін пакінуў сваю пасаду, на чале каманды стаў Дзмітрый Молаш. У другой палове сезону «Смалявічы-СТІ» знаходзіліся ў сярэдзіне табліцы і ў выніку занялі 8-е месца з 14.

Сезон 2017Правіць

У сезоне 2017 супрацоўніцтва з БАТЭ было спыненае, аднак галоўным трэнерам застаўся Дзмітрый Молаш. Склад каманды папоўніў шэраг вопытных выканаўцаў, такіх як Алег Шкабара, Сяргей Кавалюк, Ігар Трухаў, Ігар Варанкоў. З пачатку турніру «Смалявічы-СТІ» разглядаліся як адзін з фаварытаў, а каманда здолела хутка захапіць лідарства, пасля першай паловы чэмпіянату займала першае месца з адрывам у 7 ачкоў. Аднак, шэраг няўдач у другой палове сезону дазволіў сапернікам дагнаць смалявіцкі клуб. У выніку ўпартай барацьбы «Смалявічы-СТІ» занялы другое выніковае месца і атрымалі месца ў Вышэйшай лізе.

Сезон 2018Правіць

У сезон 2018 каманда ўвайшла з новым галоўным трэнерам — ім стаў Аляксандр Бразевіч, які раней ужо ўзначальваў каманду. У студзені 2018 года стала вядома, што «Смалявічы-СТІ» змянілі назву на «Смалявічы»[8]. Амаль поўнасцю змянілася каманда, з папярэднага сезону засталіся толькі тры ігракі — Іван Васілёнак, Павел Чыкіда і Валерый Гарбачык. Смалявіцкая каманда добра засвоілася ў элітным дывізіёне, на працягу большай часткі сезону ішла ў ніжняй часткі турнірнай табліцы, але не трапляла ў зону вылету. Аднак, няўдачы ў канцы сезону адклалі вырашэнне пытання аб месцы ў эліце на апошні тур, дзе «Смалявічам» была патрэбна перамога над мінскім «Промнем». Выйшаўшы наперад, смалявіцкая каманда прапусціла ў другім тайме, і выніковы лік 1:1 адравіў «Смалявічы» ў Першую лігу.

ЭмблемыПравіць

Папярэднія назвыПравіць

  • 1996—1997: «Крышталь»
  • 2009—2011: «Вігвам»
  • 2011: «Смалявічы»
  • 2012—2017: «Смалявічы-СТІ»
  • з 2018: «Смалявічы»

ДасягненніПравіць

Цяперашні складПравіць

Статыстыка выступленняўПравіць

Чэмпіянат і Кубак БеларусіПравіць

Сезон Ліга М Г В Н П Галы Ачкі Кубак Заўвагі
1996 Трэцяя — Б (Д3) 7 26 14 3 9 43–30 45 1/16 фіналу
1997 Трэцяя — А (Д3) 5 26 13 4 9 39–35 43
2010 Другая (Д3) 11 34 10 11 13 32–41 41 1/32 фіналу
2011 Другая (Д3) 12 30 8 8 14 45–48 32 1/32 фіналу
2012 Другая (Д3) 1 36 26 9 1 113–22 87 1/32 фіналу   Выхад у Першую лігу
2013 Першая (Д2) 8 30 12 8 10 50–37 44 1/16 фіналу
2014 Першая (Д2) 10 30 12 4 14 37–41 40 1/32 фіналу
2015 Першая (Д2) 7 30 13 8 9 47–37 47 1/16 фіналу
2016 Першая (Д2) 8 26 9 7 10 38–29 34 1/16 фіналу
2017 Першая (Д2) 2 30 18 4 8 46–22 58 1/16 фіналу   Выхад у Вышэйшую лігу
2018 Вышэйшая (Д1) 15 30 5 9 16 21–39 24 1/8 фіналу   Вылет у Першую лігу
2019 Першая (Д2) 1/16 фіналу

Зноскі

Галоўныя трэнерыПравіць

СпасылкіПравіць